جاڭا جاعداي اشۋدىڭ تۇعىرناماسى

  • كەلۋ قاينارى: ىلە گازەتى
  • 03:55:38 30/10/2019

    

    1982 - جىلى 9 - ايدىڭ 1 - كۇنىنەن 11 - كۇنىنە دەيىن جۇڭگو كوممۋنيستىك پارتياسىنىڭ مەملەكەتتىك 12 - قۇرىلتايى بەيجيڭدە سالتاناتپەن اشىلدى. وسى رەتكى قۇرىلتاي ەلىمىزگە سوتسياليستىك وسىزامانداندىرۋ قۇرىلىسىنىڭ جاڭا جاعدايىن اشۋدىڭ كۇرەس تۇعىرناماسىن بەلگىلەپ بەردى.

    پارتيا 12 - قۇرىلتايى جۇڭگوشا سوتسياليزم قۇرۋدىڭ جەتەكشى يدەياسىن ءبىرىنشى رەت ايقىن ورتاعا قويىپ، بۇكىل پارتيا مەن بۇكىل ەلدەگى ءار ۇلت حالقىن ءبىر اراعا ۇيىستىرىپ، رەفورما جاساۋدىڭ، ەسىك اشۋدىڭ جانە وسىزامانداندىرۋ قۇرىلىسىن جۇرگىزۋدىڭ شۇعىلالى تۋىن تىكتى. دىڭ شياۋپيڭ قۇرىلتايدىڭ اشىلۋ سالتىندا سويلەگەن سوزىندە بىلاي دەپ اتاپ كورسەتتى: ماركسيزمنىڭ جالپىلىق اقيقاتىن ەلىمىزدىڭ ناقتى ءىس جۇزىندىگىمەن ۇشتاستىرىپ، ءوز جولىمىزبەن ءجۇرىپ، جۇڭگوشا سوتسياليزم قۇرۋ − مىنە بۇل ءبىزدىڭ ۇزاق ۋاقىتتىق تاريحي تاجىريبەلەردى قورىتىندىلاۋدان تۇيىندەگەن نەگىزگى قورىتىندىمىز.

    پارتيا 12 - قۇرىلتايىنىڭ ماڭىزدى ءبىر تاريحي ۇلەسى − پارتيانىڭ جاڭا تاريحي داۋىردەگى باستى مىندەتىن تۇراقتاندىردى، ياعني بۇكىل ەلدەگى ءار ۇلت حالقىن ىنتىماقتاستىرىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، ونەركاسىپتى، اۋىل شارۋاشىلىعىن، مەملەكەت قورعانىسىن جانە عىلىم - تەحنيكانى وسىزامانداندىرۋدى بىرتىندەپ جۇزەگە اسىرىپ، ەلىمىزدى وسكەلەڭ وركەنيەتتى، وسكەلەڭ دەموكراتيالى سوتسياليستىك مەملەكەت ەتىپ قۇرىپ شىعۋ.

    باستى مىندەتتى ارقاۋ ەتە وتىرىپ، قۇرىلتاي ەلىمىزدىڭ سوتسياليستىك وسىزامانداندىرۋ قۇرىلىسىنىڭ جاڭا جاعدايىن جاپپاي اشۋدىڭ كۇرەس نىساناسىن، ستراتەگيالىق ماڭىزدى ءتۇيىنىن، اتقارۋ كەزەڭىن جانە ءبىرقىدىرۋ باعىت - ساياساتىن ورتاعا قويدى. مۇندا ەكونوميكالىق قۇرىلىس جاعىنداعى كۇرەس نىساناسى: 1981 - جىلدان وسى عاسىردىڭ سوڭىنا دەيىنگى 20 جىلدا بۇكىل مەملەكەتتىڭ ونەركاسىپ، اۋىل شارۋاشىلىق سالاسىنىڭ جىلدىق جالپى ءونىم قۇنىن ەكى قاباتتاۋعا كۇش سالىپ، بۇكىل ەل حالقىنىڭ زاتتىق، مادەنيەت تۇرمىسىن دوڭگەلەك داۋلەتتى ورەگە جەتكىزۋ.

    وسى رەتكى قۇرىلتايدىڭ تاعى ءبىر ماڭىزدى ۇلەسى − ەكونوميكالىق قۇرىلىس نىساناسىن ورتاعا قويۋمەن قاتار، سوتسياليستىك رۋحاني وركەنيەت پەن سوتسياليستىك دەموكراتيانىڭ بارلىعى دا سوتسياليزمنىڭ ماڭىزدى ەرەكشەلىگى، سوتسياليستىك ءتۇزىمنىڭ ابزالدىلىعىنىڭ ماڭىزدى بەينەلەنۋى ەكەندىگىن كورنەكتى باسا دارىپتەدى.

جاۋاپتى رەداكتور: گۇلدەن ماقسات قىزى