ىلە گازەتى مەكەمەسى اشىلىبۇلاق قىستاعىنىڭ نەگىز قالاپ، ۇزاق بولاشاقتىق جوسپار جاساۋىنا كومەكتەستى

  • كەلۋ قاينارى: ىلە گازەتى
  • 03:58:54 26/10/2019

    ٴتىلشىمىز لۋ جۇڭ حابارلايدى. ادەتتە جاي قارالعانىمەن، ادامدار كۇندەلىكتى تۇرمىستا دارەتحانادان مۇلدە ايرىلا المايدى. ول ەڭ نەگىزگى قاجەت، ەڭ نەگىزگى حالىق تۇرمىسى. دەسە دە، كۇنەس اۋدانى بەستوبە اۋىلى اشىلىبۇلاق قىستاعىندا «شۇڭقىر قازىلىپ بەتىنە ەكى تاقتاي قويىلىپ، ٴتورت قابىرعاسى سوقپا تاممەن قورشالعان» دارەتحانانى كوپتەپ كەزىكتىرەسىز. ال، بۇقارانىڭ ارماندايتىنى تازا دا تىنىستى دارەتحانا.

    «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى ىلە گازەتى مەكەمەسىنىڭ اشىلىبۇلاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق تۇرعىندارى ەڭ كوڭىل ٴبولىپ وتىرعان قولامتالى، قيىن ماسەلەلەرگە باعىتتاي وتىرىپ، كەدەيلەردى سۇيەمەلدەۋ نىسان قارجىسىن بەلسەنە قولعا كەلتىرىپ، 120 نەشە قىستاق تۇرعىنىنىڭ دارەتحاناسىن شوعىرلى جاڭالادى، 10 - ايدىڭ 17 - كۇنىنە دەيىن 83 قىستاق تۇرعىنىنىڭ دارەتحاناسى جاڭالانىپ بولعان.

    اشىلىبۇلاق قىستاعىنىڭ تۇرعىنى مۇساجان جۇماقىن ۇلى وسى 83 وتباسىنىڭ ٴبىرى. «بۇرىن دارەتحانادان شىققان بوگدە ءيىس قولقاڭىزدى جارىپ، بارلىق جەردە شىبىن قاپتاپ جۇرەتىن. دارەتحانا جاڭالانعاننان كەيىن، بوگدە ٴيىس جوعالىپ، ۇلكەن قيىنشىلىعىمىز شەشىلدى» دەدى ول.

    بيىل 3 ـ ايدا قىستاق تۇرعىنى شاتتىقگۇل ءابدىراحىم قىزى ءۇيىنىڭ ورنى جول بويىندا بولعاندىقتان اسحانا اشقان ەدى. «دارەتحانامىز تىم قاراپايىم ءارى كونە فورمادا بولعاندىقتان، كوپتەگەن ساياحاتشى دارەتحاناعا كىرگەن سوڭ مۇرنىن ءشۇيىرىپ، كەتە باراتىن» دەدى ول كەيىپ.

    دارەتحاناعا شوعىرلى وزگەرىس ەنگىزگەننەن كەيىن، شاتتىقگۇل تازالىق بولمەسىنە سۋمەن شايىلاتىن دارەت شەلەگىن، تازالىق بولمەسىنىڭ كىرە بەرىس ۇيىنە ەكى ارناۋلى قول جۋاتىن ورىن جاسادى. «كوپتەگەن ساياحاتشى اۋىل ـ قىستاقتا دا وسىنداي دارەتحانا بولاتىنىن ويلاماپپىز، بەينە قوناق ءۇيدىڭ شارت – جاعدايى سياقتى ەكەن دەسەدى» دەدى شاتتىقگۇل كۇلىپ تۇرىپ.

    «اۋىل ـ قىستاقتا قونىس ورتاسىن جاقسارتۋ بارىسىندا اۋىل ـ قىستاقتاعى دارەتحانانى جاڭالاۋ قىزمەتى ماڭىزدى ٴبىر مازمۇن بولدى، اشىلىبۇلاق قىستاعىندا 530 وتباسى بار، بيىل 127 وتباسىنىڭ دارەتحاناسىن جاڭالاۋ جوسپارلانعان، قازىر 83 وتباسىنىڭ دارەتحاناسى سالىنىپ بولدى، قالعان 44 وتباسىنىڭ دارەتحاناسى 11 – ايدىڭ ورتا شەنىندە تۇگەلدەي سالىنىپ بولماق. باسقا تۇرعىندار وتباسىنىڭ دارەتحاناسى كەلەر جىلى تۇگەلدەي وزگەرتىلەدى» دەدى وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى سۇڭ ۋي تىلشىگە.

    اشىلىبۇلاق قىستاعى - اۆتونوميالى رايون دارەجەلى كەدەي قىستاق، كەدەي وتباسى كوپ، كەدەيلىك جيناق سانى كورنەكتى، كەدەيلىكتەن ارىلتۋدان قامال الۋ جانە نەگىزىن بەكەمدەۋ، دارەجەسىن جوعارىلاتۋ مىندەتى اۋىر. «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى اشىلىبۇلاق قىستاعىنىڭ جاعراپيالىق ابزالدىعىنا ساي، قىستاق تۇرعىندارىن ساياحات كاسىبىن دامىتۋعا بەلسەنە شابىتتاندىردى.

جاۋاپتى رەداكتور: جازيرا بولاتباي قىزى