شاڭحاي اكتسيا بازارىنىڭ ساۋدا باستاۋى

  • كەلۋ قاينارى: ىلە گازەتى
  • 03:08:00 08/11/2019

    1990 – جىلى 12 – ايدىڭ 19 – كۇنى دابىل ءۇنىنىڭ قاعىلىسىمەن رەفورما جاساپ، ەسىك اشقاننان كەيىنگى جۇڭگونىڭ ىشكى جەرىندە اشىلعان تۇڭعىش اكتسيا ساۋدا ورنى − شاڭحاي اكتسيا ساۋدا ورنى رەسمي ماڭدايشالىق اسىپ ساۋدا باستادى، بۇل جۇڭگونىڭ كاپيتال بازارىنىڭ دامۋ تاريحىندا شىت جاڭا پاراق اشىلعاندىعىنىڭ بەلگىسى بولدى.

    جۇڭگو كوممۋنيستىك پارتياسى 11 – كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، ءىشىنارا جەرلەر جارنا ءتۇزىمى جونىندە ىزدەنىس جاساي باستادى. 1984 – جىلى 11 – ايدا شاڭحاي فييۋە دىبىس سەرىكتەستىگى قۇرىلىم جاڭالاپ جارنا شەكتى سەرىكتەستىگىنە وزگەرگەننەن كەيىن، جۇرتقا 500 مىڭ يۋاننىڭ جارنا شەگىن تاراتىپ، جارنا ءتۇزىمى ساۋداسىن سىناق رەتىندە اتقارعان جارنا شەكتى سەرىكتەستىگىنە اينالدى.

    جارنا تۇزىمىندەگى كاسىپورىنداردىڭ جارىققا شىعۋىنا جانە ۇزدىكسىز ارتۋىنا ساي، ەلىمىزدە جارنا شەگى جارىققا شىعا باستادى. وسىدان سوڭ، جارنا شەگىنىڭ تاراتىلۋ مولشەرى جەدەل ارتىپ، جارنا شەگى ساۋداسىن ىستەۋ قاجەتسىنۋى پايدا بولدى. سونىمەن شىنياڭ، شاڭحاي سياقتى جەرلەردە جارنا شەگىنىڭ سورەلىك ساۋداسى جارىققا شىقتى. 1986 – جىلى 8 – ايدا شىنياڭ اماناتتاۋ قارجى قوسۋ سەرىكتەستىگى الارماندارعا ۋاكىلدىك ەتىپ اكتسيا ساۋداسىن ىستەپ، جارنا شەگىنىڭ سورەلىك ساۋدا كاسىبىن باستادى. سول جىلى 9 – ايدا جۇڭگو ونەركاسىپ – ساۋدا بانكەسى شاڭحاي قالالىق بولىمشە بانكەسى جيڭ – ان رايوندىق ساۋدا ورنى دا سورەلىك ساۋدانى باستايدى.

    1988 – جىلى 11 – ايدا مەملەكەتتىك كەڭەس پەن ورتالىقتىڭ قازىناعا باسشىلىق ەتۋ گرۋپپاسى ءماجىلىس اشىپ، جۇڭگودا اكتسيا ساۋدا ورنىن قۇرۋ سياقتى ماسەلەلەردى قاداعالاي اقىلداسىپ، مەملەكەتتىك ءتۇزىلىس رەفورماسى كوميتەتىنىڭ باستاۋىمەن، مەملەكەتتىك جوسپار كوميتەتى، قازىنا مينيسترلىگى، جۇڭگو حالىق بانكەسى سياقتى قاتىستى تاراۋلاردىڭ، سونداي – اق فينانس سالاسىنداعى قاتىستى قايراتكەرلەردىڭ قاتىناسۋىمەن، مەملەكەتتىك اكتسيانى باسقارۋعا باسشىلىق ەتۋ گرۋپپاسىن قۇرۋدى ۇيعارادى.

    مەملەكەتتىك كەڭەستىڭ ۇقىق بەرۋىمەن، جۇڭگو حالىق بانكەسىنىڭ بەكىتۋىمەن، 1990 – جىلى 11 – ايدىڭ 26 – كۇنى شاڭحاي اكتسيا ساۋدا ورنىن قۇرۋ جينالىسى اشىلدى، 12 – ايدىڭ 19 – كۇنى ماڭدايشالىق اسىپ ساۋدا باستاۋ سالتى رەسمي وتكىزىلدى. 1990 – جىلى 12 – ايدىڭ 1 – كۇنى شىنجىن اكتسيا ساۋدا ورنى سىناق رەتىندە ساۋدا باستادى، سونداي – اق 1991 – جىلى 7 – ايدىڭ 3 – كۇنى رەسمي ماڭدايشالىق اسىپ ساۋدا باستادى.

    شاڭحاي، شىنجىن 2 ساۋدا ورنىنىڭ ساۋداسىنىڭ اينالىمعا ءتۇسۋى جارنا شەگىنىڭ شوعىرلى ساۋداسىن جۇزەگە اسىرىپ، جارنا ءتۇزىمىنىڭ دامۋىن پارمەندى ىلگەرىلەتتى. بۇل جۇڭگونىڭ رەفورما جاساۋدى، ەسىك اشۋدى ونان ارى ىلگەرىلەتۋ ساياساتىنداعى كەلەلى شارانىڭ ءبىرى. وسىدان كەيىن، جۇڭگونىڭ كاپيتال بازارى ۇزدىكسىز زورايىپ، بىرتە – بىرتە حالىقارالىق ساحناعا قاراي بەت الدى.

    (شينحۋا اگەنتتىگىنىڭ 10 – ايدىڭ 22 – كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى