جۇڭگو شارۋالارىنىڭ ۇلى جاسامپازدىعى

  • كەلۋ قاينارى: ىلە گازەتى
  • 04:02:38 24/10/2019

    1982 - جىلى 1 - ايدىڭ 1 - كۇنى جۇڭگو كوممۋنيستىك پارتياسى ورتالىق كوميتەتى 1 - ءنومىرلى قۇجات جاريالاپ، ەلىمىز اۋىل - قىستاقتارىندا جارىققا شىعىپ جاتقان ءونىمدى وتباسىلارعا كوتەرمەگە بەرۋ، جۇمىستى وتباسىلارعا كوتەرمەگە بەرۋ سياقتى ءار ءتۇرلى فورماداعى ءوندىرىس جاۋاپكەرلىگى تۇزىمدەرىن تۇراقتاندىردى. وسىدان كەيىن، ءونىمدى وتباسىلارعا كوتەرمەگە بەرۋ، جۇمىستى وتباسىلارعا كوتەرمەگە بەرۋ (كەيىن ونىمگە بىرلەستىرىپ وتباسىلارعا كوتەرمەگە بەرۋ (كەيىن وتباسىلارعا ونىمگە بىرلەستىرىپ كوتەرمەگە بەرۋ دەپ اتالدى) جاۋاپكەرلىك ءتۇزىمى دەپ اتالدى) سىندى جۇڭگو شارۋالارىنىڭ وسى ۇلى جاسامپازدىعى جالپى بەتتىك جالپىلاستىرىلدى.

    پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، يدەيانى ازات ەتۋ، شىندىقتى ءىس جۇزىنەن ىزدەۋ رۋحىنىڭ ىنتالاندىرۋىمەن، ەلىمىز اۋىل - قىستاقتارىنىڭ كوپتەگەن جەرلەرىندە «ءونىمدى وتباسىلارعا كوتەرمەگە بەرۋگە جول قويماۋ» شەكتەمەسى بىرتىندەپ تالقاندالىپ، كوپ ءتۇرلى فورماداعى ءوندىرىس جاۋاپكەرلىك ءتۇزىمى جالپى بەتتىك اتقارىلدى. مۇنىڭ ىشىندە انحۇيدىڭ فىڭياڭ اۋدانىندا ءونىمدى وتباسىلارعا كوتەرمەگە بەرۋدەن دە اناعۇرلىم تۇبەگەيلى، اناعۇرلىم قولايلى دا ىقشام جۇمىستى وتباسىلارعا كوتەرمەگە بەرۋ فورماسى جارىققا شىقتى، ياعني ءونىمدى وتباسىلارعا كوتەرمەگە بەرۋدەگى ەڭبەك جەمىسىن «ەڭبەك نومىرىنە» اينالدىرىپ ءبولىس جۇرگىزۋ بۋىنى قالدىرىلادى، شارۋا وتباسى ءونىمدى بەلگىلەمە بويىنشا جوعارىعا تاپسىرۋ مىندەتىن ورىنداعاننان كەيىن، قالعان بولىگىن تۇگەلدەي ءوز مەنشىگىنە الادى. شارۋالاردىڭ ءسوزى بويىنشا ايتقاندا، «مەملەكەتتىكىنە كەپىلدىك ەتۋ، كوللەكتيۆتىكىن جەتكىلىكتى قالدىرۋ، اسقانى تۇگەلدەي وزىمىزدىكى» دەگەندەي ەدى. مۇنداي ءادىس ەڭبەك جەمىسى مەن شارۋالاردىڭ يگىلىگىن تىكەلەي بايلانىستىرعاندىقتان، شارۋالاردىڭ توتەنشە قولداۋىنا يە بولدى، ءونىمدى ارتتىرۋ ونىمدىلىگى دە توتەنشە كورنەكتى بولدى.

    1980 - جىلى 9 - ايدىڭ 14 - كۇنىنەن 22 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ولكەلىك (اۆتونوميالى رايون، قالا) پارتكومداردىڭ 1 - شۋجيلەرى ءماجىلىسىن اشتى. بۇل جولعى ءماجىلىستىڭ ماڭىزدى ەستەلىگى ءوندىرىس دۇيلەرىنىڭ باسشىلىعىندا اتقارىلعان ءونىمدى وتباسىلارىنا كوتەرمەگە بەرۋدىڭ سوتسياليستىك شارۋاشىلىققا تاۋەلدى ەكەندىگىن، سوتسياليزم ارناسىنان الشاقتامايتىندىعىن تۇراقتاندىردى. سونىمەن تالاي جىلدان بەرى ءونىمدى وتباسىلارىنا كوتەرمەگە بەرۋدى اتىزدى ءبولىپ بەرىپ، جەكە ىستەۋمەن بىردەي، كاپيتاليزممەن بىردەي دەيتىن كوزقاراستى تالقانداپ، پارتيانىڭ اۋىل - قىستاق ساياساتىنداعى كەلەلى جاڭالىقتى جۇزەگە اسىردى.

    1982 - جىلدان 1986 - جىلعا دەيىن ورتالىق ءۇرتىس 5 جىل تۇگەلدەي «1 - ءنومىرلى قۇجات» فورماسىمەن ونىمگە بىرلەستىرىپ، وتباسىلارعا كوتەرمەگە بەرۋ جاۋاپكەرلىك ءتۇزىمىن تولىق تۇراقتاندىردى ءارى ساياسات جاعىنان بەلسەنە جەتەكشىلىك ەتىپ، اۋىل - قىستاق رەفورماسىنىڭ جاڭالىعىن جانە اۋىل شارۋاشىلىق ءوندىرىسىنىڭ دامۋىن پارمەندى جەبەدى.

    (شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى