پۋدۇڭدى اشۋ

  • كەلۋ قاينارى: ىلە گازەتى
  • 03:10:21 08/11/2019

    1990 – جىلى 4 – ايدىڭ 18 – كۇنى مەملەكەتتىك كەڭەستىڭ زۇڭليى لي پىڭ شاڭحايدا پارتيا ورتالىق كوميتەتىنىڭ، مەملەكەتتىك كەڭەستىڭ اتىنان: ورتالىق شاڭحاي قالاسىنىڭ پۋدۇڭ رايونىن اشۋدى جەدەلدەتۋىن ماقۇلدادى، – دەپ رەسمي جاريالادى.

    پۋدۇڭ حۋاڭپۋجياڭ دارياسىنىڭ شىعىسى، چاڭجياڭ دارياسى ساعاسىنىڭ باتىس وڭتۇستىگى، چۋانياڭ وزەنىنىڭ سولتۇستىگىندەگى شاڭحايداعى ۋايتانمەن كورشىلەس جاتقان ءۇشبۇرىش ءپىشىندى رايوندى مەڭزەيدى، اۋدانى شامامەن 350 شارشى كيلومەتر.

    1984 – جىلدان باستاپ مەملەكەتتىك كەڭەس پەن شاڭحاي قالالىق ۇكىمەت: شاڭحايدى گۇلدەندىرۋدە ءتۇيىندىسى حاڭجوۋ شىعاناعى مەن چاڭجياڭ دارياسىنىڭ وڭتۇستىك – سولتۇستىك ەكى قاناتىنا قاراي كەڭەيىپ، شارت – جاعداي جاراتىپ پۋدۇڭدى اشىپ، جاڭا رايون قۇرىلىسىنا دايىندالۋ كەرەك، – دەپ العا قويدى. 1986 – جىلى 4 – ايدا سول كەزدە شاڭحاي قالاسىنىڭ باستىعى بولىپ تۇرعان جياڭ زىميننىڭ باسقارۋىندا، شاڭحاي قالالىق ۇكىمەت پۋدۇڭدى اشۋدىڭ باستاپقى جوباسىن العا قويدى، سونداي – اق ورتالىققا «شاڭحاي قالاسىنىڭ قالا جوسپارى جوباسى مالىمەت جەلىسىن» مالىمەت ەتتى. 1990 – جىلدىڭ باسىندا سول كەزدە شاڭحاي قالالىق پارتكومنىڭ شۋجيى بولىپ تۇرعان جۋ رۇڭجي دىڭ شياۋپيڭگە پۋدۇڭدى اشۋدىڭ ستراتەگيالىق ويىن العا قويىپ، ءمان بەرۋ مەن قولداۋعا يە بولدى.

    دىڭ شياۋپيڭنىڭ ىلگەرىلەتۋىندە، پارتيا ورتالىق كوميتەتى، مەملەكەتتىك كەڭەس تولىق تەكسەرۋ – زەرتتەۋ جۇرگىزۋ جانە دالەلدەۋ ارقىلى 1990 – جىلى 4 – ايدا پۋدۇڭدى اشۋدى، ەسىكتى اشىق ۇستاۋدى رەسمي بەكىتىپ، پۋدۇڭدا ەكونوميكالىق – تەحنيكالىق اشۋ رايونى جانە كەيبىر ەكونوميكالىق ەرەكشە رايون ساياساتىن اتقاردى. 4 – ايدىڭ 18 – كۇنى مەملەكەتتىك كەڭەستىڭ زۇڭليى لي پىڭ شاڭحاي داجۇڭ اۆتوكولىك شەكتى سەرىكتەستىگى قۇرىلعاندىعىنىڭ 5 جىلدىعى جينالىسىنا قاتىناسقان كەزدە، پارتيا ورتالىق كوميتەتىنىڭ، مەملەكەتتىك كەڭەستىڭ اتىنان پۋدۇڭدى اشۋدى جەدەلدەتۋدى ماقۇلداۋ شەشىمىن جاريالادى.

    1990 – جىلى 4 – ايدان كەيىن، شاڭحاي قالالىق ۇكىمەت پۋدۇڭدى اشۋدىڭ ءبىر قىدىرۋ ساياساتى مەن شاراسىن جاسادى. 9 – ايدا مەملەكەتتىك كەڭەس شاڭحاي قالالىق ۇكىمەتتىڭ پۋدۇڭ جاڭا رايونىن اشۋ، ەسىكتى اشىق ۇستاۋ ناقتى ساياسات – بەلگىلەمەسىن بەكىتتى. پۋدۇڭدى اشۋ ناقتى باستالۋ كەزەڭىنە ءوتتى.

    پۋدۇڭدى اشۋ باستالعاننان كەيىن، ناقتى قۋاتقا يە ەل اتتاعان سەرىكتەستىكتەر، جۇڭگو مەن شەتەلدىڭ فينانس قۇرىلىمدارى وسى رەفورما جاساۋدىڭ، ەسىك اشۋدىڭ ىرىستى جەرىنە جابال كەلىپ، شەتەلدىك ساۋداگەرلەردىڭ قارجى قوسۋى جىل سايىن مولايدى. ءبىر سىرتقا باعىتتالعان، كوپ يقۋاتتى، وسىزاماندانعان جاڭا قالا رايونى كەرەمەتتەي كوركەيە باستادى، پۋدۇڭ وسىلايشا 20 – عاسىردىڭ 90 – جىلدارىنداعى جۇڭگونىڭ رەفورما جاساۋدا، ەسىك اشۋدا كورنەكتى تابىسقا قول جەتكىزگەندىگىنىڭ ماڭىزدى بەلگىسىنە اينالدى.

    (شينحۋا اگەنتتىگىنىڭ 10 – ايدىڭ 21 – كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى