”ىلەسۋ“دەن ”باستاۋ“عا دەيىنگى شارىقتاۋ

  • كەلۋ قاينارى: شينجياڭ گازەتى تورابى
  • 09:14:25 01/11/2019

 

    − شينجياڭ مۇناي الابىنىڭ قويۋ مۇناي اشۋ، مانەرلەۋ تەحنيكاسىنان ۇزدىكسىز قامال الۋىنان ەستەلىك

    تىلشىلەرىمىز ۋاڭ يۇڭفي، ما ينيڭ

 

    10 - ايعا اياق باسۋمەن، جۇڭگو مۇناي قارامايلى مۇناي حيميا شەكتى جاۋاپكەرشىلىك سەرىكتەستىگىنىڭ 3 - جىبىتكىش مايمەن جوعارى قىسىمدا سۋتەكتەندىرۋ قوندىرعىسى جەدەل سىناق كەزەڭىنە ءوتتى. بۇل قوندىرعى وندىرىسكە قوسىلعاننان كەيىن، وسى سەرىكتەستىكتىڭ جوعارى ساپالى جىبىتكىش مايىنىڭ جىلدىق ءوندىرىس قۋاتى ءبىر ميلليون تونناعا جەتىپ، نەشە ۇرپاق قارامايلى مۇناي حيميا ادامدارىنىڭ قاجىماي تالپىنعان نىساناسى − دۇنيە جۇزىندەگى نافتەنيل ءونىمى بازاسىن قۇرۋ نىساناسى تەز ارادا جۇزەگە اساتىن بولادى.

    قارامايلى مۇناي حيميا ادامدارىنىڭ ارمانىن جۇزەگە اسىرۋىنىڭ نەگىزى − شينجياڭنىڭ قويۋ مۇنايىن اشۋ. ەل سىرتىنداعى ايگىلى سەرىكتەستىكتەر جاعىنان 3 رەت اشۋدا شەكتەلگەن رايون دەپ جاريالاۋدان، بۇگىنگى تاڭدا ساپالى نافتەنيل قويۋ مۇنايىنىڭ جيناقتى ءونىم مولشەرى 100 ميلليون توننادان اسقانعا دەيىن؛ باستاپتا ەل سىرتىنان اشۋ تەحنيكاسى جونىنەن اقىل - كەڭەس سۇراپ تويتارىسقا ۇشىراۋدان، بۇگىنگى تاڭدا كوپ ءتۇرلى قويۋ مۇناي اشۋ تەحنيكاسىنىڭ حالىقارالىق وزىق ورەگە جەتۋىنە دەيىن، جۇڭگو مۇناي شينجياڭ مۇناي الابى سەرىكتەستىگىنىڭ قويۋ مۇناي اشۋ تەحنيكاسىندا ۇزبەي تىڭ ناتيجە جاراتتى، ونىڭ ارقا سۇيەگەنى − دەربەس جاڭالىق اشۋ، كۋا بولعانى جاڭا جۇڭگونىڭ مۇناي ونەركاسىبىنىڭ گۇلدەنۋى!

    ■ دۇنيە جۇزىلىك دەڭگەيدەگى قيىن تاقىرىپ ەل سىرتىنداعى مامانداردى تايساقتاتتى

    ءبىر جاعى بارىنەن قۇندى قويۋ مۇناي بايلىعى، ەندى ءبىر جاعى قويۋ مۇناي اشۋ تەحنيكاسى سىندى وسى ءبىر دۇنيە جۇزىلىك دەڭگەيدەگى قيىن تاقىرىپ. سول جىلدارى شينجياڭ مۇناي الابى سەرىكتەستىگىنىڭ تەحنيكا مامانى سۇن شينگىنىڭ كوڭىل كۇيىن تەك ”مۇنايعا قاراپ كۇرسىنۋ“مەن سۋرەتتەۋگە بولادى.

    قويۋ مۇنايدىڭ قۇندىلىعىن اۋىزعا العاندا، سۇن شينگى بىلاي دەپ تۇسىنىك جاسادى: قويۋ مۇناي جانە تىعىز مۇناي، كومىر قاباتى گازى، تاقتا تاس گازى، تابيعي گاز گيدراتتارى بىرىكتىرىلىپ 5 ۇلكەن داعدىلى ەمەس مۇناي - گاز بايلىعى دەپ اتالادى، جالپى جۇرت مويىنداعان 21 - عاسىرداعى بولاشاعى ەڭ نۇرلى جانە ەڭ رەال ورىن باساتىن بايلىق.

جاۋاپتى رەداكتور: گۇلدەن ماقسات قىزى