اۆتونوميالى رايوننىڭ كەدەيلىكتەن ارىلتۋدان قامال الۋدى باقىلاۋ - تەكسەرۋدى اڭىس ەتۋ ءماجىلىسى اشىلدى

  • كەلۋ قاينارى: شينجياڭاڭ گازەتى تورابى
  • 09:29:46 07/11/2019

    نازاردى ماسەلەلەرگە شوعىرلاندىرىپ، رەتتەۋ - تۇزەتۋدى يگەرىپ، تياناقتاندىرۋدى جەبەپ، كەدەيلىكتەن ارىلتۋدان قامال الۋدىڭ ساپتىعى مەن ساپاسىنا كەپىلدىك ەتەيىك

    ءتىلشىمىز يۋان لەي 11 - ايدىڭ 5 - كۇنى ۇرىمجىدەن حابارلايدى. 11 - ايدىڭ 4 - كۇنى اۆتونوميالى رايوننىڭ كەدەيلىكتەن ارىلتۋدان قامال الۋدى باقىلاۋ - تەكسەرۋدى اڭىس ەتۋ ءماجىلىسى اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.

    اۆتونوميالى رايوندىق پارتكومنىڭ ورنالاستىرۋى بويىنشا، 8 - ايدىڭ 23 - كۇنىنەن 9 - ايدىڭ 12 - كۇنىنە دەيىن اۆتونوميالى رايوندىق پارتكوم باقىلاۋ - تەكسەرۋ كەڭسەسى باستاماشىلدىق ەتىپ، كەدەيلەردى سۇيەمەلدەۋ، وركەندەتۋ كەڭسەسىمەن جانە قاتىستى تاراۋلارمەن بىرگە، ارناۋلى باقىلاۋ - تەكسەرۋ گرۋپپاسىن ۇيىمداستىرىپ، بۇكىل شينجياڭداعى 13 ايماقتا (وبلىس، قالا)، 35 كەدەي اۋداندا، كەدەيلەردى سۇيەمەلدەۋ مىندەتى بار كەدەي ەمەس 43 اۋداندا جانە اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە 65 ورىندا ارناۋلى باقىلاۋ - تەكسەرۋ ورىستەتتى. ءماجىلىس ارناۋلى باقىلاۋ - تەكسەرۋ جاعدايى جونىندە حابارلاندىرۋ جاسادى.

    ءماجىلىس مىنالاردى اتاپ كورسەتتى: جىل باسىنان بەرى، جەر - جەر، ءارقايسى ارناۋلى گرۋپپالار ورتالىقتىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋ جۇرگىزۋىندە جانە مەملەكەتتىڭ كەدەيلىكتەن ارىلتۋدان قامال الۋ ناتيجەسىن باعالاۋىندا اڭىس ەتىلگەن ماسەلەلەردى رەتتەۋ - تۇزەتۋدى وراي ەتىپ، رەتتەۋ - تۇزەتۋدى كۇش سالا يگەرىپ، دەڭگەيدى جوعارىلاتۋدى جەبەپ، كەدەيلىكتەن ارىلتۋدان قامال الۋدا كورنەكتى ناتيجەگە قول جەتكىزدى، ايتسەدە، ءالى دە كەيبىر ولقىلىقتار، جەتەرسىزدىكتەر ورىن تەۋىپ وتىر. كەدەيلىكتەن ارىلتۋدان قامال الۋ ەڭ سوڭعى ساتىعا تاياعان سايىن، جاۋاپكەرشىلىك، باسىم بارعان سايىن كۇشەيەدى، قىزمەتتى تيتتەي دە السىرەتۋگە بولمايدى، ءسوزسىز، ايرىقشا ءمان بەرىپ، بار ونەردى سالىپ، باقىلاۋ - تەكسەرۋ حابارلاندىرۋىندا اڭىس ەتىلگەن ماسەلەلەردى رەتتەۋ - تۇزەتۋدى ويداعىداي يگەرىپ، كەدەيلىكتەن ارىلتۋدان قامال الۋدىڭ ساپتىعى مەن ساپاسىنا شىنايى كەپىلدىك ەتۋ كەرەك.

    ءماجىلىس مىنالاردى باسا دارىپتەدى: جەر - جەر، ءارقايسى ارناۋلى گرۋپپالار ساياسي دەڭگەيدى جوعارىلاتىپ، باقىلاۋ - تەكسەرۋ حابارلاندىرۋىنداعى ماسەلەلەردى رەتتەۋ - تۇزەتۋدىڭ كەدەيلىكتەن ارىلتۋدان قامال الۋدىڭ ناقتى ونىمدىلىگىن وسىرۋدەگى، كەدەيلىكتەن ارىلتۋدان قامال الۋ ناتيجەسىنە شىنايى كەپىلدىك ەتۋدەگى كەلەلى ماڭىزىن جەتە تانىپ، باقىلاۋ - تەكسەرۋ، رەتتەۋ - تۇزەتۋ قىزمەتىن ”ءتورت تانىم”دى كۇشەيتۋدەگى، ”ءتورت سەنىم“دى بەكەمدەۋدەگى، ”ەكىنى قورعاۋ“دى ورىنداۋداعى ناقتى ارەكەت ەتىپ، ”رەتتەۋ - تۇزەتۋگە كۇش سالماۋ قىزمەت اتقارماعاندىق، رەتتەۋ - تۇزەتۋدى يگەرمەۋ جاۋاپكەرسىزدىك ىستەگەندىك“ كوزقاراسىن بەرىك ورناتىپ، ناقتى رەتتەۋ - تۇزەتۋ تابىستارىمەن ساياسي دەڭگەيدى ايگىلەۋ، اۋەلگى ماقساتتى، بورىشتى ايگىلەۋ، جاۋاپكەرشىلىك ارقالاۋدا جانە مىندەتىن اتقارۋدا ايگىلەۋ كەرەك.

جاۋاپتى رەداكتور: جازيرا بولاتباي قىزى