ەلىمىزدىڭ بەيزاتتىق مادەني مۇرالاردى قورعاۋعا جۇمساعان قارجىسى 7 ميلليارد يۋاننان استى

  • كەلۋ قاينارى: ىلە گازەتى
  • 04:54:58 25/10/2019

    ەلىمىز بەيزاتتىق مادەني مۇرالاردى قورعاۋ ارناۋلى قورىن قۇرىپ، «بەيزاتتىق مادەني مۇرا زاڭى» جاريالانعاننان بەرى جالپى 7 ميلليارد يۋاننان استام قارجى قوسقان. سونىمەن بىرگە، بۇكىل ەل بويىنشا 29 ولكە، اۆتونوميالى رايون، توتە قاراستى قالا بەيزاتتىق مادەني مۇرالاردى قورعاۋدىڭ جەرگىلىكتى ەرەجەسىن شىعارىپ، بەيزاتتىق مادەني مۇرالاردى قورعاۋدى جەرگىلىكتى قازىنا مەجە ەسەبىنە ەنگىزگەن.

    مادەنيەت جانە ساياحات مينيسترلىگى بەيزاتتىق مادەني مۇرا مەكەمەسىنىڭ ورىنباسار باستىعى حۋ يان 9 - ايدىڭ 17 - كۇنى تۇستەن كەيىن 7 - كەزەكتى جۇڭگو چىڭدۋ حالىقارالىق بەيزاتتىق مادەني مۇرا مەرەكەسىنىڭ قاتىستى قيمىلدارىنا قاتىناسقاندا وسى جاعدايدى تىلگە تيەك ەتكەن. كەزەكتە مەملەكەتتىك كەڭەس 4 - توپتاعى ءبىر مىڭ 372 ءتۇرلى مەملەكەت دارەجەلى بەيزاتتىق مادەني مۇرالاردى قورعاۋ ۋاكىلدىك نىسانىن جاريالادى، ال مادەنيەت جانە ساياحات مينيسترلىگى 5 - توپتاعى مەملەكەت دارەجەلى ۋاكىلدىك مۇراگەردەن 3 مىڭ 68 ىن تۇراقتاندىرىپ، 21 مەملەكەت دارەجەلى مادەنيەت ەكولوگياسىن قورعاۋ سىناق رايونىن قۇرۋدى بەكىتتى؛ ولكە، رايون، قالالار، ولكە دارەجەلى ۋاكىلدىك سيپاتتى 15 مىڭ 777 ءتۇر وبيەكتىسى مەن ولكە دارەجەلى 16 مىڭ 432 ۋاكىلدىك مۇراگەردى تۇراقتاندىردى.

    حۋ يان تاعى بىلاي دەپ تانىستىردى: ەلىمىز بەيزاتتىق مادەني مۇرالاردى قورعاۋ ىستەرىنە ءمان بەرىپ، ءارى جالپىلىق، ءارى وزىندىك ەرەكشەلىككە يە ساياسات جۇيەسىن بىرتىندەپ كەمەلدەندىردى؛ بەيزاتتىق مادەني مۇرالاردى قورعاۋ قوسىنىنىڭ قابىلەت قۇرىلىسىنا ءمان بەرىپ، «جۇڭگو بەيزاتتىق مۇرا مۇراگەرلەرىن تاربيەلەۋ جوسپارىن» 2015 ـ جىلدان باستاپ اتقارعاننان بەرى جيىنى 701 كەزەك كۋرس اشىپ، 29 مىڭ 200 ادام ـ رەت تاربيەلەدى، بۇعان ۇلاسپالى تاربيەلەۋگە قاتىناسقان مۇراگەرلەردى قوسقاندا جالپى 98 مىڭ 900 ادام ـ رەتكە جەتكەن.

    سونىمەن بىرگە، يەيزاتتىق مۇرانىڭ كەدەيلەردى سۇيەمەلدەۋ جانە باياندى دامۋ بارىسىنداعى رولى دا ساۋلەلەندىرىلدى. مادەنيەت جانە ساياحات مينيسترلىگى بۇكىل ەل بويىنشا قولدايتىن 15 ءداستۇرلى ونەر قىزمەت پۋنكتىنىڭ سەگىزىن كەدەي رايوندارعا ورنالاستىردى؛ «بەيزاتتىق مادەني مۇرا + كەدەيلەردى سۇيەمەلدەۋ» سىندى 10 ءتۇيىندى قولداۋ رايونىن بەلگىلەپ، كەدەيلەردى سۇيەمەلدەۋ بويىنشا 156 شەبەرحانا قۇرۋ ارقىلى قولداۋ كورسەتتى. ۇكىمەت، كاسىپورىن، جوعارى مەكتەپ سياقتى قۇرىلىمدار ءداستۇرلى ونەر قىزمەت پۋنكتى تەكشەسىنەن پايدالانىپ، ۇلتتىق جانە وڭىرلىك ەرەكشەلىككە يە ونىمدەر مەن ايگىلى ماركالاردى جەتىلدىرىپ، جەرگىلىكتى بۇقارانىڭ ناقتى كىرىسكە قول جەتكىزۋىنە كومەكتەسىپ، كەدەيلەردى سۇيەمەلدەۋ قىزمەتىنىڭ ماڭىزدى جەبەۋشىسىنە اينالدى.

جاۋاپتى رەداكتور: جازيرا بولاتباي قىزى