اۆتونوميالى رايوننىڭ قىسقى، كوكتەمگى ساياحات قىزمەتىنە اتتانىسقا كەلتىرۋ ءماجىلىسى اشىلدى

  • كەلۋ قاينارى: شينجياڭ گازەتى تورابى
  • 11:27:36 15/11/2019

  

  تىلشىلەرىمىز يۋان لەي، ياۋ گاڭ 11 - ايدىڭ 13 - كۇنى ۇرىمجىدەن حابارلايدى. 11 - ايدىڭ 13 - كۇنى اۆتونوميالى رايوننىڭ قىسقى، كوكتەمگى ساياحات قىزمەتىنە اتتانىسقا كەلتىرۋ ءماجىلىسى اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

    ءماجىلىس مىنالاردى باسا دارىپتەدى: رايونىمىزدىڭ قىسقى، كوكتەمگى ساياحاتى باستالۋ الدىندا تۇر، جەر - جەر، تاراۋلار تانىمدى تەرەڭدەتىپ، يدەيانى بىرلىككە كەلتىرىپ، ورنىقتىلىقتىڭ پايداسىن ۇزدىكسىز تاراتۋداي تاپتىرماس ورايدى ويداعىداي يگەرىپ، ساياحات كاسىبىنىڭ وراسان زور كومەسكى كۇشىن تولىق جارىققا شىعارىپ، قىسقى، كوكتەمگى ساياحاتتى شىنايى تۇردە ءتىپتى دە كورنەكتى ورىنعا قويىپ، شينجياڭ ساياحاتىنىڭ ”ءتورت ماۋسىم جىرىن“ اسقاقتاتا شىرقاپ، ىقپالىن شوعىرلاندىرىپ، ىرىس - قۇتىن اسىرىپ، كولەمىن ۇلعايتىپ، تىزبەگىن ۇزارتىپ، قىسقى، كوكتەمگى ساياحات بازارىنىڭ كولەمىن امالدىڭ بارىنشا ۇلعايتىپ، قىسقى، كوكتەمگى ساياحات ماركاسىن جەتىلدىرىپ، ”ساياحاتتىڭ سايابىر كەزىندە ساياحاتشى ازايماۋىن، قاۋىرت كەزىندە ءتىپتى دە قىزا ءتۇسۋىن“ جۇزەگە اسىرۋ كەرەك.

    ءماجىلىس مىنالاردى تالاپ ەتتى: بايلىق باسىمدىعىنان ويداعىداي پايدالانىپ، ونىمدەرمەن قامداۋدى كەڭەيتىپ، ساياحات بازارىن جانداندىرىپ، ۇگىتتەۋدى، ءوندىرۋ - ساتۋدى كۇشەيتىپ، قىزمەت وتەۋ ساپاسىن جوعارىلاتىپ، بازاردى باقىلاۋ - باسقارۋدى قاتايتىپ، قىسقى، كوكتەمگى ساياحات قىزمەتىنىڭ جوعارى ساپالى دامۋىن جاپپاي ىلگەرىلەتۋ كەرەك. قىسقى، كوكتەمگى ساياحاتتىڭ ۇيىمداستىرۋ، جوبالاۋ، حاۋىپسىزدىك، دارىندى، ستيل سياقتى جاقتارداعى قامتاماسىزداندىرۋ قىزمەتىن كۇش سالا ويداعىداي ىستەپ، ساياحات كاسىبىنىڭ تەبىندى دامۋ ارىنىن جاقسى ساقتاۋ كەرەك. كەلەر جىلعى قىزمەتتى الدىن الا جوسپارلاپ، ساياحات نىساندارى قۇرىلىسىنا ءمان بەرىپ، ساياحات ارقىلى شينجياڭعا كومەكتەسۋ قىزمەتىن ويداعىداي جوسپارلاپ، كەلەلى تاقىرىپتاردى زەرتتەۋدى ورىستەتىپ، ءتۇيىندى يگەرىپ، قيىن تۇيىندەرگە نازار اۋدارىپ، ولقىلىقتاردى تولىقتاپ، رايونىمىزدىڭ قىسقى، كوكتەمگى ساياحاتى دامۋىنىڭ جاڭا جاعدايىن ۇزدىكسىز اشۋ كەرەك.

    ماجىلىستە اۆتونوميالى رايوننىڭ 2019 − 2020 - جىلعى قىسقى، كوكتەمگى ساياحات قىزمەتىنىڭ اتقارۋ جوباسى حابارلاندىرىلىپ، اۆتونوميالى رايوننىڭ قىسقى، كوكتەمگى 10 ايگىلى ساياحات جەلىسىندە، ايماقتاردا (وبلىس، قالا) ماڭىزدى ساياحات مەرەكەسىن قۇتتىقتاۋ قيمىلىن وتكىزۋ جانە بەلگىلەنگەن ءتيىمدى سيلاۋ ساياساتى جاريالاندى. اۆتونوميالى رايوندىق ساياحات قوعامىنىڭ ۋاكىلدەرى سەنىمدى تيجارات جۇرگىزۋ، بازار ءتارتىبىن قورعاۋ جونىندە باستاما ورتاعا قويدى.

جاۋاپتى رەداكتور: جازيرا بولاتباي قىزى