قورعاس قالاسى نەگىزگى تاقىرىپتىق تاربيەنى ىشكەرىلەي، شىنايى ورىستەتتى

  • كەلۋ قاينارى: ىلە گازەتى
  • 03:39:22 06/11/2019

    

    ءتىلشىمىز مىڭ شيا

 

    قورعاس قالاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن ورىستەتكەننەن بەرى تۇتاس قالاداعى ءار دارەجەلى پارتكوم، ۇكىمەت جانە پارتيا مۇشەلەرىنەن نازاردى، ءسوزسىز، نەگىزگى تاقىرىپقا شىنايى شوعىرلاندىرىپ، ماسەلەلەردى كوزدەۋگە، وزىمەن بايلانىستىرۋعا، ماسەلەلەردى تاۋىپ شىعۋعا كۇش سالىپ، قاتاڭ ءارى ناقتى قىزمەت تاسىلىمەن ناقتى ونىمدىلىككە قول جەتكىزۋگە باستان - اياق تاباندى بولۋدى تالاپ ەتتى.

    10 -ايدىڭ 28 - كۇنى ىسكە قوسىلعانىنا ەندى عانا ءبىر اي بولعان قورعاس حالىقارالىق شەكارالىق سەلبەستىك ورتالىعىنداعى حاۋىپسىزدىكتى تەكسەرۋ، كۋالىك ءبىتىرۋ ۇلكەن زالىنا بارعان ءتىلشى بۇل ارادا 41 كۋالىك ءبىتىرۋ تەكشەسى بار ەكەنىن، ساياحاتشىلاردىڭ قاتارعا تۇرماي - اق نە بارى 2 - 3 مينۋتتا كۋالىك ءبىتىرىپ جاتقانىن كوردى. 2 - رەت قورعاس قالاسىنا ساياحاتتاي كەلگەن گانسۋلىق ساياحاتشى ۋاڭ شى - ياۋ بىلاي دەدى: «بۇرىن سەلبەستىك ورتالىعىنا كىرۋ ەسىگى مەن كۋالىك بىتىرۋگە قىزمەت وتەۋ ورنى ەكى جەردە ءارى ارالىعى 2 كيلومەترگە تاياۋ ەدى. تۇڭعىش رەت بۇل اراعا كەلگەندە، جاعدايدى تولىق بىلمەيتىندىگىمنەن، سەلبەستىك ورتالىعى مەن كۋالىك ءبىتىرۋ ورنىنا ەكى رەت بارىپ، بىرنەشە رەت كەزەككە تۇرىپ، ءبىرتالاي اۋرە بولعاننىڭ ۇستىنە، قىرۋار ۋاقىت ىسىراپ بولعان ەدى. قازىر جاڭادان سالىنعان كۋالىك ءبىتىرۋ ورنىندا كۋالىكتى بىتىرە سالىپ، تىكە سەلبەستىك ورتالىعىنا كىرۋگە بولادى ەكەن، بۇقاراعا ءتيىمدى، ونىمدىلىگى جوعارى، وتە جاقسى ەكەن».

    قورعاس ەكونوميكالىق اشۋ رايونى وتكەل باسقارۋ مەكەمەسىنىڭ ورىنباسار باستىعى مەي چيديڭنىڭ ايتۋىنشا، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى ولار جوعارى دارەجەلى ورىندار كورسەتۋ، بۇقارا ورتاعا قويۋ، وزدەرى قاداعالاۋ ارقىلى بۇقارا ەڭ كوڭىل ءبولىپ، باسا نازار اۋدارىپ وتىرعان ماسەلەنىڭ ءدال كەدەننەن وتۋگە قولايلىلىق جاراتۋ ەكەندىگىن بايقادى. وسىلايشا ولار جالپى 12 ميلليون يۋان قارجى قوسىلعان، يەلەگەن جەر اۋماعى ءبىر مىڭ 600 شارشى مەترلىك ءبىر پۋنكت ۇلگىسىندەگى حاۋىپسىزدىكتى تەكسەرۋ، كۋالىك ءبىتىرۋ ۇلكەن زالى قۇرىلىسى نىسانىن جەدەل اتقاردى. 9 - ايدىڭ 28 - كۇنى نىسان قۇرىلىسىنىڭ پايدالانۋعا بەرىلۋىمەن، جاقىن ماڭدا، كوپ تۇيىندە كۋالىك ءبىتىرۋ جۇزەگە اسىرىلىپ، كۋالىك ءبىتىرۋ ءارى كەدەننەن ءوتۋ قارقىنى تەزدەدى.

جاۋاپتى رەداكتور: گۇلدەن ماقسات قىزى