شي جينپيڭ لينجىڭ يۋە - ىمەن كەزدەستى

  • كەلۋ قاينارى: ىلە گازەتى
  • 03:32:47 06/11/2019

 

    شينحۋا اگەنتتىگىنىڭ 11 -ايدىڭ 4 -كۇنى شاڭحايدان بەرگەن حابارى. 11 -ايدىڭ 4 -كۇنى كەشتە مەملەكەت ءتوراعاسى شي جينپيڭ شاڭحايدا 2 -كەزەكتى جۇڭگو حالىقارالىق يمپورت كورمەسىنە قاتىناسۋعا كەلگەن شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە -ىمەن كەزدەستى.

    لينجىڭ يۋە -ىنىڭ شياڭگاڭنىڭ جۋىقتاعى جاعدايىنان بەرگەن مالىمەتىن تىڭداعاننان كەيىن شي جينپيڭ مىنالاردى ءبىلدىردى: شياڭگاڭنىڭ «ەرەجەگە وزگەرىس ەنگىزۋ سەبەبىنەن تۋىلعان ۋاقيعا» 5 ايعا جالعاستى، ءسىز ەرەكشە رايون ۇكىمەتىن باستاپ، قىزمەتتىڭ تالابىنان شىعىپ، جاعدايدى ورنىقتىرۋعا، مەڭگەرۋگە كۇش سالىپ، قوعامدىق رايدى جاقسارتىپ، قىرۋار جاپالى قىزمەتتەر ىستەدىڭىز. ورتالىق سىزگە بارىنشا سەنىم ارتادى، ءسىزدىڭ جانە باسقارۋ -جونگە سالۋ قوسىنىنىڭ قىزمەتىن تولىق تۇراقتاندىرادى. زورلىقتى كۇشتى، دۇربەلەڭدى تيىپ، ءتارتىپتى قالپىنا كەلتىرۋ ءالى دە شياڭگاڭنىڭ كەزەكتەگى ەڭ ماڭىزدى مىندەتى. زورلىقتى كۇش ارەكەتتەرىن زاڭ بويىنشا تيۋ جانە جازالاۋ - شياڭگاڭداعى قالىڭ جۇرتشىلىقتىڭ قۇت -ىرىسىن قورعاعاندىق، بۇلجىماۋ كەرەك. سونىمەن بىرگە، قوعامداعى ءار سالامەن پىكىرلەسۋ جانە حالىق تۇرمىسىن جاقسارتۋ سياقتى قىزمەتتەردى ويداعىداي ىستەۋ كەرەك. «ءبىر ەل، ەكى ءتۇزىم» باعىتىن جانە ءتۇبىرلى زاڭدى جاپپاي، دۇرىس دايەكتىلەندىرىپ، ءبىر نيەتپەن سەلبەسىپ، شياڭگاڭنىڭ گۇلدەنۋىن، ورنىقتىلىعىن بىرگە قورعاۋىن ءۇمىت ەتەمىن.

    ديڭ شۋەشياڭ، ياڭ جيەچى، ۋاڭ ي، جاۋ كىجى قاتارلىلار كەزدەسۋگە قاتىناستى.

جاۋاپتى رەداكتور: گۇلدەن ماقسات قىزى