كەدەيلىكتەن ارىلتۋدان قامال الۋ

  • كەلۋ قاينارى: شينجياڭ گازەتى تورابى
  • 10:45:02 25/10/2019

    شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. 1991 - جىلى 3 - ايدا مەملەكەتتىك كەدەيلەردى سۇيەمەلدەۋ، وركەندەتۋ قىزمەتى ءماجىلىسى بەيجيڭدە اشىلدى. بۇل بۇكىل مەملەكەت سيپاتىندىق كەدەيلەردى سۇيەمەلدەۋ، وركەندەتۋ قىزمەتىن ىشكەرىلەي ىلگەرىلەتكەن ءبىر رەتكى ماڭىزدى ءماجىلىس بولدى.

    دوڭگەلەك داۋلەتتى بولۋعا ۇمتىلۋ ستراتەگياسىن اتقارۋ بارىسىندا، جۇڭگو اۋىل - قىستاقتارداعى كەدەيلەردىڭ ىشەر اس، كيەر كيىم ماسەلەسىنە ايرىقشا نازار اۋدارىپ، كەدەيلەردى سۇيەمەلدەۋ، وركەندەتۋ قىزمەتىنىڭ تەبىنىن ۇزدىكسىز ارتتىردى.

    1984 - جىلى 9 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «كەدەي وڭىرلەردىڭ بەت - بەينەسىن تەز ارادا وزگەرتۋىنە كومەكتەسۋ جونىندەگى حابارلاندىرۋ»دى بىرلەسىپ تاراتىپ، 10 نەشە تۇتاسقان كەدەي وڭىرلەردىڭ ماسەلەسىن كۇشتى شوعىرلاندىرا وتىرىپ شەشۋدى تالاپ ەتتى. وسىدان كەيىن 1986 - جىلدان باستاپ ەلىمىز بۇكىل ەل كولەمىندە جوسپارلى، ۇيىمدى، زور كولەمدى كەدەيلەردى سۇيەمەلدەۋ، وركەندەتۋ قىزمەتىن ورىستەتتى.

    90 - جىلدارعا قادام تاستاعاننان كەيىن، مەملەكەتتىك كەڭەس ورتاعا قويعان ”7 - بەسجىلدىق“ كەزىندە باسىم كوپ ساندى كەدەي وڭىرلەردەگى بۇقارانىڭ ىشەر اس، كيەر كيىم ماسەلەسىن شەشۋ نىساناسى نەگىزىنەن جۇزەگە اسقانىمەن، ءبىراق ولشەمى تومەن، تۇراقسىز، بىركەلكىسىز بولعاندىقتان، پارىق ءبىرشاما زور بولدى.

    1991 - جىلى 3 - ايدا مەملەكەتتىك كەدەيلەردى سۇيەمەلدەۋ، وركەندەتۋ قىزمەتى ءماجىلىسى بەيجيڭدە اشىلدى. وسىدان كەيىن پارتيا مەن مەملەكەت كەدەيلەردى سۇيەمەلدەۋ، وركەندەتۋ قىزمەتىن بوساڭسىتپاي مىقتاپ يگەرىپ، كەدەيلەردى سۇيەمەلدەۋ قىزمەتى ءماجىلىسىن تالاي رەت اشىپ، ورنالاستىرۋ جاسادى.

    1993 - جىلدىڭ سوڭىنا دەيىن بۇكىل ەلدەگى اۋىل - قىستاقتاردا ىشەر اس، كيەر كيىم ماسەلەسى شەشىلمەگەن كەدەيلەر سانى 80 ميلليونعا ازايدى. بۇل كەدەيلەر نەگىزىنەن جاراتىلىستىق ورتاسى، ءوندىرىس، تۇرمىس شارت - جاعدايى ناشار وڭىرلەرگە شوعىرلانعاندىقتان، كەدەيلەردى سۇيەمەلدەۋ قيىنشىلىعى بارعان سايىن ارتتى.

    وسى جاعدايعا مەڭزەس، مەملەكەتتىك كەڭەس 1994 - جىلى «مەملەكەتتىڭ 80 ميلليون كەدەيدى 7 جىلدا كەدەيلىكتەن ارىلتۋدان قامال الۋ جوسپارىن» جاساپ ءارى باستاپ اتقارىپ، ادام كۇشىن، زاتتىق كۇشتى، قازىنالىق كۇشتى شوعىرلاندىرا وتىرىپ 7 جىل شاماسىنداعى ۋاقىتپەن، ياعني 2000 - جىلدىڭ سوڭىنا دەيىن اۋىل - قىستاقتاعى 80 ميلليون كەدەيدىڭ ىشەر اس، كيەر كيىم ماسەلەسىن نەگىزىنەن شەشۋگە كۇش سالدى.

    وسى جوسپارعا ساي، كەدەيلەردى سۇيەمەلدەۋ قىزمەتىندە بۇكىل پارتيا ىسكە كىرىسكەن، بۇكىل قوعام اتتانىسقا كەلگەن، كۇش بىرىكتىرىپ كەدەيلەردى سۇيەمەلدەگەن تىڭ جاعداي تەز قالىپتاستى. قالىڭ كادر - بۇقارانىڭ جاپالى قۇلشىنۋىنىڭ ارقاسىندا، كەدەيلەردى سۇيەمەلدەۋ، وركەندەتۋدەن كورنەكتى ونىمدىلىككە قول جەتتى.

جاۋاپتى رەداكتور: جازيرا بولاتباي قىزى