شي جينپيڭ برازيليانىڭ زۇڭتۇڭى بولسونارومەن كەڭەستى

  • كەلۋ قاينارى: ىلە گازەتى
  • 10:42:49 29/10/2019

    شينحۋا اگەنتتىگىنىڭ 10 - ايدىڭ 25 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 10 - ايدىڭ 25 - كۇنى حالىق سارايىندا برازيليانىڭ زۇڭتۇڭى بولسونارومەن كەڭەستى.

    شي جينپيڭ بولسونارونىڭ العاش رەت جۇڭگوعا ساپارلاي كەلگەندىگىن قارسى الدى، ونىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى كەزىندە ىستىق ىقىلاستى قۇتتىقتاۋ تەلەگرامماسىن جولداعاندىعىنا العىس ايتتى. شي جينپيڭ بىلاي دەپ اتاپ كورسەتتى: جۇڭگو مەن برازيليا جەكە - جەكە شىعىس پەن باتىس جارتى شارداعى ەڭ ۋاكىلدىك سيپاتقا يە بازارى جاڭادان گۇلدەنگەن ەلدەر جانە ەڭ ءىرى دامۋ ۇستىندەگى ەلدەر. جۇڭگو مەن برازيليا ديپلوماتيالىق قارىم - قاتىناس ورناتقان 45 جىلدان بەرى، ەكى جاق باستان - اياق ءوزارا قۇرمەت ەتىپ، تەڭ تۇرعىدا ءوزارا مامىلە جاساپ، ءوزارا پايدا جەتكىزىپ، تەڭ يگىلىككە كەنەلىپ، دامۋ ۇستىندەگى ءىرى ەلدەردىڭ ىنتىماقتاسا سەلبەسۋىنىڭ، بىرگە دامۋىنىڭ ۇلگىسىنە اينالدى. بۇگىنگى كۇندەگى دۇنيە ءجۇزى 100 جىلدا بولماعان زور وزگەرىستى باستان كەشۋدە، الايدا بەيبىتشىلىك، دامۋ، سەلبەستىك، تەڭ يگىلىككە كەنەلۋ ءداۋىر اعىمى وزگەرگەن جوق، جۇڭگو، برازيليا سياقتى بازارى جاڭادان گۇلدەنگەن ەلدەردىڭ تۇتاس تۇلعالىق كوركەيۋ اۋقىمى وزگەرگەن جوق، جۇڭگو جاقتىڭ ستراتەگيالىق بيىكتىكتەن جانە ۇزاق بولاشاقتىق تۇرعىدان جۇڭگو مەن برازيليا قارىم - قاتىناسىن دامىتۋ ساياساتى وزگەرگەن جوق. كەزەكتە جۇڭگو مەن برازيليا مەملەكەتتى دامىتۋدىڭ شەشۋشى مەزگىلىندە تۇر، ءبىز وتكەندى قورىتىندىلاپ، بولاشاققا كوز جىبەرىپ، جۇڭگو مەن برازيليانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ جاڭا كەلەشەگىن اشىپ، دۇنيە ءجۇزىنىڭ جانە ءوڭىردىڭ بەيبىتشىلىگىن، ورنىقتىلىعىن جانە گۇلدەنۋىن قورعاۋعا وڭ ەنەرگيا ۇستەۋىمىز كەرەك.

    شي جينپيڭ بىلاي دەپ باسا دارىپتەدى: ەكى جاق دۇرىس بەتالىستى يگەرۋ كەرەك. ەكى جاق ءبىرىن - ءبىرى دامۋ ورايى ەتۋگە تاباندى بولىپ، قارسى جاعىمەن بولعان قارىم - قاتىناستى ءوز ەلىنىڭ ديپلوماتياسىندا الدىڭعى ورىنعا قويۋعا تاباندى بولىپ، جۇڭگو مەن برازيليانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتۋگە تاباندى بولۋ كەرەك. جوعارى جىكتەگىلەر بارىس - كەلىسىنىڭ ستراتەگيالىق جەتەكتەۋ رولىن ساۋلەلەندىرىپ، ءبىر - ءبىرىنىڭ وزەكتى مۇددەسىن ءتۇسىنىپ ءارى قولداپ، ساياسي ءوزارا سەنىمدىلىكتى ۇزدىكسىز تەرەڭدەتىپ، ادالدىقپەن دوستاساتىن جاقسى دوس، ءبىرىن - ءبىرى قولدايتىن جاقسى سەرىك بولۋ كەرەك.

    ناقتى ىستەرمەن اينالىسۋعا، حالىققا پايدا جەتكىزۋگە تاباندى بولۋ كەرەك. جۇڭگو جاق جۇڭگو بازارىنىڭ قاجەتىنە ۇيلەسەتىن برازيليانىڭ ءتىپتى دە كوپ ساپالى ونىمدەرىن جانە ۇستەمە قۇنى جوعارى ونىمدەرىن يمپورت ەتىپ، ەكى ەلدىڭ اۋىل شارۋاشىلىعى، ەنەرگيا، كەن كاسىبى، عارىش، نەگىزدىك قۇرىلعى قۇرىلىسى سياقتى جاقتارداعى سەلبەستىگىن كەڭەيتۋدى قالايدى.

    سەلبەستىكتىڭ جاڭا بەلەسىن جاراتۋ كەرەك. عىلىم - تەحنيكادا جاڭالىق اشۋدى جانە سيفرلى ەكونوميكانى جۇڭگو مەن برازيليا سەلبەستىگىنىڭ جاڭا ارتۋ ءتۇيىنى ەتۋ كەرەك.

جاۋاپتى رەداكتور: جازيرا بولاتباي قىزى