اشىلىبۇلاق قىستاعىنىڭ «كەدەيلەردى سۇيەمەلدەۋ كۇنى» ماعىنالى ءوتتى

  • كەلۋ قاينارى: ىلە گازەتى
  • 04:24:14 31/10/2019

    ءتىلشىمىز لۋ جۇڭ كۇنەستەن حابارلايدى. بيىلعى ءونىم قالاي بولدى؟ مالعا كەرەكتى قىسقى جەم – ءشوپ دايىن بولدى ما؟ بالالاردىڭ ۇيرەنۋى قالاي؟ 10 – ايدىڭ 17 – كۇنى -مەملەكەتتىك 6 - رەتكى كەدەيلەردى سۇيەمەلدەۋ كۇنى، سول كۇنى ىلە گازەتى مەكەمەسىندەگى كادرلار كۇنەس اۋدانىنىڭ بەستوبە اۋىلىنا بارىپ حال سۇراۋ قيمىلىن ورىستەتىپ، كەدەي بۇقارانىڭ ٴوندىرىس، تۇرمىس جاعدايىن جانە قازىر ٴدوپ كەلىپ وتىرعان ناقتى قيىنشىلىقتارىن جان – جاقتى ۇعىستى، سونداي – اق كوپشىلىككە پارتيانىڭ كەدەيلەردى سۇيەمەلدەۋ، شارۋالارعا تيىمدىلىك جاساۋ ساياساتىن ۇگىتتەپ، ولاردى كەدەيلىكتەن ارىلۋ سەنىمىن بەكەمدەۋگە شابىتتاندىردى.

    ىلە گازەتى مەكەمەسىنىڭ كادرلارى 18 كەدەي وتباسىنان حال سۇرادى ءارى «ءبىلىم جەتكىزۋ» قيمىلىن وتكىزىپ، ولارعا ۇن، كۇرىش، ازىقتىق ماي جەتكىزىپ بەردى، سونداي ـ اق «‹نەگىزگى زاڭدى، زاڭ - ەرەجەنى ۇگىتتەۋ ايى› جانە ‹جالپى حالىقتىق مەملەكەت حاۋىپسىزدىگى تاربيە كۇنى› زاڭنان، زاڭ ـ ەرەجە بىلىمدەرىنەن سۇراۋ ـ جاۋاپ» ۇگىت قاعازىن تاراتتى. حال سۇراۋ بارىسىندا ىلە گازەتى مەكەمەسىنىڭ كادرلارى قىستاق تۇرعىندارىمەن ىقىلاستى پىكىر اۋىستىرىپ، ولاردى اشىلىبۇلاق قىستاعىنىڭ ساياحات بايلىق ابزالدىعىنان تولىق پايدالانىپ، ساياحات كاسىبىن بار كۇشپەن دامىتىپ، كىرىستى ارتتىرىپ، تۇرمىس دەڭگەيىن جاقسارتۋعا شابىتتاندىردى.

    وقۋ - اعارتۋ تاعدىردى وزگەرتەدى، بالانىڭ وقۋىنىڭ قالاي بولۋى دا -ىلە گازەتى مەكەمەسى كادرلارىنىڭ ەڭ كوڭىل بولەتىن ءىسى. 3 ستۋدەنت تاربيەلەپ جەتىلدىرۋ - قىستاق تۇرعىنى نۇردانجان بايسەيت ۇلىنىڭ ۇلكەن ماقتانىشى، ٴبىراق بالالاردىڭ جىل سايىنعى تۇرمىس قاراجاتى وعان وڭاي بولمادى. قىستاقتا وسىعان ۇقساس وتباسىلار بارشىلىق. بىلتىر وسى قىستاقتاعى قىستاق تۇرعىندارىنىڭ بالالارىنىڭ كۇزدە وقۋعا ٴتۇسۋى قيىن بولۋ ماسەلەسىن شەشۋ ٴۇشىن ىلە گازەتى مەكەمەسى 10 مىڭ يۋان جىلۋ اتادى، ىلە گازەتى مەكەمەسىنىڭ كۇنەس اۋدانى بەستوبە اۋىلى اشىلبۇلاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى دە حالىق ٴۇشىن ناقتى ىستەر ىستەپ، 8 مىڭ يۋان ارناۋلى قارجى شىعارىپ، قىستاقتاعى بالالاردىڭ ٴبىلىم الۋ ارمانىن جۇزەگە اسىرۋىنا كومەكتەستى، نۇردانجان دا 600 يۋان كومەك قاراجاتىن الدى.

    حال سۇراۋ بارىسىندا ىلە گازەتى مەكەمەسىنىڭ باستىعى ەرمەك ايات ۇلى نۇردانجاننىڭ 3 بالاسىنىڭ ۇيرەنۋ جاعدايىن جان – جاقتى ۇعىستى، نۇردانجاننىڭ كەنجە ۇلى اۋىرىپ ۇيىندە دەمالىپ جاتقانىنان حابار تاپقان ەرمەك ونى ەرتەرەك ساۋىعىپ، مەكتەپ قۇشاعىنا قايتا ورالۋعا شابىتتاندىردى .

جاۋاپتى رەداكتور: جازيرا بولاتباي قىزى