مەملەكەت دارەجەلى 23 اشۋ رايونى − الىپ تولقىننىڭ الدىڭعى لەگىندە كەلەدى

  • كەلۋ قاينارى: شينجياڭ گازەتى تورابى
  • 10:21:52 21/10/2019

     ءتىلشىمىز ما ينيڭ

    

    10 - ايدىڭ 8 - كۇنى 2019 - جىلعى جۇڭگونىڭ ورتا، شاعىن قالالارىنىڭ جوعارى ساپالى دامۋ كورسەتكىشىن زەرتتەۋ ناتيجەسى جاريالاندى، ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) جالپىلىق قۋاتى كۇشتى مەملەكەتتىك 100 رايون قاتارىنا كىرىپ، 34 - ورىندى يەلەدى.

    بۇگىنگى شينجياڭعا كوز سالساڭىز، تيانشاننىڭ سولتۇستىك باۋرايىنان وڭتۇستىك شينجياڭداعى ونەركاسىپتىك ماڭىزدى قالاشىققا دەيىن، مەملەكەت دارەجەلى 23 باقشا رايونىنىڭ ىشىندە قاۋىرت قۇرىلىستىڭ، قاۋىرت اشۋدىڭ، قاۋىرت دامۋدىڭ اياق الىسى بارعان سايىن نىعايىپ، باسىم بايلىقتى كادەگە جاراتۋ، جاڭاشا ونەركاسىپتەندىرۋدى نەگىزگى تاقىرىپ ەتكەن مۇناي حيميا ونەركاسىبى، وسى زامانعى كومىر حيميا ونەركاسىبى، ماشينا جاساۋ، توقىماشىلىق جانە كيىم - كەشەك، وسى زامانعى زات اينالىمى كاسىبى ەڭسە كوتەرىپ، شينجياڭ ونەركاسىبىنىڭ جوعارى ساپالى دامۋ سيمفونياسىن بىرگە شىعانداتقاندىعىن كورەسىز.

    ■ باتىل ىزدەنىس جاساپ، جاڭالىق اشتى، تيبىن وزگەرتۋگە، دارەجەسىن جوعارىلاتۋعا جەتەكشىلىك ەتتى

    بۇرىنعى 4 شارشى كيلومەتر اۋماقتان، قىلتيعان قىلتاناق شىقپايتىن يەن دالادان قادامىن باستاعان ءۇرىمجى ەكونوميكالىق - تەحنيكالىق اشۋ رايونىنىڭ (توۋتۇنحى رايونى) قازىر شينجياڭنىڭ رەفورما جاساۋىنىڭ، ەسىك اشۋىنىڭ باستاۋشىسىنا جانە ەكونوميكالىق دامۋىنىڭ ماڭىزدى ارتۋ ۇيەگىنە اينالارىن كىم ويلاعان.

    10 - ايدىڭ 12 - كۇنى ەكونوميكالىق - تەحنيكالىق اشۋ رايونىنىڭ (توۋتۇنحى رايونى) ۋيتاي سارايىندا تۇرىپ، الىسقا كوز جىبەرسەڭىز، سىمعا تارتقانداي ءتۇپ - ءتۇزۋ داڭعىل جولداردىڭ وسى رايوندى كەسىپ وتكەنىن، وسىزاماندانعان زاۆودتاردىڭ قاز - قاتار تارتىبىمەن ءتىزىلىپ تۇرعانىن كورەسىز. سان - ي اۋىر ونەركاسىبى، دۇڭفىڭ اۆتوكولىگى، شاڭحاي داجۇڭ سياقتى ءبىر توپ ونەركاسىپ كاسىپورىندارى وسى اراعا ورنالاسىپ، شەپ جايعان. قادام سايىن ورلەپ، كۇن سايىن جاڭارعان، ءوندىرىس پەن قالا توعىسقان وسىزاماندانعان جاڭا رايون جالىندى ومىرشەڭدىگىن شار تاراپقا تانىتتى.

    شينجياڭداعى تۇڭعىش مەملەكەت دارەجەلى ەكونوميكالىق - تەحنيكالىق اشۋ رايونى رەتىندە، ەكونوميكالىق - تەحنيكالىق اشۋ رايونى (توۋتۇنحى رايونى) باتىلدىقپەن رەفورما جاساپ، جاڭالىق اشتى − ”باقشا رايونى مەن ۇكىمەتتىڭ بىرىگۋىن“ ىلگەرىلەتىپ، ەكونوميكالىق دامۋعا قۋاتتى ومىرشەڭدىك كۇش ۇستەدى. قازىر اتالعان رايون بىرتىندەپ جەل ەلەكترىن، مەتال قورىتۋدى، اۆتوكولىكتى، ماشينا - جابدىق جاساۋدى ۋاكىل ەتكەن كاسىپ شوعىرىن قالىپتاستىرىپ، باقشا رايونىندا دۇنيە جۇزىندەگى 500 مىقتى كاسىپورنىنان 22سى، جۇڭگوداعى 500 مىقتى كاسىپورىننان 40ى ىرگە تەپكەن.

جاۋاپتى رەداكتور: جازيرا بولاتباي قىزى