شي جينپيڭ جولداستىڭ «پارتيانىڭ بارلىق قىزمەتكە باسشىلىعىنا تاباندى بولۋ تۋرالى» اتتى كىتابى باسپادان شىعىپ تاراتىلدى

  • كەلۋ قاينارى: شينجياڭ گازەتى تورابى
  • 11:11:42 29/10/2019

    

    شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجاتتار زەرتتەۋ ورنى رەداكسيالاعان شي جينپيڭ جولداستىڭ «پارتيانىڭ بارلىق قىزمەتكە باسشىلىعىنا تاباندى بولۋ تۋرالى» اتتى كىتابى ورتالىق حۇجاتتار باسپاسىنان باسپادان شىعىپ، سول كۇننەن باستاپ بۇكىل ەلدە تاراتىلدى.

    وسى ارناۋلى تاقىرىپتاعى ماقالالار جيناعىندا 2012 - جىلى 11 - ايدىڭ 17 - كۇنى شي جينپيڭ جولداس جۇڭگو كوممۋنيستىك پارتياسى 18 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىن باسقارعان كەزدە سويلەگەن ءسوزى بەتاشار، 2019 - جىلى 7 - ايدىڭ 9 - كۇنى شي جينپيڭ جولداس ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندە سويلەگەن ءسوزى سىرگە جيار ەتىلىپ، شي جينپيڭ جولداستىڭ پارتيانىڭ بارلىق قىزمەتكە باسشىلىعىنا تاباندى بولۋدى بايىمداعان 70 ماڭىزدى ماقالاسى ەنگىزىلگەن، شامامەن 140 مىڭ ءارىپ، مۇنىڭ ىشىندەگى ماقالالاردىڭ ءبىر ءبولىمى تۇڭعىش رەت اشىق جاريالاندى.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى پارتيا مەن مەملەكەتتىڭ ءتۇرلى قىزمەتتەرىن جاقسى ىستەۋدىڭ ءتۇبىرلى كەپىلى ەتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيا مەن مەملەكەت ىستەرىن ىلگەرىلەتۋدە تاريحي تابىسقا قول جەتكىزىپ، تاريحي وزگەرىس جارىققا شىعىپ، جۇڭگوشا سوتسياليزم جاڭا داۋىرگە ءوتتى. شي جينپيڭ جولداس پارتيانىڭ بارلىق قىزمەتكە باسشىلىعىنا تاباندى بولۋدىڭ كەلەلى ءمانى، باعىت پرينسيبى، ءتۇزىلىس - مەحانيزمى، ءادىس - امالى سياقتى كەلەلى ماسەلەلەردى ارقاۋ ەتىپ ىشكەرىلەي بايىمداۋ جاساپ، پارتيامىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى بارىنشا تەرەڭدەتىپ، ماركسيزمدىك بيلىك باسىنداعى پارتيا قۇرىلىسى نازارياسىن بايىتتى، دامىتتى.

    پارتيانىڭ بارلىق قىزمەتكە باسشىلىعىنا تاباندى بولۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس ءبولىمى، ءبىزدىڭ ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ باسشىلىعىنا تاباندى بولۋ ءتۇزىلىس - مەحانيزمىن كەمەلدەندىرىپ، ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، ”بەستى ءبىر تۇلعالاندىرۋ“ تۇلعالىق ورنالاستىرۋىن ءبىر تۇتاس جوبالاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيانىڭ بەتالىستى يگەرۋ، جالپى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن جوعارىلاتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىمىز جونىنەن ماڭىزدى ءارى تەرەڭ جەتەكشىلىك ءمان الادى.

جاۋاپتى رەداكتور: گۇلدەن ماقسات قىزى