ءبىر ميلليون اسكەر قىسقارتۋ

  • كەلۋ قاينارى: ىلە گازەتى
  • 03:56:30 30/10/2019

    

    1985- جىلى ورتالىق اسكەري ىستەر كوميتەتى جاساعان ءبىر ميلليون اسكەر قىسقارتۋ شەشىمى − جۇڭگو حالىق ازاتتىق ارمياسىنىڭ پارتيا مەن مەملەكەتتىڭ قىزمەت ءتۇيىنىن سوتسياليستىك وسىزامانداندىرۋ قۇرىلىسىنا بۇرۋ ستراتەگيالىق شەشىمىن دايەكتىلەندىرۋ، تياناقتاندىرۋ ءۇشىن قولدانعان كەلەلى ارەكەتى ءارى جۇڭگو ۇكىمەتىنىڭ دۇنيە ءجۇزىنىڭ بەيبىتشىلىگىن قورعاۋعا قوسقان ماڭىزدى ۇلەسى.

    11 -كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، دىڭ شياۋپيڭ جولداس العا قويعان مەملەكەت قورعانىسى مەن ارميا قۇرىلىسى كۇش شىعارىپ حالىق شارۋاشىلىعىنىڭ دامۋىنا كومەكتەسۋ تالابىنا، سونداي - اق وسىزاماندانعان، جۇيەلىلەنگەن قۇدىرەتتى توڭكەرىستىك ارميا قۇرۋ جەتەكشى باعىتىنا ساي، ارميا قۇرىلىسىندا ءبىرقىدىرۋ كەلەلى رەفورما جۇرگىزىلدى. 1982 - جىلى اسكەري ىستەر كوميتەتىنىڭ ءاربىر تەحنيكالىق اسكەر ءتۇرى قىسقارتىلىپ باس سانموۋ ءبولىمىنىڭ اسكەر تۇرلەرى ءبولىمى بولىپ بىرىكتىرىلىپ، تەمىر جول اسكەرلەرى ءبولىمى توپتىق تۇردە تەمىر جول مينيسترلىگىنە كاسىپ اۋىستىردى. قولباسشىلىق ورگاندارى كوپتەپ قىسقارتىلىپ كۇشىنەن قالدىرىلۋمەن قاتار، مەملەكەت قورعانىسىن وسىزامانداندىرۋ قاجەتىنە ۇيلەسۋ ءۇشىن، ەلەكتروندىق قارسىلىق جاساۋ ءبولىمى قوسىلىپ، مەملەكەت قورعانىسى عىلىم - تەحنيكا ونەركاسىپ كوميتەتى قۇرىلدى. 1983 - جىلى 4 - ايدا جۇڭگو حالىق قارۋلى ساقشى ءبولىمى قۇرىلدى، بۇل جۇڭگونىڭ قارۋلى كۇش تۇزىلىسىندەگى ەلەۋلى وزگەرىس سانالادى.

    1985- جىلى 5 - ايدىڭ 23 - كۇنىنەن 6 - ايدىڭ 6 - كۇنىنە دەيىن، ورتالىق اسكەري ىستەر كوميتەتى بەيجيڭدە اسكەري ىستەر كوميتەتىنىڭ كەڭەيتىلگەن ءماجىلىسىن اشتى. اسكەري ىستەر كوميتەتىنىڭ ءتوراعاسى دىڭ شياۋپيڭ ماجىلىستە جۇڭگو حالىق ازاتتىق ارمياسىنىڭ ءبىر ميلليون ادام قىسقارتاتىندىعىن سالتاناتپەن جاريالادى. بۇل جۇڭگو كوممۋنيستىك پارتياسىنىڭ، جۇڭگو ۇكىمەتىنىڭ جانە جۇڭگو حالقىنىڭ كۇش - قۋاتى، سەنىمى بارلىعىنىڭ بەينەسى. ول ءبىر ميلليارد حالقى بار جۇڭحۋا حالىق رەسپۋبليكاسىنىڭ دۇنيە ءجۇزىنىڭ بەيبىتشىلىگىن قورعاۋعا ۇلەس قوسۋدى قالايتىندىعىن ءارى ءوزىنىڭ ءىس جۇزىندىك ارەكەتىمەن ىسكە اسىراتىندىعىن كورسەتتى.

    ورتالىق اسكەري ىستەر كوميتەتىنىڭ شەشىمى مەن ورنالاستىرۋى بويىنشا، 1985 - جىلدىڭ سوڭعى جارتىسىنان باستاپ، الدىمەن ورگانداردا، ونان سوڭ اسكەري بولىمدەردە، مەكتەپتەردە جانە قامتاماسىزداندىرۋشى ورىنداردا رەت - ءتارتىبى بويىنشا، حالىق ازاتتىق ارمياسى جوعارىدان تومەنگە دەيىن ءبىر ميلليون اسكەر قىسقارتۋدى ۇيىمداستىرىپ اتقاردى. 1987 - جىلعا كەلگەندە، جۇڭگو حالىق ازاتتىق ارمياسى ءبىر ميلليون اسكەر قىسقارتۋ مىندەتىن ءساتتى ورىندادى. وسى رەتكى ءتۇزىلىستى رەفورمالاۋ، ىقشامداپ قايتا ۇيىمداستىرۋ ارقىلى حالىق ازاتتىق ارمياسى قۇرىلىمى ىسكەر بولۋ، يكەمدى قولباسشىلىق ەتۋ، تەز اڭىس قايتارۋ، ونىمدىلىكتى ءوسىرۋ، جاۋىنگەرلىك قۋاتتى ارتتىرۋ نىساناسىنا قاراي نىق قادام تاستادى.

    (شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور: گۇلدەن ماقسات قىزى