شي جينپيڭ ءار ەل قورعانىس تاراۋلارى مەن اسكەري قوسىندارىنىڭ باسشىلارىمەن جانە حالىقارالىق اسكەري ىستەر دەنە تاربيە القالار كەڭەسىنىڭ باستى مانساپتىلارىمەن توپتىق كەزدەستى

  • كەلۋ قاينارى: ىلە گازەتى
  • 04:27:56 23/10/2019

  

    شينحۋا اگەنتتىگىنىڭ 10 - ايدىڭ 18 - كۇنى ۋحاننان بەرگەن حابارى (تىلشىلەر لي شۋەيۇڭ، لي شۋانلياڭ، مەي شىشيۇڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 18 - كۇنى تۇستەن كەيىن ۋحاندا 7 - كەزەكتى دۇنيە جۇزىلىك اسكەريلەر سپورت جينالىسىنىڭ اشىلۋ سالتىنا قاتىناساتىن ءار ەل قورعانىس تاراۋلارى مەن اسكەري قوسىندارىنىڭ باسشىلارىمەن، سونداي - اق حالىقارالىق اسكەري ىستەر دەنەتاربيە القالار كەڭەسىنىڭ باستى مانساپتىلارىمەن توپتىق كەزدەسىپ، قيمىلعا قاتىناساتىن ءار ەل قورعانىس تاراۋلارى مەن اسكەري قوسىندارىنىڭ باسشىلارىن، حالىقارالىق اسكەري ىستەر دەنە تاربيە القالار كەڭەسىنىڭ ءمانساپتىلارىن، ءار ەل سپورتشىلارىن جۇڭگو ۇكىمەتى، جۇڭگو حالقى جانە جۇڭگو اسكەري قوسىنى اتىنان قىزۋ قارسى الاتىندىعىن ءبىلدىردى.شي جينپيڭ بىلاي دەدى: بۇگىن، ءبىز ۋحاندا 7 - كەزەكتى دۇنيە جۇزىلىك اسكەريلەر سپورت جينالىسىن وتكىزىپ وتىرمىز، 100دەن استام مەملەكەتتەن كەلگەن 10 مىڭعا جۋىق اسكەريلەر وزەندى قالادا باس قوسىپ، اۋىس - كۇيىستىڭ، ءوزارا ونەگە الۋدىڭ جاڭا تاراۋىن بىرگە جازادى. دەنە تاربيە − قوعامنىڭ دامۋىنىڭ جانە ادامزاتتىڭ العا باسۋىنىڭ ماڭىزدى بەلگىسى، گۋمانيتارلىق اۋىس - كۇيىستىڭ ماڭىزدى قۇرامداس بولەگى. اسكەريلەر مەن دەنە تاربيە تابيعي بايلانىسقا يە، نىسانا اتۋ، مارافون سياقتى كوپتەگەن دەنە تاربيە تۇرلەرى اسكەري ىستەردەن باستاۋ العان. اسكەري ىستەر دەنە تاربيەسى كوماندير - جاۋىنگەرلەردىڭ تۇلعاسىن شىمىرلاندىرىپ، جىگەرىن جانىپ، قوسىننىڭ نيەتىن، جاۋىنگەردىڭ جىگەرىن ۇيىستىرىپ، اسكەريلەردىڭ وبرازىن كورسەتىپ، اسكەري قوسىنداردىڭ بارىس - كەلىسىن جەبەپ، دۇنيە جۇزىندەگى ءار ەلدىڭ جاپپاي ءمان بەرۋىنە بولەنىپ وتىر.

    شي جينپيڭ بىلاي دەپ اتاپ كورسەتتى: جۇڭگونىڭ اسكەري قوسىندارى ءارقاشان اسكەري ىستەر دەنە تاربيەسىنە ءمان بەرىپ، اسكەري ىستەر دەنە تاربيە قيمىلدارىن كەڭىنەن ورىستەتىپ، حالىقارالىق اسكەري ىستەر دەنە تاربيە جارىستارىنا بەلسەنە قاتىناسىپ كەلەدى، اسىرەسە، 1978 - جىلى حالىقارالىق اسكەري ىستەر دەنە تاربيە القالار كەڭەسىنە قاتىناسقاننان بەرى، مۇشە ەلدەرمەن بىرگە دەنە تاربيە جارىستارىنا قاتىناسىپ، اسكەري ىستەر دەنە تاربيە قيمىلدارىن وتكىزىپ، سەلبەستىك، اۋىس - كۇيىس جاساپ، حالىقارالىق اسكەري ىستەر دەنە تاربيە ىستەرىنىڭ ىرىقتى قاتىسۋشىسىنا، بەلسەندى قۇرۋشىسىنا، ماڭىزدى ۇلەسكەرىنە اينالدى.

    شي جينپيڭ مىنالاردى ءبىلدىردى: دۇنيە جۇزىلىك اسكەريلەر سپورت جينالىسى بەيبىتشىلىكتى ەسكە الۋ ءۇشىن بارلىققا كەلىپ، دوستىق جەتكىزۋ ارقىلى دامىپ، ءار ەل اسكەري قوسىندارىنىڭ وبرازىن ايگىلەيتىن، دوستىعىن تەرەڭدەتەتىن، ىقپالىن كەڭەيتەتىن ماڭىزدى تۇعىرىنا اينالىپ، «اسكەريلەر وليمپياداسى» دەگەن ادەمى اتقا يە بولىپ، دۇنيە جۇزىندەگى ءار ەل حالقىنىڭ نازارى مەن ىستىق ىقىلاسىنا بولەندى. 2015 - جىلى 5 - ايدا 7 - كەزەكتى دۇنيە جۇزىلىك اسكەريلەر سپورت جينالىسىن وتكىزۋ ءوتىنىشى ءساتتى بولعاننان كەيىن، جۇڭگو ۇكىمەتى مەن اسكەري قوسىندارى «جاسىل بولۋ، بىرگە يگىلىكتەنۋ، اشىق، كىرشىكسىز بولۋ» ۇستانىمىنان جازباي، دۇنيە جۇزىلىك كوزايا، وليمپيادالىق وي، جۇڭگولىق ەرەكشەلىك نەگىزىندە، سپورت جارىسىنا دايىندىقتىڭ ءتۇرلى قىزمەتتەرىن جوعارى ولشەممەن، جوعارى ساپامەن ورىندادى.

جاۋاپتى رەداكتور: گۇلدەن ماقسات قىزى