بازارعا اماناتتاپ ساتىپ الۋ جەمىس شارۋالارىنىڭ كىرىسىن ارتتىرىپ، بايۋىنا ءۇمىت اكەلدى

  • كەلۋ قاينارى: شينجياڭ گازەتى تورابى
  • 10:07:08 13/11/2019

  

  ءتىلشىمىز ۋاڭ يۇڭفي

 

    ءار كيلوگرامى 13 يۋاننان 15 يۋانعا جوعارىلادى، وسى ساتىپ الۋ مەزگىلىندە قىمباتتاعان جاڭعاق باعاسى حوتان اۋدانىنداعى جاڭعاق ەگىنشىلىك وتباسىلارىنىڭ جۇزىنە كۇلكى ءۇيىردى. حوتان اۋدانى باقچى قالاشىعى يزاباق قىستاعى اناتوپىراق اۋىل شارۋاشىلىق ونىمدەرىن ساتىپ الۋ - ساتۋ شارۋالار كاسىپتىك سەلبەستىك كووپەراتيۆىندەگى 136 ديقان وتباسى جاڭعاقتىڭ وزىنەن 380 مىڭ يۋان كىرىس كىرگىزدى. ”بازارعا اماناتتاپ ساتىپ الۋ كوڭىلىمىزدى ورنىقتىرىپ، كىرىسىمىزدى ارتتىردى“، - دەدى 11 - ايدىڭ 11 - كۇنى وسى كووپەراتيۆتىڭ القا باستىعى جۇمانياز ياسىن.

    وڭتۇستىك شينجياڭنىڭ ەرەكشە جەمىس - ورمان ونىمدەرىن بازارعا اماناتتاپ ساتىپ الىپ، كەدەيلىكتەن ارىلتۋدان قامال الۋ قىزمەتىنىڭ ءساتتى اتقارىلۋىنا دەم بەرۋ جۇڭگو اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ قارجى جاقتان قولداۋىنان ايرىلا المايدى. اۋىل شارۋاشىلىعىن قولداۋداعى نەگىزگى كۇش بانكەسى بولعان اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى بيىل جەمىس - ورمان ونىمدەرىن ساتىپ الۋ قارجىسىنان جالپى 2 ميلليارد 350 ميلليون يۋاندى تەكسەرىپ بەكىتتى، قازىر جەمىس - ورمان ونىمدەرىن ساتىپ الۋ قارجىسىنان ءبىر ميلليارد 300 ميلليون يۋان تاراتتى.

    ■ بازارعا اماناتتاپ ساتىپ الۋ بازاردىڭ سەنىمىن ارتتىردى

    ”قازىر شينجياڭ جەمىس شارۋاشىلىعى توبى بىزبەن جاڭعاق ءدانىن ساتىپ الۋ تاپسىرىسىنا قول قويىستى، ءبىز شارۋالاردى جاڭعاق شاعۋعا ۇيىمداستىردىق. شارۋالار جاڭعاقتىڭ ساتىلۋىنان الاڭداماستان، جاڭعاق شاعۋدان دا ەڭبەكاقى الىپ، كىرىستەرى وتكەن جىلداعىدان جوعارىلادى“، - دەدى جۇمانياز ياسىن.

    بيىل اناتوپىراق اۋىل شارۋاشىلىعى ونىمدەرىن ساتىپ الۋ - ساتۋ شارۋالار كاسىپتىك سەلبەستىك كووپەراتيۆى جالپى 1080 مۋ جەرگە جاڭعاق ەگىپ، جاڭعاقتان 190 توننا ءونىم الدى. كووپەراتيۆ جەمىس شارۋاشىلىعى توبىنىڭ جەتەكشىلىگىندە شارۋالار ەككەن جاڭعاقتى ءبىر تۇتاس باسقارىپ، ءبىر تۇتاس تىڭايتقىش بەرىپ، ءبىر تۇتاس تەحنيكالىق جەتەكشىلىك ەتىپ، جاڭعاق ساپاسى تومەن بولۋ، ءتۇسىمى از بولۋ سياقتى ماسەلەلەردى شەشتى.

    چارقىلىق اۋدانى تىكەنلىك قالاشىعى شىعىس تاتىراڭ قىستاعىنىڭ تۇرعىنى حى يۇيگو دا بازارعا اماناتتاپ ساتىپ الۋدان يگىلىكتەنۋشى. بيىل ول 11 مۋ جەرگە ەككەن شىلاننىڭ ءونىمى 8.16 تونناعا جەتكەن، شينجياڭ جەمىس شارۋاشىلىعى توبىنىڭ ساتىپ الۋ باعاسى بويىنشا ءار كيلوگىرامىن 8.5 يۋاننان ساتىپ، ءار كيلوگرامىنىڭ باعاسى وتكەن جىلداعىدان ءبىر يۋان دا 1.5 يۋان جوعارى بولدى.

جاۋاپتى رەداكتور: گۇلدەن ماقسات قىزى