جان سانىن تىزگىندەۋ، جان سانى ساپاسىن جوعارىلاتۋ

  • كەلۋ قاينارى: ىلە گازەتى
  • 03:54:41 30/10/2019

    

    1980 - جىلى 9 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتى «ەلىمىزدىڭ جان سانىنىڭ ارتۋ ماسەلەسىن تىزگىندەۋ تۋرالى بارلىق كومپارتيا مۇشەلەرىنە، كوممۋنيستىك جاستار وداعى مۇشەلەرىنە اشىق حات» جاريالادى، بۇل اشىق حات تەك قانا كومپارتيا مۇشەلەرى مەن كوممۋنيستىك جاستار وداعى مۇشەلەرىنە عانا قاراتىلماستان، ونىڭ ۇستىنە تۇتاس قوعامعا، ەلىمىزدىڭ تۇتاس جوسپارلى تۋىت قىزمەتىنە قاراتىلىپ، تەرەڭ ىقپال تۋدىردى.

    اشىق حات جان سانىنىڭ ارتۋىن تىزگىندەۋدىڭ قوعامدىق، ەكونوميكالىق دامۋداعى كەلەلى رولىن جان - جاقتى بايانداپ، ەلىمىزدىڭ جوسپارلى تۋىت قىزمەتى ءۇشىن دۇرىس بەتالىس كورسەتتى. حاتتا مىنالار ايقىن ورتاعا قويىلدى: «وسى عاسىردىڭ سوڭىندا ەلىمىز جان سانىنىڭ جالپى سانىن ءبىر ميلليارد 200 ميلليون ىشىندە تىزگىندەۋگە قول جەتكىزۋ ءۇشىن، مەملەكەتتىك كەڭەس بۇكىل ەل حالقىنا ۇندەۋ شىعارىپ، ءبىر جۇپ ەرلى - زايىپتىنىڭ تەك ءبىر بالالى بولۋىن دارىپتەدى. بۇل ءتورتتى وسىزامانداندىرۋ قۇرىلىسىنىڭ قارقىنى مەن بولاشاعىنا ساياتىن، كەيىنگى ۇرپاقتاردىڭ سالاماتتىعى مەن باقىتىنا ساياتىن، بۇكىل ەل حالقىنىڭ ۇزاق ۋاقىتتىق مۇددەسى مەن كوز الداعى مۇددەسىنە ۇيلەسەتىن كەلەلى شارا».

    1981 - جىلى 11 - ايدا مەملەكەتتىك 5 - كەزەكتى حالىق قۇرىلتايىنىڭ 4 - ءماجىلىسى مىنالاردى ءتىپتى دە ايقىن ورتاعا قويدى: «جان سانىن شەكتەۋ، جان سانىنىڭ ساپاسىن جوعارىلاتۋ، مىنە بۇل ءبىزدىڭ جان سانى ساياساتىمىز». 1982 - جىلى 9 - ايدا پارتيا 12 - قۇرىلتايى جوسپارلى تۋىتتى جولعا قويۋدى ەلىمىزدىڭ ءبىر نەگىزگى مەملەكەت ساياساتى ەتىپ بەلگىلەدى. سول جىلى 12 - ايدا جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ نەگىزگى زاڭىندا» مىنالار ايقىن بەلگىلەندى: «مەملەكەت جوسپارلى تۋىتتى جولعا قويىپ، جان سانىنىڭ ارتۋىن شارۋاشىلىق جانە الەۋمەتتىك دامۋ جوسپارىمەن سايكەستىرەدى». وسىدان كەيىن جوسپارلى تۋىت سىندى مەملەكەتتىڭ نەگىزگى ساياساتى نەگىزگى زاڭ فورماسىندا بەكىتىلدى.

    20 - عاسىردىڭ 90 - جىلدارىنىڭ ورتا، سوڭعى مەزگىلدەرىندە، ەلىمىز جان سانىنىڭ ۇدايى ءوسۋ تيپى تۋىتتىڭ جوعارى كەزەڭىنەن، ءولىم - ءجىتىم مولشەرى تومەن بولۋدان، جوعارى دەڭگەيدە كوبەيۋدەن تۋىتتىڭ تومەن كەزەڭىنە، ءولىم - ءجىتىم مولشەرى تومەن بولۋعا، تومەن دەڭگەيدە كوبەيۋگە وتۋدەي تاريحي بۇرىلىستى جۇزەگە اسىرىپ، تومەن تۋىت دەڭگەيىندەگى مەملەكەتتەردىڭ قاتارىنا ءوتتى.

    (شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور: گۇلدەن ماقسات قىزى