توعىزتاراۋ اۋدانى نەگىزگى تاقىرىپتىق تاربيەنى ورىستەتۋدە ناقتى ىستەردى تياناق ەتىپ، جۇرت تىلەگىنەن شىقتى

  • كەلۋ قاينارى: ىلە گازەتى
  • 03:57:51 26/10/2019

    ءتىلشىمىز گو جۇن حابارلايدى. توعىزتاراۋ اۋدانى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن ورىستەتۋدە نازاردى ءار ۇلت جۇرتشىلىعىن مازالايتىن قيىن ىستەرگە شوعىرلاندىرىپ، نەگىزگى ساتىعا بارىپ، حالىق تىلەگىنە قۇلاق اسىپ، حالىقتىڭ مۇڭ ـ مۇقتاجىن شەشىپ، جۇرت تىلەگىنەن شىعىپ، ءار ۇلت جۇرتشىلىعىنا قاتىستى ناقتى ىستەردى ىستەپ بەرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتتى.

    10 – ايدىڭ 11 – كۇنى داچىڭشىداي تۇرعىندار رايونىندا تۇراتىن حۋاڭ شيۋلان ۇيىندەگى جىلۋ جۇيەسى قۇبىرىن تەكسەرۋگە كەلگەن توعىزتاراۋ انكاڭ جىلۋ شەكتى سەرىكتىگىنىڭ قىزمەتكەرىنە: «جىلۋ جۇيەسى قۇبىرىن تەكسەرىپ كەلگەندەرىڭە راقىمەت، قىستا جىلۋ جۇيەسىنەن سۋ قاشا ما دەپ الاڭدامايتىن بولدىق» دەدى.

    جىلۋمەن قامداۋ مەزگىلى تايادى. توعىزتاراۋ انكاڭ جىلۋ شەكتى سەرىكتىگى تۇتاس اۋدانداعى 2 ميلليون 150 مىڭ شارشى مەترلىك اۋماقتى قالىپتى جىلۋمەن قامداۋعا كەپىلدىك ەتۋ ءۇشىن، داعدىلى تەكسەرۋ - جوندەۋ قىزمەتىمەن قاتار، نەگىزگى تاقىرىپتىق تاربيەمەن ۇشتاستىرىپ، 24تاۋلىك بويى كەزەكشىلىك تەلەفونىن جانە شارلاۋ ـ تەكسەرۋ، شۇعىل جاعدايعا توتەپ بەرۋ، شۇعىل جوندەۋ قىزمەتى اترەتىنىڭ قۇرىلعاندىعى، بولىمشە رايونداعى قارت، ءالسىز جانە ءجۇرىس ـ تۇرىسى قولايسىز تۇرعىنداردىڭ ۇيىنە بارىپ تەكسەرىپ جوندەۋ سياقتى قىزمەت وتەۋ نىساندارىن جاڭادان جاريالادى. توعىزتاراۋ انكاڭ جىلۋ شەكتى سەرىكتىگىنىڭ ورىنباسار ديرەكتورى گاۋ لۇڭ: «ءبىز 9 - ايدىڭ باسىنان باستاپ نەگىزگى جەلى مەن وتباسىلارعا كىرگەن جەلىلەرگە ايىرىم - ايىرىم سۋ جىبەردىك ءارى بىلتىرعى اينالىم جاعدايىمەن ۇشتاستىرىپ، كومەسكى كىناراتتاردى الاستاپ، رەتتەۋ ـ تۇزەتۋ تەبىنىن ارتتىرىپ، جابدىقتاردىڭ جوندەلۋ جاعدايىن قايتالاي قاداعالايمىز. تۇرعىنداردى قىستان جىلى دا جايلى وتكىزەمىز» دەدى.

    بىرنەشە كۇن جۇمىس ىستەۋدىڭ ناتيجەسىندە تاستوبە اۋىلى قاراباق قىستاعى مەملەكەت تاس جولى 578 ـ لەنياسىنا تۇتاساتىن 4.8 كيلومەتر قىستاق جولى تۇگەلدەي تەگىستەلىپ، اسفالت توسەلۋ الدىندا تۇر. اۋىل - قىستاق تاس جولى قۇرىلىسى جونىندە اۋداندىق قاتىناس مەكەمەسى بۇقارانىڭ اڭىسى كۇشتى بولعان جىرعالاڭ اۋىلى، اعارسىن قالاشىعى، تاستوبە اۋىلى سياقتى 3 اۋىل - قالاشىقتىڭ 4 قىستاعىن كەزەكتەگى قۇرىلىس ءتۇيىنى ەتىپ تاڭدادى. توعىزتاراۋ اۋداندىق قاتىناس مەكەمەسى جول ىستەرىن تەكسەرۋ ۇلكەن اترەتىنىڭ باستىعى ما ۋىنچي: «جۇرتشىلىقتىڭ ءجۇرىس ـ تۇرىسى قيىن بولۋ ماسەلەسىن شەشۋ - ءبىزدىڭ اۋەلگى ماقساتىمىز جانە بورىشىمىز، بۇقارانىڭ ىركىلىسسىز، حاۋىپسىز، ساپالى تاس جول قاجەتىن قاناعاتتاندىرۋ ءبىزدىڭ قىزمەت ءتۇيىنىمىز. اۋىل – قىستاق جولىنىڭ ۇزىندىعى 22.6 كيلومەتر، بۇعان 10 ميلليون 270 مىڭ يۋان قارجى قوسىلدى، مۇندا 2 جولعا تۇگەلدەي اسفالت توسەلىپ بولدى، قالعاندارى 10 – ايدىڭ سوڭىندا اياقتالادى، سول كەزدە 5 مىڭنان استام جۇرتشىلىقتىڭ ءجۇرىس – تۇرىس ماسەلەسى شەشىلەتىن بولادى» دەدى.

    جارىم ايدان بەرى توعىزتاراۋ اۋدانى سيىر فەرما رايونى ەگىنشىلىك 7 ـ الەۋمەتتىك اۋماعىنداعى مىڭنان استام تۇرعىننىڭ كوپ جىلدان بەرى مازالاپ كەلگەن اۋىز سۋ حاۋىپسىزدىگى ماسەلەسى شەشىلىپ، بۇقارا شاتتىققا شومدى.

جاۋاپتى رەداكتور: جازيرا بولاتباي قىزى