قۇلجا قالاسى دارەتحانا قۇرىلىسىن مىقتى يگەرىپ، حالىق تۇرمىسىنا قولايلىلىق جاراتتى

  • كەلۋ قاينارى: ىلە گازەتى
  • 04:07:20 23/10/2019

    

    ءتىلشىمىز لي يافىڭ حابارلايدى. ساياحات كاسىبىنىڭ تەز دامۋىنا ىلەسە، قۇلجا قالاسىنىڭ ساياحات كورىنىس وڭىرلەرى جىلىنا ورتا ەسەپپەن 10 ميلليون ادام – رەتتەن استام ساياحاتشى قابىلداۋدا، سونىمەن «دارەتكە وتىرۋ قيىن بولۋ» ماسەلەسى بارعان سايىن كورنەكتىلەنە ءتۇستى. «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى قۇلجا قالاسىنىڭ تۇرعىن ءۇي، قۇرىلىس، مادەنيەت، ساياحات سياقتى تاراۋلارى اۆتونوميالى رايون تۇراقتاندىرعان نەگىزدىك قۇرىلعى قۇرىلىسىن جەدەلدەتۋ تالابىنا مەڭزەس، ساياحات دارەتحاناسى سىندى وسى تۇيىنگە كۇش سالىپ، حالىق تۇرمىسىنا ساياتىن ماسەلەلەردى كۇش سالا شەشىپ، نەگىزگى تاقىرىپتىق تاربيەنىڭ ناقتى ونىمدىلىگى ارقىلى بۇقارانىڭ تابىس سەزىمىن، باقىت سەزىمىن جوعارىلاتتى.

    قالا تۇرعىنى ياڭ ىن - رىن ۇلكەن – كىشى جولدار مەن ساياحات كورىنىس رايوندارىندا جاڭادان سالىنعان دارەتحانالار جونىندە بىلاي دەپ قۋانا لەبىز ءبىلدىردى: «ورتاسى ەرەكشە جاقسى، وپ - وڭاي تاۋىپ الاسىڭ، ونىڭ تازالىعىن ايتىپ سۇراما».

    شاعىن دارەتحانالار حالىق تۇرمىسىنىڭ كورنەكتى جاقسارعانىن ايگىلەيدى. دارەتحانا قۇرىلعىسىنا قاراپ ءبىر قالانىڭ مادەنيەت دارەجەسىن بىلۋگە بولادى، قالانىڭ باسقارىلۋ قابىلەتى مەن قىزمەت وتەۋ تانىمىن دا اڭعاراسىڭ. ساياحات قالاسى رەتىندە، قۇلجا قالاسىنىڭ ساياحاتشىلار مول كەلەتىن قازانشى ۇلتتىق سالت – سانا ساياحات رايونىنا، التىشۋار كوشەسى ەرەكشە ءمالى رايونىنا، جىبەك جولى شۇعىلاسى ساياحات شاعىن قالاشىعىنا قوسىلعان جالپى قارجى 5 ميلليون 586 مىڭ يۋان بولىپ، 9 ساياحات دارەتحاناسىنىڭ قۇرىلىسى ءبىتتى. مۇنىڭ ىشىندە، التىشۋار كوشەسى ەرەكشە ءمالى رايونىنىڭ ساياحات دارەتحاناسى ەۆروپا ۇلگىسىندەگى ستيل جوباسىن كورنەكتىلەندىرىلىپ، قازانشى ۇلتتىق سالت – سانا ساياحات رايونىنىڭ وڭتۇستىك قاقپا ساياحات دارەتحاناسى مەن جىبەك جولى شۇعىلاسى ساياحات شاعىن قالاشىعى ساياحات دارەتحاناسى از ۇلتتاردىڭ مادەنيەت قۇرىلىسى ستيلىن كورنەكتىلەندىردى. كوز الدا، ءار ءتۇرلى فورماداعى الەۋمەتتىك دارەتحانالار مەن ساياحات دارەتحانالارى پايدالانۋعا بەرىلىپ، قالا جانە كورىنىس رايوندارىمەن ٴبىر تۇلعالانىپ قانا قويماي قالا تۇرعىندارى مەن ساياحاتشىلارعا دا ايتاقالسىن جايلى سەزىلەدى.

    ساياحاتشىلار اراسىنداعى ەرەكشە توپقا باعىتتاي وتىرىپ ساياحات دارەتحاناسى قۇرىلىسىندا تاعى گۋمانيتارلىق قامقورلىق كورنەكتىلەندىرىپ، انالار مەن نارەستەلەر بولمەسى جانە ٴۇشىنشى تازالىق ءۇيى كوبەيتىلىپ، دارەت شەلەگى، تۇتقا سياقتى قۇرىلعىلار ورناتىلدى.

    قۇلجا قالاسى ازاتتىق جولى ٴمالى باسقارماسى التىشۋار كوشەسى الەۋمەتتىك اۋماعىنىڭ مەڭگەرۋشىسى ماحسۇتجان مۇسا بىلاي دەدى: «قاراستى رايونداعى تۇرعىندار تۇراعىمەن سەلبەسىپ، >ساۋدا ارقىلى دارەتحانانى اينالىمعا سالۋ، ساۋدا ارقىلى دارەتحانانى باسقارۋ< ۇلگىسى جونىندە ىزدەنىس جاساپ، ساياحات دارەتحانالارىنىڭ >تازا، بوگدە ءيىسسىز بولۋ، اقىسىز پايدالانىلۋ، ٴونىمدى باسقارىلۋ< باعىتىمەن دامۋ جەتىستىكتەرىن اناعۇرلىم بەكەمدەپ، ساياحاتشىلاردىڭ دارەتحانا ماسەلەسىن اناعۇرلىم ويداعىداي شەشەمىز».

جاۋاپتى رەداكتور: گۇلدەن ماقسات قىزى