بىرلىككە كەلتىرۋ كەلەلى ىسىندەگى ۇلى وي

  • كەلۋ قاينارى: ىلە گازەتى
  • 03:58:18 30/10/2019

 

    پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، دىڭ شياۋپيڭ جولداستى ۇيتقى ەتكەن پارتيانىڭ ەكىنشى ۇرپاق ورتالىق باسشىلىق كوللەكتيۆى تاريح پەن امالياتتى شىعار ءتۇيىن ەتىپ، «ءبىر ەل، ەكى ءتۇزىم» عىلمي ۇلى ويىن جاسامپازدىقپەن العا قويىپ، وتاننىڭ بىرلىككە كەلۋىن بەيبىت جولمەن جۇزەگە اسىرۋ كەلەلى ىسىنە جول اشتى.

    1979 - جىلى جاڭا جىل كۇنى مەملەكەتتىك حالىق قۇرىلتايى تۇراقتى كوميتەتى «تايۋاندىق باۋىرلاستارعا حاتتى» جاريالاپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ تايۋان ماسەلەسىن بەيبىت جولمەن شەشۋ، مەملەكەتتىڭ بىرلىككە كەلۋىن جۇزەگە اسىرۋ باعىتىن بايىپتىلىقپەن جاريالادى. وسىدان كەيىن، پارتيا ورتالىق كوميتەتى مەن دىڭ شياۋپيڭ جولداس تايۋان ماسەلەسىن شەشۋ ءتاسىلى جونىندە تاعى ىشكەرىلەي وي جۇگىرتتى.

    1981 - جىلى 9 - ايدىڭ 30 - كۇنى مەملەكەتتىك حالىق قۇرىلتايى تۇراقتى كوميتەتىنىڭ باستىعى يە جيانيىڭ شينحۋا اگەنتتىگىنىڭ تىلشىلەرىنە سۇحبات بەرىپ، بەيبىت بىرلىككە كەلۋدى جۇزەگە اسىرۋدىڭ 9 تارماقتى باعىتىن العا قويدى. 1982 - جىلى 1 - ايدىڭ 11 - كۇنى دىڭ شياۋپيڭ امەريكاداعى حۋارىن قوعامىنىڭ ءتوراعاسى لي ياۋزىمەن كەزدەسكەن كەزدە تۇڭعىش رەت «ءبىر ەل، ەكى ءتۇزىم» ۇعىمىن قولدانىپ، مۇنى تۇراقتاندىرا ءتۇستى. ول: «9 تارماقتى باعىت ورىنباسار ءتوراعا يە جيانيىڭنىڭ اتىندا العا قويىلدى، ءىس جۇزىندە، ءبىر ەلدە ەكى ءتۇرلى ءتۇزىم دەگەن ءسوز» دەدى. 1983 - جىلى 6 - ايدىڭ 26 - كۇنى دىڭ شياۋپيڭ تايۋان ماسەلەسىن ىلگەرىلەي شەشۋ جونىندە 6 تارماقتى باعىتتى العا قويدى.

    جيناقتاپ ايتقاندا، «ءبىر ەل، ەكى ءتۇزىم» − ءبىر جۇڭگو العى شارتىندا، مەملەكەتتىڭ نەگىزگى تۇلعاسى سوتسياليستىك تۇزىمگە تاباندى بولۋ، شياڭگاڭنىڭ، اۋمىننىڭ جانە تايۋاننىڭ اسىلگى كاپيتاليستىك ءتۇزىمىن ۇزاق ۋاقىت وزگەرتپەي ساقتاۋ دەگەن ءسوز. وسىنداي تاسىلمەن وتاننىڭ بىرلىككە كەلۋىن جۇزەگە اسىرۋ ويى وتاننىڭ بىرلىككە كەلۋىن جۇزەگە اسىرۋدىڭ، مەملەكەتتىڭ يەلىك ۇقىعىن قورعاۋدىڭ پرينسيپتىلىگىن ايگىلەۋمەن بىرگە، تايۋاننىڭ، شياڭگاڭنىڭ جانە اۋمىننىڭ تاريحى مەن امالياتىن تولىق ويلاستىرىپ، وسكەلەڭ يكەمدىلىگىن ايگىلەدى.

    «ءبىر ەل، ەكى ءتۇزىم» باعىتى بويىنشا، ەلىمىز ىلگەرىندى - كەيىندى 1984 - جىلى جانە 1987 - جىلى ۇلى بريتانيا ۇكىمەتىمەن جانە پورتۋگاليا ۇكىمەتىمەن بىرلەسكەن مالىمدەمەگە قول قويىپ، جۇڭگو ۇكىمەتىنىڭ شياڭگاڭ مەن اۋمىنعا يەلىك ۇقىعىنىڭ 1997 - جىلى جانە 1999 - جىلى قالپىنا كەلەتىندىگىن رەسمي جاريالادى. شياڭگاڭ مەن اۋمىن ماسەلەسىنىڭ شەشىلۋى بۇعازدىڭ ەكى جاعالاۋى قارىم - قاتىناسىنىڭ ىلگەرىلەۋىن ونان ارى جەبەدى.

    (شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور: گۇلدەن ماقسات قىزى