حالىقتى وزەك ەتۋگە تاباندى بولۋدى تەرەڭ تۇسىنەيىك

  • كەلۋ قاينارى: ىلە گازەتى
  • 04:39:49 01/11/2019

   

    بەيجيڭ قالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن زەرتتەۋ ورتالىعى

    قىسقاشا مازمۇنى

 

    حالىقتى وزەك ەتۋگە تاباندى بولۋ - حالىقتىق تۇرعىنى باستان - اياق ءتۇبىرلى مايدان ەتۋدى تالاپ ەتىپ، حالىقتىق سيپات سىندى ماركسيزمنىڭ ەڭ ايقىن قاسيەتىن ونان ارى ايگىلەدى؛ حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزىپ، ادامزاتقا تىڭ دا اناعۇرلىم زور ۇلەس قوسىپ، جۇڭگو كوممۋنيستەرىنىڭ اۋەلگى ماقساتى مەن بورىشىن ايگىلەۋدى تالاپ ەتتى؛ پارتيانىڭ وزىندىك ۇلى توڭكەرىسىن تاباندىلىقپەن ىلگەرىلەتىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، پارتيانىڭ ۇزاق ۋاقىت بيلىك جۇرگىزۋىنىڭ ەڭ سەنىمدى تاپتىق نەگىزى مەن بۇقارالىق نەگىزىن بەكەمدەۋدى تالاپ ەتتى.

    حالىقتى وزەك ەتۋگە تاباندى بولۋ - شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى. حالىقتى وزەك ەتۋگە تاباندى بولۋ - حالىقتى باقىتقا كەنەلتۋدى، ادامنىڭ جان - جاقتى دامۋىن جەبەۋدى، بىرگە اۋقاتتانۋ باعىتىمەن ورنىقتى العا باسۋدى ەكونوميكالىق، قوعامدىق دامۋدىڭ شىعار ءتۇيىنى جانە تابان تىرەر تياناعى ەتىپ، حالىق اراسىنان دامۋدىڭ قوزعاۋشى كۇشىن تاۋىپ، حالىققا سۇيەنىپ دامۋدى ىلگەرىلەتىپ، دامۋدا حالىقتى باقىتقا كەنەلتۋدى تالاپ ەتىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ ءتۇبىرلى مايدانىن تەرەڭ اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جاۋھارى مەن مازمۇنىن تەرەڭ بەينەلەپ، جۇڭگو كوممۋنيستەرىنىڭ اۋەلگى ماقساتى مەن بورىشىن تەرەڭ ايگىلەۋ كەرەك.

    ماركسيزمنىڭ ەڭ ايقىن قاسيەتىن كورنەكتىلەندىرەيىك

    ءارقانداي نازاريانىڭ ءوز ءمانىن ايگىلەيتىن كورنەكتى ەرەكشەلىگى بار، حالىقتىق سيپات ماركسيزمنىڭ ەڭ ايقىن قاسيەتى. ماركسيزم تۇڭعىش رەت حالىقتىڭ ءوزىن - ءوزى ازات ەتۋ يدەيالىق جۇيەسىن ورناتىپ، عىلمي نازاريا ارقىلى ەڭ سوڭىندا ەزگى بولمايتىن، قاناۋ بولمايتىن، بارلىق ادام بارابار بولاتىن، بارلىق ادام ەركىن بولاتىن مۇراتتى قوعام قۇرۋعا ايقىن باعدار كورسەتتى. ماركسيزمنىڭ تەرەڭ ءمانى - سايىپ كەلگەندە، ادامزاتتىڭ ازاتتىعى ءۇشىن دەگەن ءبىر اۋىز ءسوز بولىپ تابىلادى.

جاۋاپتى رەداكتور: گۇلدەن ماقسات قىزى