شينجياڭ «قاتىناس جاعىنان مەملەكەتتى قۇدىرەتتەندىرۋ قۇرىلىسى» سىناق ءتۇيىنى ەتىلگەن ولكە، رايوندار قاتارىنا ەنگىزىلدى

  • كەلۋ قاينارى: ىلە گازەتى
  • 04:42:40 02/11/2019

  

    شينجياڭ گازەتىنىڭ حابارى (ءتىلشى ياڭ يان). ءتىلشىنىڭ جۋىردا مەملەكەتتىك قاتىناس - تاسىمال مينيسترلىگى اشقان «قاتىناس جاعىنان مەملەكەتتى قۇدىرەتتەندىرۋ قۇرىلىسى باعدارلاماسىن» ۇگىتتەپ دايەكتىلەندىرۋ جانە سىناق ءتۇيىنى قىزمەتىن ورنالاستىرۋ تەلە - كەسكىن ماجىلىسىنەن ۇعىسۋىنشا، شينجياڭ تۇڭعىش توپتاعى قاتىناس جاعىنان مەملەكەتتى قۇدىرەتتەندىرۋ قۇرىلىسى سىناق ءتۇيىنى ەتىلگەن ولكە، رايوندار قاتارىنا ەنگىزىلگەن.

    جۋىقتاعى جىلدان بەرى شينجياڭنىڭ قاتىناس - تاسىمال ىستەرى تەز دامىپ، قاتىناس - تاسىمال نەگىزدىك قۇرىلعىلارى تورىنىڭ اۋماعى زور مولشەردە كەڭەيىپ، تاسىمالعا قىزمەت وتەۋدى قامتاماسىزداندىرۋ دەڭگەيى كورنەكتى جوعارىلاپ، ازيا - ەۆروپا ۇلكەن قۇرلىعىن ەندەي وتكەن ۋنيۆەرسالدى تاسىمال لەنياسى ەل ىشىندەگى تۇتاس قاتىناس لەنياسىمەن تولىق تۇتاستىرىلىپ، شينجياڭنان شىعىپ، مەملەكەت شەكاراسىنان اتتاپ، وڭتۇستىك شينجياڭ مەن سولتۇستىك شينجياڭ اراسىنداعى قاتىناس ءتىپتى دە قولايلىلاسىپ، ءار ۇلت جۇرتشىلىعىنىڭ جٶلاۋشىلاۋ، ساياحاتتاۋ شارت - جاعدايى كورنەكتى جاقساردى. بۇكىل رايونداعى تەمىر جول تيجارات لەنياسى 6 مىڭ 270.349 كيلومەترگە جەتىپ، 21 حالىقتىق تاسىمال اۋەجايىنا ۇشاق قاتىناپ، تيجارات باستالدى. تۇتاس رايونداعى جوعارى قارقىندىق تاس جول 5 مىڭ 200 كيلومەتردەن اسىپ، بارلىق ايماق، وبلىس، قالانى جٶعارى قارقىندىق تاس جٶلمەن تۇتاستىرۋ جۇزەگە اسىرىلدى، جىل سوڭىنان بۇرىن بارلىق اۋىل، قالاشىق، اكىمشىلىك قىستاقتاردىڭ جولىنا قاراماي جاتقىزىلادى ەكەن.

    بۇدان تىس، شينجياڭدا سىرتقا اشىلعان 1 - دارەجەلى وتكەل 17 گە جەتتى، مۇنىڭ ىشىندە 2 اۋە تاسىمال وتكەلى (ءۇرىمجى اۋە تاسىمال وتكەلى مەن قاشقار اۋە تاسىمال وتكەلى) بار، 15 قۇرلىق شەكارا وتكەلىنە تۇتاساتىن جٶلدىڭ بارىنە قاراماي توسەلىپ، 7 وتكەل 2 - دارەجەلىدەن جٶعارى تاس جولمەن تۇتاستىرىلدى، ال، قورعاس وتكەلى، الاتاۋ ساعاسى تەمىرجولمەن تۇتاستىرىلدى.

    مەملەكەت بويىنشا قاتىناس جاعىنان مەملەكەتتى قۇدىرەتتەندىرۋ قۇرىلىسىنداعى 1 - توپتاعى سىناق ءتۇيىنى ەتىلگەن ولكە، رايوندار قاتارىنان ورىن الۋ ءۇشىن، اۆتونوميالى رايوندىق قاتىناس - تاسىمال مەڭگەرمەسى مەملەكەتتىك قاتىناس - تاسىمال مينيسترلىگىندەگى قاتىستى تاراۋلارمەن سەلبەسىپ، «اۆتونوميالى رايوننىڭ قاتىناس جاعىنان مەملەكەتتى قۇدىرەتتەندىرۋ قۇرىلىسىنداعى سىناق ءتۇيىنى قىزمەتىن اتقارۋ جوباسىن» ۇيىمداستىرىپ جاساپ جانە جٶعارىعا جٶلداپ، «اۆتونوميالى رايوننىڭ ۋنيۆەرسال قاتىناستى دامىتۋ جالپى ستراتەگياسى (2018 – 2030)»، «شينجياڭ ۇيعۇر اۆتونوميالى رايونىنىڭ ۋنيۆەرسالدى، ستەرەولىق قاتىناس تورى جوباسى (2021 – 2050)»، «اۆتونوميالى رايوننىڭ قاتىناس -تاسىمالداعى <14 - بەس جىلدىق> دامۋ جوباسى» سياقتى ءتۇيىندى جوبا-جٶسپاردى جاساۋ قىزمەتىن بەلسەنە ىلگەرىلەتتى.

جاۋاپتى رەداكتور: گۇلدەن ماقسات قىزى