وبلىستىق پارتكوم ۇگىت ٴبولىمى كەدەي وتباسىلارىنا ساياسات جەتكىزىپ، مەيىر باعىشتادى

  • كەلۋ قاينارى: ىلە گازەتى
  • 04:43:47 25/10/2019

    ٴتىلشىمىز يان جيانشيا حابارلايدى. 10 – ايدىڭ 17 - كۇنى وبلىستىق پارتكوم ۇگىت ٴبولىمىنىڭ كادرلارى حال سۇراۋ بۇيىمدارىن الىپ، جۇپ قۇراپ سۇيەمەلدەۋ قىستاعى بولعان توعىزتاراۋ اۋدانى اعارسىن قالاشىعى اقتام قىستاعىنا بارىپ ونداعى قيىنشىلىعى بار وتباسىلارىنان حال سۇرادى ٴارى وبلىستىق ٴان - ٴبي تەاترحاناسىنىڭ ارتيستەرىن ۇسىنىس ەتىپ، قىستاق تۇرعىندارىن تارتىمدى كونسەرت نومىرلەرىمەن سۋسىنداتتى.

    حال سۇراۋ بارىسىندا ۇگىت ٴبولىمىنىڭ كادرلارى ٴاربىر وتباسىنا كۇرىش، ۇن، ازىقتىق ماي جەتكىزىپ بەرىپ، تۇرعىنداردىڭ ٴوندىرىس جاعدايى مەن وتباسى جاعدايىن ەگجەي ـ تەگجەيلى ۇعىستى، سونداي ـ اق قىستاق تۇرعىندارىن قىستاق «ەكى كوميتەتىنىڭ» جانە قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ جەتەكشىلىگىندە، پارتيانىڭ حالىققا تيىمدىلىك جاساۋ ساياساتىنىڭ دەمەۋىندە كىرىستەرىن ۇزدىكسىز ارتتىرۋعا شابىتتاندىردى. سول كۇنى تۇستە وبلىستىق ٴان - ٴبي تەاترحاناسىنىڭ ارتيستەرى مەن قىستاقتاعى ادەبيەت - كوركەمونەر اۋەسكەرلەرى قىستاق تۇرعىندارىنا دومبىرامەن ورىندالعان ءان، ءبي سياقتى تارتىمدى كونسەرت نومىرلەر تارتۋ ەتتى.

    اقتام قىستاعى 2 ـ گرۋپپاسىنىڭ تۇرعىنى قۋانىشباي باعالبەك ۇلى بۇرىن قىستاقتاعى كەدەي وتباسى بولىپ، وتباسىنداعى 3 جاننىڭ جىلدىق كىرىسى 10 مىڭ يۋان عانا ەدى. جاقىنعى 2 جىلدان بەرى قىستاق «ەكى كوميتەتى» جانە قىزمەت اترەتىنىڭ كومەگى مەن شابىتتاندىرۋىندا ءوندىرىسىن دامىتىپ، وزدەرىنىڭ كوركەمونەرلىك ارتىقشىلىعىن ساۋلەلەندىرىپ، قالاشىقتاعى شارۋالار ساياجايىندا ونەر كورسەتىپ، كىرىستەرىن ارتتىردى.

    «بۇرىن باسقالاردىڭ سيىر، قويىن باعاتىنبىز، جىلىنا ەڭ كوپ بولعاندا 10 مىڭ يۋان كىرىس كىرەدى، قازىر مەملەكەتتىڭ كەدەيلەردى سۇيەمەلدەۋ ساياساتى جاقسى، بىزگە سيىر تاراتىپ بەرىپ، تۇرعىن ءۇيدى دە اقىسىز سالىپ بەردى، سونىمەن بىرگە 40 مىڭ يۋان ٴوسىمسىز قارىز اقشا بەردى، قازىر تۇرمىسىمىز جاقسارىپ، جىلىنا 30 مىڭ دا 40 مىڭ يۋانعا دەيىن كىرىس كىرگىزەمىز» دەدى قۋانىشباي اسا ريزاشىلىقپەن.

    اقتام قىستاعى __ 2014 ـ جىلى اۆتونوميالى رايون دارەجەلى كەدەي قىستاق بولىپ تۇراقتانعان، 2016 ـ جىلى كەدەيلىك قالپاعى الىپ تاستالعان. بيىل اقتام قىستاعى جوعارى دارەجەلى پارتكومنىڭ زور كۇشپەن قولداۋىندا، 6 ميلليون 500 مىڭ يۋان حالىققا تيىمدىلىك جەتكىزۋ، كەدەيلەردى سۇيەمەلدەۋ قارجىسىنا قول جەتكىزىپتى. «7 ٴبىر توپ»، «3 سەرپىندى ارتتىرۋ» قىزمەت تالابى بويىنشا، كەدەيلىكتەن ارىلتۋدان قامال الۋ قىزمەتى مۇقيات جاقسى ىستەلىپ، قىستاقتىڭ بەت ـ بەينەسىندە كورنەكتى وزگەرىس جارىققا شىعىپ، قىستاق تۇرعىندارى كىرىسىنىڭ ٴۇرتىس ارتۋىن جۇزەگە اسىرعان.

    وبلىستىق پارتكوم ۇگىت ٴبولىمىنىڭ اقتام قىستاعىندا تۇراتىن «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت اترەتىنىڭ مۇشەسى، كەدەيلەردى سۇيەمەلدەۋ قىزمەتكەرى لۇڭ جۋۋەي تانىستىرىپ بىلاي دەدى: «حالىق تىلەگىن تولىق قابىلداۋ العى شارتىندا، ٴبىز حالىققا پايدالى، ٴتيىمدى كەدەيلەردى سۇيەمەلدەۋ قارجىسىن تۇگەلدەي كەدەيلەردى سۇيەمەلدەۋ نەگىزدىك قۇرىلعى قۇرىلىسىنا ىستەتتىك. كەدەيلەردى سۇيەمەلدەۋ قىزمەتى بارىسىندا ٴبىز شىنايى يگەرىپ، ناقتى ىستەپ، قيىندىقتاردى جەڭىپ، كەدەي بۇقارانىڭ قيىنشىلىعىن بار ىنتا - پەيىلىمىزبەن شەشتىك. قازىر تۇتاس قىستاقتا ‹ەكىدەن تارىقتىرماۋ، ٴۇشتى قامتاماسىز ەتۋدى› جاپپاي جۇزەگە اسىردىق، سونداي ـ اق ىشكى قوزعاۋشى كۇشكە دەم بەرۋ، جاڭا كاسىپتى دامىتۋ جاعىندا ۇزدىكسىز ىزدەنىس جاساپ، كەدەيلەردى زاتتىق جاقتان سۇيەمەلدەۋ مەن اقىل ـ پاراسات جاعىنان سۇيەمەلدەۋدى ۇشتاستىرۋ جاعىنا كۇش سالۋدامىز».

جاۋاپتى رەداكتور: جازيرا بولاتباي قىزى