دۇرىس تاريحي ورىن

  • كەلۋ قاينارى: ىلە گازەتى
  • 03:07:13 08/11/2019

    1987 – جىلى اشىلعان جۇڭگو كوممۋنيستىك پارتياسىنىڭ 13 – قۇرىلتايى ەلىمىزدىڭ تۇرعان قوعامدىق دامۋ ساتىسىن دۇرىس تۇراقتاندىردى، سوتسياليزمنىڭ العاشقى ساتىسىنداعى نازاريانى جۇيەلى باياندادى، پارتيانىڭ سوتسياليزمنىڭ العاشقى ساتىسىنداعى نەگىزگى لۋشيانىن ايقىن العا قويدى، پارتيانىڭ نازاريادا جاڭالىق اشۋىن جانە امالياتتىق دامۋىن پارمەندى ىلگەرىلەتتى.

    1987 – جىلى 13 – قۇرىلتايدىڭ بايانداماسىن دايىنداۋ بارىسىندا پارتيا ورتالىق كوميتەتى رەفورما جاساپ، ەسىك اشقاننان بەرگى جاڭا تاجىريبەلەردى مۇقيات قورىتىندىلاپ، بۇكىل پارتيانىڭ اقىل – پاراساتىن شوعىرلاندىرىپ، سوتسياليزمنىڭ العاشقى ساتىسىنداعى نازارياسىن 13 – قۇرىلتاي بايانداماسىنىڭ نازاريالىق نەگىزى ەتۋ ويىن ورتاعا قويدى. بۇل وي دىڭ شياۋپيڭ جولداستىڭ قۇپتاۋىنا يە بولدى. سول جىلى 10 – ايدا جۇڭگو كوممۋنيستىك پارتياسىنىڭ 13 – قۇرىلتايى اشىلدى. بۇل رەتكى قۇرىلتايدىڭ ەڭ كورنەكتى ۇلەسى − سوتسياليزمنىڭ العاشقى ساتىسىنداعى نازارياسىن جۇيەلى بايىمدادى ءارى پارتيانىڭ سوتسياليزمنىڭ العاشقى ساتىسىنداعى نەگىزگى لۋشيانىن ايقىن جيناقتادى.

    سوتسياليزمنىڭ العاشقى ساتىسىنىڭ ءمانى جونىندە 13 – قۇرىلتاي بايانداماسىندا بىلاي دەپ اتاپ كورسەتىلدى: ەلىمىز سوتسياليزمنىڭ العاشقى ساتىسىندا تۇر دەگەن وسى تۇجىرىم ەكى قابات ءماندى قامتيدى: ءبىرىنشى، ەلىمىز قوعامى الدەقاشان سوتسياليستىك قوعام بولدى. ءبىز، ءسوزسىز، تاباندى بولۋىمىز، سوتسياليزمنەن قول ۇزبەۋىمىز كەرەك. ەكىنشى، ەلىمىزدىڭ سوتسياليستىك قوعامى ءالى دە العاشقى ساتىدا تۇر، ءبىز، ءسوزسىز، وسى ءىس جۇزىندىكتى شىعار ءتۇيىن ەتۋىمىز ءتيىس، بۇل ساتىدان اتتاپ وتپەۋىمىز كەرەك.

    سوتسياليزمنىڭ العاشقى ساتىسىنداعى نازارياعا نەگىزدەلىپ، 13 – قۇرىلتاي بايانداماسى پارتيانىڭ سوتسياليزمنىڭ العاشقى ساتىسىنداعى نەگىزگى لۋشيانى جونىندە ايقىن جيناقتاۋ جاسادى. ول بولسا: بۇكىل ەلدەگى ءار ۇلت حالقىنا باسشىلىق ەتىپ جانە ولاردى ىنتىماقتاستىرىپ، ەكونوميكالىق قۇرىلىستى وزەك ەتىپ، ءتورت نەگىزگى پرينسيپكە تاباندى بولىپ، رەفورما جاساۋعا، ەسىك اشۋعا تاباندى بولىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن شارۋاشىلىق قۇرىپ، ەلىمىزدى باي، قۇدىرەتتى، دەموكراتيالى، وركەنيەتتى سوتسياليستىك وسىزاماندانعان مەملەكەت ەتىپ قۇرىپ شىعۋ جولىندا كۇرەس جۇرگىزۋ.

    سوتسياليزمنىڭ العاشقى ساتىسىنداعى نازارياسىنىڭ جانە پارتيانىڭ نەگىزگى لۋشيانىنىڭ العا قويىلۋى − سوتسياليزم جونىندەگى ءداستۇرلى كوزقاراستاعى ماڭىزدى جاڭالىق، پارتيانىڭ ماركسيزمدىك عىلمي سوتسياليزم نازارياسىنا قوسقان ماڭىزدى ۇلەسى، سونىمەن بىرگە، رەفورما جاساپ، ەسىك اشۋعا جاڭا نازاريالىق جەتەكشى ازىرلەۋمەن بىرگە، رەفورما جاساپ، ەسىك اشۋدىڭ امالياتىن پارمەندى ىلگەرىلەتتى.

    (شينحۋا اگەنتتىگىنىڭ 10 – ايدىڭ 19 – كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى