«قوس 11 دە» شينجياڭدا ساتىپ الۋ، ساتۋ جاعىنان بىردەي جوعارى ورە جاراتىلدى

  • كەلۋ قاينارى: ىلە گازەتى
  • 04:00:41 15/11/2019

    ىلەنىڭ تيانماۋداعى ساۋدا سوماسى 158 ميلليون يۋانعا جەتىپ، شينجياڭ بويىنشا 2 – ورىندى يەلەدى

    شينجياڭ گازەتىنىڭ حابارى. (تىلشىلەر چىن چياڭۋي، ۋاڭ جىن) ەندى عانا اياقتاعان «قوس 11» زات ساتىپ الۋ مەرەكەسىندە تيانماۋ، جيڭدۇڭ سياقتى ءىرى ەلەكتروندى ساۋدا تەكشەلەرى ساتۋ رەكوردىن جاڭالادى. بۇكىل ەلمەن تەڭ قادامدا شينجياڭ بازارى دا وزگەشە بەينە بايقاتىپ، جەلىدەگى تۇتىنۋدىڭ ارتۋ قارقىنى كورنەكتى بولدى. شينجياڭنىڭ ەلەكتروندى ساۋداسى بويىنشا 11 – ايدىڭ 1 – كۇنىنەن 11 – كۇنىنە دەيىنگى ارالىقتا 2 ميلليارد 539 ميلليون يۋاندىق زات ساتىلعان.

    الي بابا جاريالاعان «قوس 11 دەگى» ساندى مالىمەتتە كورسەتىلۋىنشە، 11 – ايدىڭ 11 – كۇنى تيانماۋ دۇنيە جۇزىلىك قاۋىرت زات ساتىپ الۋ مەرەكەسىندە شينجياڭدىقتار ءبىر ميلليارد 920 ميلليون يۋاندىق زات ساتىپ الىپ، بىلتىرعى ۇقساس مەزگىلدەگىدەن %24 ارتىپ، ەلىمىز بويىنشا 27 -ورىندى يەلەگەن؛ 150 ميلليون يۋاندىق تاۋار ساتىلىپ، ۇقساس مەزگىلدەگىدەن %38 ارتقان؛ شينجياڭداعى ءارقايسى ايماق، وبلىس، قالالار بويىنشا ءۇرىمجى قالاسىنىڭ ساۋدا سوماسى 746 ميلليون يۋانعا جەتىپ، ساۋداسى ەڭ كۇسەت قالاعا اينالدى، ىلە قازاق اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ ساۋدا سوماسى جەكە – جەكە 158 ميلليون يۋان جانە 138 ميلليون يۋان بولىپ، ەكىنشى، ءۇشىنشى ورىندى يەلەدى.

    تيانماۋ تەكشەسىندە شينجياڭداعى 70 -، 80 -، 90 -جىلداردىڭ تۇلەكتەرى تۇتىنۋشى سانىنىڭ باسىم كوپ بولەگىن، مۇنىڭ ىشىندە تۇتىنۋشىلار سانىنىڭ 4 ۇلەسىنەن استامىن «90 -جىلدىڭ تۇلەكتەرى» يەلەگەن. شينجياڭدا كۇننىڭ سۋىتۋىنا ىلەسە مامىق شاپان شينجياڭداعى تۇتىنۋشىلاردىڭ ەڭ ۇناتىپ ساتىپ الاتىن تاۋارىنا اينالدى.

    تيانماۋ تەكشەسىنەن زات ساتىپ الۋدان تىس، شينجياڭدىقتار تاعى جيڭدۇڭ تەكشەسىنەن دە كوپتەگەن ونىمدەردى ساتىپ الدى. جيڭدۇڭ تەكشەسى قامداعان ساندى مالىمەتكە نەگىزدەلگەندە، 2019 -جىلى جيڭدۇڭ حالىقارالىق سارا ونىمدەردى ساتىپ الۋ مەرەكەسىندە شينجياڭداعى تۇتىنۋشىلاردىڭ سانى ەسەلەپ ارتقان. شينجياڭداعى ايماق - وبلىستاردى تۇتىنۋ سوماسىنا قاراي رەتكە قويعاندا ءۇرىمجى قالاسى، ىلە وبلىسى، سانجى حۇيزۋ اۆتونوميالى وبلىسى، باينعولين موڭعۇل اۆتونوميالى وبلىسى جانە قاشقار ايماعى رەتىمەن الدىڭعى قاتاردان ورىن العان.

    وسى ورايدا «قوس 11» ءوزىنىڭ تىڭ ەرەكشەلىگىن ايگىلەدى. جيڭدۇڭ تەكشەسىندەگى شينجياڭدىق جاڭا ابونتتاردىڭ سانى كۇرت ارتىپ، 35 جاستان تومەنگىلەردىڭ سانى %59.96 تى يەلەپ، جاستانۋ مولشەرى جيڭدۇڭ تەكشەسىنىڭ ورتاشا مانىنەن الدەقايدا جوعارىلاپ، كومەسكى كۇشى وراسان زور بولدى.

جاۋاپتى رەداكتور: گۇلدەن ماقسات قىزى