10 - كەزەكتى شينجياڭ اۋىل شارۋاشىلىعى ونىمدەرىنىڭ بەيجيڭ جارمەڭكەسى جابىلدى

  • كەلۋ قاينارى: شينجياڭ گازەتى تورابى
  • 10:24:46 30/10/2019

 

    ناق مايدانداعى ساۋدا سوماسى 803 ميلليون يۋانعا جەتتى

 

    ءتىلشىمىز شى شين 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 28 - كۇنى 10 - كەزەكتى شينجياڭ اۋىل شارۋاشىلىعى ونىمدەرىنىڭ بەيجيڭ جارمەڭكەسى بەيجيڭ مەملەكەتتىك اۋىل شارۋاشىلىعى كورمە سارايىندا جابىلدى. وسى كەزەكتى جارمەڭكە 30 مىڭ ادام - رەتتەن استام تۇتىنۋشى مەن ساتىپ الۋشى ساۋداگەردى باۋراپ، ناق مايدان ساۋدا جانە نيەتنامالىق كەلىسىم سوماسى ءبىر ميلليارد 377 ميلليون يۋان بولدى، مۇنىڭ ىشىندە ناق مايدان ساۋدا سوماسى 803 ميلليون يۋانعا جەتىپ، تاريحي سيپاتتى ناتيجە جاراتتى.

    وسى كەزەكتى جارمەڭكە ”شينجياڭ جاقسى جەر. شينجياڭنان ءدام تاتىڭىز“ دەگەندى نەگىزگى تاقىرىپ ەتكەن، شينجياڭنىڭ 14 ايماق، وبلىس، قالاسىنان جانە شينجياڭ ءوندىرىس - قۇرىلىس بيڭتۋانىنان كەلگەن كاسىپورىندار 8 ۇلكەن ءتۇر بويىنشا 120دان استام ءتۇرلى شينجياڭنىڭ ەرەكشە اۋىل شارۋاشىلىعى ونىمدەرىن اكەلىپ، بەيجيڭ قالاسىنىڭ تۇرعىندارىمەن جانە ساتىپ الۋشى ساۋداگەرلەرمەن جۇزدەستىردى.

    اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەپ تانىستىردى: وسى كەزەكتى جارمەڭكەدە كورمەگە قويىلعان ونىمدەردىڭ ءتۇرى مول ءارى ساپاسى ەرەكشە جاقسى بولىپ، ءتۇيىندى باستاماشى كاسىپورىنداردىڭ جانە ”جاسىل ازىق - تۇلىك، ورگانيكالى ازىق - تۇلىك، اۋىل شارۋاشىلىعى ونىمدەرىنىڭ جاعراپيالىق بەلگىسى“ بويىنشا كۋالىك العان ونىمدەر %90تەن استى ءارى تۇڭعىش رەت بەيجيڭدەگى ساۋدا شەڭبەرى، اۋەجاي، پوچتا مەكەمەسى، مەكتەپ، الەۋمەتتىك اۋماق سياقتى جەرلەردە بولىمشە جارمەڭكە ورىندارىن قۇرىپ، جاپپالى اۆتوكولىكپەن كورگىزبەلەۋ، تىكە ساتۋ ورتالىعىندا تانىستىرۋ سياقتى فورمالار ارقىلى شينجياڭنىڭ اۋىل شارۋاشىلىعى ونىمدەرىن كوپ جاقتان، ءتۇرلى تۇرعىدان ۇگىتتەدى. بۇدان سىرت، كاسىپورىنداردى ينتەرنەت جۇلدىزدارىن دوۋيىن سياقتى ينتەرنەت تۇعىرىندا سول مايداندا تىكە تاراتۋعا ۇسىنىس ەتۋگە بەلسەنە سايكەستىرۋ ارقىلى شينجياڭنىڭ اۋىل شارۋاشىلىعى ونىمدەرىنىڭ ماركا وبرازىن بيىكتەتتى.

    وسى كەزەكتى جارمەڭكە تاعى ەڭ تاڭداۋلى ۇيىمداستىرۋشى سيلىعىنان 9دى، ونىمدەر التىن سيلىعىنان 60تى باعالاپ شىقتى.

جاۋاپتى رەداكتور: گۇلدەن ماقسات قىزى