1976 - جىل: 10 - ايداعى جەڭىس

  • كەلۋ قاينارى: ىلە گازەتى
  • 03:59:07 24/10/2019

    1976 - جىلى ەلىمىزدە دۇنيە ءجۇزىن ءدۇر سىلكىندىرگەن ءبىر قىدىرۋ ءىرى ىستەر تۋىلدى. 1 - ايدىڭ 8 - كۇنى جوۋ ىنلاي زۇڭلي قايتىس بولدى. 4 - ايدا حالىق بۇقاراسىنىڭ جوۋ ىنلايعا ازا بىلدىرگەن، «تورتتىك توبەگە» قارسى تۇرعان تيان - انمىن ۋاقيعاسى تۋىلعان سوڭ دىڭ شياۋپيڭ قاتە تۇردە پارتيا ءىشى - سىرتىنداعى بارلىق مىندەتىنەن قالدىرىلدى. 7 - ايدىڭ 6 - كۇنى مەملەكەتتىك حالىق قۇرىلتايى تۇراقتى كوميتەتىنىڭ باستىعى جۋ دى قايتىس بولدى. 7 - ايدىڭ 28 - كۇنى حىبەيدىڭ تاڭشان وڭىرىندە كۇشتى جەر سىلكىنىسى تۋىلىپ، حالىقتىڭ ءومىرى مەن مال - مۇلكى اۋىر زيانعا ۇشىرادى. 9 - ايدىڭ 9 - كۇنى پارتيانىڭ، مەملەكەتتىڭ، ارميانىڭ نەگىزگى قۇرۋشىسى جانە باسشىسى ماۋ زىدۇڭ قايتىس بولىپ، بۇكىل ەل حالقى وراسان زور قايعى - قاسىرەتكە باتتى.

    ماۋ زىدۇڭ قايتىس بولاردىڭ الدى - ارتىندا «تورتتىك توبە» پارتيا مەن مەملەكەتتىڭ ەڭ جوعارى باسشىلىق ۇقىعىن تارتىپ الۋ قاسكۇنەمدىك ارەكەتىن جەدەلدەتتى. سول كەزدەگى جۇڭگو كوممۋنيستىك پارتياسى ورتالىق كوميتەتىنىڭ ءبىرىنشى ورىنباسار ءتوراعاسى، مەملەكەتتىك كەڭەستىڭ زۇڭليى حۋا گوفىڭ يە جيانيڭ، لي شياننيان، ۋاڭ دۇڭشيڭ سياقتى ورتالىقتاعى باسشى جولداستارمەن بىرگە زەرتتەۋ جۇرگىزدى جانە قايتا - قايتا اقىلداستى ءارى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسىنداعى كوپتەگەن جولداستاردىڭ ماقۇلداۋىن العان سوڭ پارتيا مەن حالىقتىڭ ەركىن اتقارىپ، «تورتتىك توبەگە» باتىل شارا قولدانۋدى ۇيعاردى.

    10 - ايدىڭ 6 - كۇنى كەشتە حۋا گوفىڭ، يە جيانيڭ قاتارلىلار جۇڭنانحايدا وتىرىپ قولباسشىلىق ەتىپ، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن اشۋ فورماسىمەن ۋاڭ حۇڭۋىندى، جاڭ چۇنچياۋدى اۋاشالاپ تەكسەرۋدى جاريالادى، سونىمەن قاتار جياڭ چيڭ مەن ياۋ ۋىنيۋاندى دا اۋاشالاپ تەكسەردى. وسىلايشا باس - اياعى ءبىر ساعاتقا جەتپەيتىن ۋاقىتتا ءبىر تال وق شىعارماي، ءبىر تامشى قان اعىزباي «تورتتىك توبەنى» ءبىر جولدا تالقاندادى. پارتيا ورتالىق كوميتەتى تاعى پارمەندى شارا قولدانىپ، «تورتتىك توبە» توبىنىڭ شاڭحايداعى تىرەكتى ەلەمەنتتەرىنىڭ قارۋلى بۇلىك تۋدىرۋ قاسكۇنەمدىگىن تالقانداپ، «تورتتىك توبەنىڭ» باسقا جەرلەردەگى توپتارىنىڭ تىرەكتىلەرىنە دە باتىل شارالار قولدانىپ، بۇكىل ەلدىڭ ساياسي جاعدايىنىڭ ورنىقتىلىعىنا كەپىلدىك ەتتى.

    10 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتى بۇكىل پارتياعا «تورتتىك توبەنىڭ» تالقاندالعاندىعى تۋرالى حاباردى رەسمي جاريالادى. بۇكىل ەلدەگى 100 ميلليونداعان بۇقارا شىن جۇرەكتەن قولداپ - قۋاتتادى.

    «تورتتىك توبەنى» تالقانداۋ «مادەنيەت زور توڭكەرىسى» سىندى اپاتتى اياقتاتىپ، حاۋىپتەن پارتيانى قۇتقارىپ، مەملەكەتتى قۇتقارىپ، جۇڭگونىڭ سوتسياليزم ىستەرىن قۇتقارىپ، پارتيانىڭ تاريحي ۇلى بۇرىلىسىن جۇزەگە اسىرۋعا العى شارت ازىرلەدى. رەسپۋبليكا تاريحىنىڭ جاڭا پاراعى اشىلدى.

    (شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى