شينجياڭدا ءبىر مىڭ 668 ورىندا ەلەكترلى اۆتوموبيلدەردى زاريادتاۋ تۇعىرى ورناتىلدى

  • كەلۋ قاينارى: ىلە گازەتى
  • 03:53:57 01/11/2019

   

    شينجياڭ گازەتىنىڭ حابارى (ءتىلشى چىن شياڭۋي). ءتىلشىنىڭ جوڭگو ەلەكتر تورابى شينجياڭ ۋنيۆەرسالدى ەنەرگيا ارقىلى قىزمەت وتەۋ شەكتى سەرىكتىگىنەن ۇعىسۋىنشا، 2010 – جىلى تۇڭعىش توك تولتىرۋ تۇعىرى ورناتىلىپ ىسكە قوسىلعاننان بەرى، اۆتونوميالى رايونىمىزداعى ەلەكترلى اۆتوموبيلدەردى زاريادتاۋ قۇرىلعى قۇرىلىسى قارقىنى جەدەلدەگەن. تولىق تولماعان ساناققا نەگىزدەلگەندە، قازىرگە دەيىن، تۇتاس رايونىمىزدا ءبىر مىڭ 668 ورىندا زاريادتاۋ تۇعىرى ورناتىلعان.

    «13 – بەس جىلدىقتان» بەرى اۆتونوميالى رايونىمىزدا جاڭا ەنەرگيالى اۆتوموبيلدەردى جالپىلاستىرۋ مەن وسىعان قاتىستى كاسىپتى دامىتۋعا باسا نازار اۋدارىلىپ، «شينجياڭ ۇيعۇر اۆتونوميالى رايونىنىڭ جاڭا ەنەرگيالى اۆتوموبيلدەردى جالپىلاستىرۋدى، ىستەتۋدى جەدەلدەتۋ جونىندەگى اتقارۋ پىكىرى»، «شينجياڭدى ەلەكترلەندىرۋ قىزمەتىن جەدەل ىلگەرىلەتۋ جوباسى»، «اۆتونوميالى رايوننىڭ ەلەكترلى اۆتوموبيلدەردى زاريادتاۋ قۇرىلعى قۇرلىسىن ىسكە قوسۋ - باسقارۋ ءادىسى (سىناق رەتىندە اتقارىلادى)» سياقتىلاردى ارت – ارتىنان جاريالاپ، رايونىمىزدىڭ جاڭا ەنەرگيالى اۆتوموبيلدەردى جالپىلاستىرۋدى، ىستەتۋدى جانە وسىعان قاتىستى كاسىپتى دامىتۋدى قولداعان.

    زاريادتاۋ قۇرىلعىسى _ جاڭا ەنەرگيالى اۆتوموبيلدەردى جالپىلاستىرۋدىڭ نەگىزى. كەزەكتە، مەملەكەتتىك ەلەكتر تورابى شينجياڭ ەلەكتر قۋاتى شەكتى سەرىكتىگى سياقتى كاسىپورىندار مەن ورىندار تۇتاس شينجياڭعا جالپىلاستىرۋ، ءىش پەن سىرتتى بايلانىستىرىپ توعىستىراتىن تەز زاريادتاۋ تورابىن قالىپتاستىرۋ قۇرىلىسىن جۇرگىزىپ، «ينتەرنەت + زاريادتاۋ قۇرىلعىسىن ىسكە قوسۋ جۇيەسىن» كەمەلدەندىرىپ، 7×24 ساعات زاريادتاۋ - اۋىستىرۋ قىزمەت وتەۋىن جولعا قويدى. مەملەكەتتىك ەلەكتر تورابى شينجياڭ ۆنيۋەرسالدى ەنەرگيا ارقىلى قىزمەت وتەۋ شەكتى سەرىكتىگىنىڭ باس ديرەكتورى لي جيان بىلاي دەدى: «كەزەكتە ءبىز كاسىپتىك تاسىمالداۋ، قورعاۋ قوسىنىن باۋلىپ جەتىلدىردىك، شينجياڭ بويىنشا اۆتوموبيل بايلانىس تورابى ارقىلى قىزمەت وتەۋ تەكشەسى قۇرىلىسىن ءبىرتۇتاس رەتتەۋدى بەلسەنە ىلگەرىلەتىپ، قۇرىلعى جابدىقتارى مەن قىزمەت وتەۋ جابدىقتارى سىندى وسى ەكى ۇلكەن جاقتا جاڭا ەنەرگيالى اۆتوموبيلدەردى ىستەتۋ وزىندىك قۇنىن تومەندەتىپ، جاڭا ەنەرگيالى اۆتوموبيلدەردى اناعۇرلىم جالپىلاستىرۋ ءۇشىن ءتىپتى دە جاقسى قىزمەت وتەۋ نەگىزىن قالادىق».

    «اۆتونوميالى رايوننىڭ <13 – بەس جىلدىق> ەلەكترلى اۆتوموبيلدەردى زاريادتاۋ قۇرىلعى جوسپارىنا» نەگىزدەلگەندە، 2020 - جىلعا بارعاندا، رايونىمىزداعى الەۋمەتتىك كوشە اۆتوموبيلى، ورتا تازالىعى، زات اينالىمى اۆتوموبيلى، كىرە اۆتوموبيلى، الەۋمەتتىك قىزمەت وتەۋ اۆتوموبيلدەرى جاڭالانىپ، جاڭادان ارتتىرىلعان ساپ ەلەكترلى اۆتوموبيلدەردىڭ ىستەتىلۋ سالىستىرماسى %80 تومەن بولمايدى ەكەن.

جاۋاپتى رەداكتور: گۇلدەن ماقسات قىزى