حايناننىڭ ولكە بولىپ قۇرىلۋى

  • كەلۋ قاينارى: ىلە گازەتى
  • 03:08:50 08/11/2019

    1988 – جىلى 4 – ايدىڭ 26 – كۇنى بۇكىل مەملەكەتتىڭ، اۋەلى، دۇنيە ءجۇزىنىڭ نازارىن اۋدارعان «جۇڭگو كوممۋنيستىك پارتياسى حاينان ولكەلىك كوميتەتى»، «حاينان ولكەلىك حالىق ۇكىمەتى» رەسمي ماڭدايشالىق ءىلىپ قۇرىلدى.

    حاينان ارالى - ەلىمىزدەگى 2 – ۇلكەن ارال، تەڭىز ايدىنى كەڭ، بايلىق قاينارى مول، كورىنىسى كوركەم. الايدا ويداعىداي دامىتىلماعاندىقتان، اشىلماعاندىقتان، ۇزاق ۋاقىتتان بەرى تۇيىق، كەدەي، مەشەۋ ارال بولىپ كەلدى.

    1980 – جىلى 6 – ايدىڭ سوڭىندا مەملەكەتتىك كەڭەس پەن گۋاڭدۇڭ ولكەسى حاينان ارالى ماسەلەسى اڭگىمە ءماجىلىسىن اشتى، بۇل - رەفورما جاساعاننان، ەسىك اشقاننان كەيىن ءبىرىنشى رەت اشىلعان حاينان ارالىن اشۋ جونىندەگى ءماجىلىس. 1983 – جىلى 4 – ايدىڭ 1 – كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «حاينان ارالىن اشۋ قۇرىلىسىن جەدەلدەتۋ ماسەلەسى جونىندەگى تالقى ماڭىزدى ەستەلىگىن» بەكىتىپ ءتۇسىرىپ، حاينان ارالىن اشۋ قۇرىلىسىن جەدەلدەتۋدى ۇيعارىپ، ساياسات جاعىنان جەڭىلدىك جاساپ، حاينان اكىمشىلىك رايونىنا ءبىرشاما كوپ وزىندىك ۇقىق بەردى.

    1984 – جىلى 2 – ايدىڭ 24 – كۇنى دىڭ شياۋپيڭ ەكونوميكالىق ەرەكشە رايوندى ويداعىداي قۇرۋ جونىندە توقتالعاندا بىلاي دەدى: «ءبىز ەكونوميكالىق ەرەكشە رايون قۇرىپ، اشىق ساياسات اتقارۋدا مىناداي جەتەكشى يدەيانى ايقىنداۋىمىز كەرەك، اتاپ ايتقاندا، جيناپ الماي، قايتا بوساتۋىمىز كەرەك». «ءبىز تاعى حاينان ارالىن اشامىز، ەگەر حاينان ارالىنىڭ ەكونوميكاسىن تەز دامىتا الساق، وندا ۇلكەن جەڭىسكە جەتكەن بولامىز». وسى يدەيانىڭ جەتەكشىلىگىندە، «اشۋ ارقىلى دامىتۋدى جەبەۋ» باعىتىنا ساي، حاينان ارالىنىڭ رەفورما جاساۋ، ەسىك اشۋ اياق الىسى ۇزدىكسىز جەدەلدەتىلدى.

    1986 – جىلى 8 – ايدا مەملەكەتتىك كەڭەس حاينان اكىمشىلىك رايونىن گۋاڭدۇڭ ولكەسىنەن ءبولىپ شىعارۋدى ۇيعارىپ، حاينان اكىمشىلىك رايونىنا ولكە دارەجەسىنە بارابار ەكونوميكالىق باسقارۋ ۇقىق شەگىن بەرىپ، جوسپارى ايىرىم جاسالدى. 1987 – جىلى پارتيا ورتالىق كوميتەتى مەن مەملەكەتتىك كەڭەس حاينان ارالىندا ولكە قۇرۋدى ءارى ونى جۇڭگوداعى ەڭ ۇلكەن ەكونوميكالىق ەرەكشە رايونعا اينالدىرۋدى ۇيعاردى. 1988 – جىلى 4 – ايدىڭ 13 – كۇنى 7 – كەزەكتى مەملەكەتتىك حالىق قۇرىلتايىنىڭ 1 – ماجىلىسىندە حاينان ولكەسىن قۇرۋ جانە حاينان ەكونوميكالىق ەرەكشە رايونىن قۇرۋ جونىندەگى قارار ماقۇلداندى. 13 كۇننەن كەيىن جۇڭگو كوممۋنيستىك پارتياسى حاينان ولكەلىك كوميتەتى مەن حاينان ولكەلىك حالىق ۇكىمەتى رەسمي ماڭدايشالىق استى. مىڭداعان، جۇزدەگەن جىلدار بويى تۇيىق، مەشەۋ بولىپ كەلگەن حاينان ارالى اقىرى زور ەسىك اشۋدىڭ، قاۋىرت دامۋدىڭ كوكتەمىن كۇتىپ الىپ، حايناننىڭ تاريحى دا سودان باستاپ جاڭا داۋىرگە ءوتتى.

    (شينحۋا اگەنتتىگىنىڭ 10 – ايدىڭ 20 – كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى