ومارتاشى جۇبايلار اۋىلداستارىن باقىت جولىنا باستادى

  • كەلۋ قاينارى: ىلە گازەتى
  • 04:06:47 12/11/2019

  

    يان ليڭ (ءوز ءتىلشىمىز)

 

    10 – ايدىڭ 26 – كۇنى قۇلجا اۋدانى تۇرپانجۇزى اۋىلى جوعارعى روزىمەتجۇزى قىستاعىنىڭ تۇرعىنى گو شيۋچيننىڭ اۋلاسى ساپىرىلىسقان ادامعا تولدى. گو شيۋچين ءبىر جاعىنان جۇمىسكەرلەردىڭ دايىندالعان بالدى قوراپتاۋىنا، كولىككە تيەۋلەرىنە نۇسقاۋ كورسەتسە، ءبىر جاعىنان تىلشىگە: «گۋاڭدۇڭدىق كونە الارمان 700 كيلوگرام تاۋ گۇلى بالىن الدى. قازىر كۇن سايىن رايونىمىزعا جانە گۋاڭجۋ، يۇننان، شاندۇڭ، بەيجيڭ سياقتى جەرلەرگە بال جوتكەيمىن. بيىلعى 3 توننا بال كوزدى اشىپ – جۇمعانشا ساتىلىپ كەتتى» دەدى.

    گو شيۋچين قىستاقتاعى اۋقاتتانۋ باستاماشىسى، 2016 ـ جىلى قۇلجا اۋدانى بويىنشا «ورىك مەكەنىن اسەرلەندىرگەن» جىلدىق كەيىپكەر بولىپ باعالانعان.

    گو شيۋچين مەن ونىڭ ايەلى حۇي ي - چىڭ قاراپايىم ومارتاشىلىقپەن شۇعىلدانىپ، كوپشىلىكتى ارا باعۋعا جەتەلەپ، «قۇلجا ورىك مەكەنى» اتىندا ومارتاشىلىق كووپەراتيۆىن قۇرىپ، بايۋعا جەتەلەيتىن تىڭ جول اشتى.

    «جەرگىلىكتى ماماننان» ايگىلى ماركا جاراتۋعا دەيىن

    1980 - جىلداردىڭ سوڭىندا گو شيۋچين جۇبايى ەكەۋى تۋىستارىنىڭ كومەگىمەن ارا باعا باستايدى. ارا باعۋشىلار تىم از، ادامداردىڭ تۇرمىس ورەسى تومەن، بال تۇتىناتىندار دا سيرەك، ءار كيلوگرامى نەبارى 1.7 يۋاننان ساتىلاتىن.

    رەفورما جاساپ، ەسىك اشقاننان كەيىن ىلەلىكتەردىڭ تۇرمىسى بارعان سايىن جاقساردى، بازاردىڭ بالعا قاجەتى كۇن سايىن ارتىپ، ومارتاشىلار ۇزدىكسىز كوبەيدى.

    سول كەزدە ىلەدەگى ومارتاشىلار كونە تەحنيكامەن ەكى - ءۇش كۇندە ءبىر رەت بال تارتاتىن، بالدىڭ سۋ قۇرامى جوعارى، گۇلدىڭ حوش ءيىسى سولعىن بولاتىن. ونداي بال ومارتاشى سەرىكتىگىنىڭ قويۋلاتىپ، قوراپتاۋىنان وتكەن سوڭ ۆيتاميندەرى مەن اكتيۆتەندىرگىش فەرمەنتتەرى بۇزىلىپ، قورەكتىك قۇنى تومەندەپ كەتەتىن.

جاۋاپتى رەداكتور: گۇلدەن ماقسات قىزى