پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما جاساۋ جينالىسى ۇرىمجىدە وتكىزىلدى

  • كەلۋ قاينارى: شينجياڭ گازەتى تورابى
  • 10:08:34 13/11/2019

   

    چىن چۋانگو بايانداما جاسادى

 

    تىلشىلەرىمىز ياۋ تۇڭ، جاڭ يانفاڭ 11 - ايدىڭ 11 - كۇنى ۇرىمجىدەن حابارلايدى. 11 - ايدىڭ 11 - كۇنى تۇستەن بۇرىن پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما جاساۋ جينالىسى ۇرىمجىدە وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو بايانداما جاسادى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋ كەرەك.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بايانداما جاساۋ جينالىسىن باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، جاڭ چۇنلين، مەملەكەتتىك حالىق قۇرىلتايى ۇلت كوميتەتىنىڭ ورىنباسار مەڭگەرۋشى مۇشەسى نايىم ياسىن بايانداما جاساۋ جينالىسىنا قاتىناستى.

    بايانداما جاساۋ جينالىسىندا، چىن چۋانگو نەگىزگى تاقىرىپتى تىعىز ارقاۋ ەتە، نازاريانى امالياتپەن بايلانىستىرا وتىرىپ، جالپى ءماجىلىستىڭ كەلەلى ماڭىزىن تەرەڭ بايانداپ، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن جان - جاقتى بايىمداپ، جالپى ءماجىلىس «قارارى»ندا ورتاعا قويىلعان جالپى تالاپتى، جالپى نىسانانى جانە ءتۇيىندى مىندەتتەردى جۇيەلى ءتۇسىندىرىپ، جالپى ءماجىلىس رۋحىن ۇيرەنۋ، ۇگىتتەۋ، دايەكتىلەندىرۋ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە تانىمىن، اسەرىن باياندادى.

جاۋاپتى رەداكتور: گۇلدەن ماقسات قىزى