شي جينپيڭ 3 - كەزەكتى جۇڭگو - تىنىق مۇحيت ارال ەلدەرىنىڭ ەكونوميكالىق دامۋ سەلبەستىك تالقىسىنا قۇتتىقتاۋ حاتىن جولدادى

  • كەلۋ قاينارى: ىلە گازەتى
  • 04:33:05 23/10/2019

  

    شينحۋا اگەنتتىگىنىڭ حابارى. 3 - كەزەكتى جۇڭگو - تىنىق مۇحيت ارال ەلدەرىنىڭ ەكونوميكالىق دامۋ سەلبەستىك تالقىسى 10 - ايدىڭ 21 - كۇنى ساموانىڭ استاناسى اپيا قالاسىندا اشىلدى، مەملەكەت ٴتوراعاسى شي جينپيڭ تالقىنىڭ اشىلعاندىعىنا قۇتتىقتاۋ حاتىن جولدادى.

    شي جينپيڭ مىنالاردى اتاپ كورسەتتى: 2018 - جىلى 11 - ايدا تىنىق مۇحيت ارال ەلدەرى باسشىلارىمەن پاپۋا - جاڭا گۆينەيادا كەڭەس وتكىزىپ، ەكى جاقتىڭ قارىم - قاتىناسىن ٴوزارا قۇرمەت ەتەتىن، بىرگە داميتىن جالپى بەتتىك ستراتەگيالىق سەرىكتەستىك قاتىناس دەڭگەيىنە كوتەرىپ، جۇڭگو مەن تىنىق مۇحيت ارال ەلدەرى قارىم ـ قاتىناسىنىڭ جاڭا ساتىسىن اشۋعا ٴبىر اۋىزدان قوسىلعان ەدىك. شي جينپيڭ مىنالاردى باسا دارىپتەدى: 3 - كەزەكتى جۇڭگو - تىنىق مۇحيت ارال ەلدەرىنىڭ ەكونوميكالىق دامۋ سەلبەستىك تالقىسىن وتكىزۋ - مەنىڭ تىنىق مۇحيت ارال ەلدەرى باسشىلارىمەن كەلىسكەن ماڭىزدى ورتاق تانىمىم، ەكى جاقتىڭ وسى ماڭىزدى تۇعىردان تولىق پايدالانىپ، سۇحپاتتاسۋدى، اۋىس - كۇيىستى، سەلبەستىكتى كۇشەيتىپ، ەكى جاق سەلبەستىگىنىڭ اناعۇرلىم زور دامۋعا قول جەتكىزۋىن ٴۇمىت ەتەمىن.

جاۋاپتى رەداكتور: گۇلدەن ماقسات قىزى