ءۇرىمجى قىس ماۋسىمىنداعى جىلۋمەن قامداۋدى ويداعىداي ىستەپ، بۇقاراعا جىلۋلىق سيلاپ، كوڭىلىن جادىراتتى

  • كەلۋ قاينارى: شينجياڭ گازەتى تورابى
  • 02:56:39 17/11/2019

    − نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

     ءتىلشىمىز گاۋۋا

    ”ءۇيدىڭ ءىشى بىلتىرعىدان كوپ جىلى، ءبىز قىستان جايلى شىعاتىن بولدىق“، - دەدى 11 - ايدىڭ 11 - كۇنى ءۇرىمجى قالاسى سايباق رايونى چيڭفىڭ جولى اۋماعى گۋاڭميڭ الەۋمەتتىك اۋماعىنىڭ تۇرعىنى باكىر كەرىم.

    2 - توپتاعى نەگىزگى تاقىرىپتىق تاربيە ورىستەتىلگەننەن بەرى، ءۇرىمجى قالالىق جىلۋمەن قامداۋ سالاسىن باسقارۋ كەڭسەسى حالىق تۇرمىسىندا اسىعاتىن، ۋايىمدايتىن، كوكسەيتىن ماسەلەلەردى شەشۋدى كورنەكتى ورىنعا قويۋعا تاباندى بولىپ، قىس ماۋسىمىندا بۇقارا كوڭىل ءبولىپ وتىرعان، نازار اۋدارىپ وتىرعان جىلۋمەن قامداۋ ماسەلەسىن الدىن الا جوسپارلاپ، الدىن الا كىرىسىپ شەشىپ، بۇقاراعا نەگىزگى تاقىرىپتىق تاربيەسى الا كەلگەن باقىت سەزىمىن سەزىندىردى. جىلۋمەن قامداۋ مەزگىلى كەلۋدىڭ الدىندا، ءۇرىمجى قالالىق جىلۋمەن قامداۋ سالاسىن باسقارۋ كەڭسەسىندەگىلەر جىلۋمەن قامداۋ كاسىپورىندارىنا، جىلۋ ەلەكترى زاۆودتارىنا، ءبىر ءبولىم تۇرعىنداردىڭ ۇيىنە بارىپ، سول جەردىڭ وزىندە تەكسەرۋ - زەرتتەۋ جۇرگىزۋ، سول جەردىڭ وزىندە ۇسىنىس الۋ، اۋىس - كۇيىس جاساۋ، اڭگىمەلەسۋ سياقتى فورمالار ارقىلى جىلۋمەن قامداۋ ماسەلەسىن مۇقيات سارالاپ شەشىپ، بۇقارانىڭ اڭىسى كۇشتى بولعان 50 ءتۇرلى جىلۋمەن قامداۋ ماسەلەسىن تىزىمگە الىپ، بايقالا سالىسىمەن تۇزەتىپ، جىلۋمەن قامداۋعا قىزمەت وتەۋ دەڭگەيىن جاپپاي جوعارىلاتتى.

    كونە شاعىن اۋماقتاردىڭ جىلۋمەن قامداۋ ساپاسىنىڭ جاقسى بولماۋ ماسەلەسىنە مەڭزەس، ءۇرىمجى قالالىق جىلۋمەن قامداۋ سالاسىن باسقارۋ كەڭسەسى 35 كيلومەترلىك كونەرگەن جىلۋمەن قامداۋ اۋلا قۇبىر جولىن وزگەرتۋدى ۇيىمداستىرىپ اتقارىپ، 59 تۇرعىندار اۋماعىنداعى 20 مىڭنان استام تۇرعىنعا تيىمدىلىك جەتكىزدى. سونىمەن بىرگە، كونە شاعىن اۋماقتارداعى 150 مىڭ شارشى مەترلىك بولمە ءىشى جىلۋ جۇيەسىن وزگەرتىپ، وزگەرتىپ جاساعان اۋماقتاعى پايدالانۋشىلاردىڭ جىلىنۋ ساپاسى مەن جىلۋمەن قامداۋ حاۋىپسىزدىگىن قامتاماسىز ەتۋ قۋاتىن جالپى بەتتىك جوعارىلاتتى.

    ءۇرىمجى قالالىق جىلۋمەن قامداۋ سالاسىن باسقارۋ كەڭسەسىنىڭ جىلۋمەن قامداۋدى باقىلاۋ تۇعىرىندا كورسەتىلگەن پايدالانۋشىلاردىڭ ناقتى ۋاقىتىندا شاعىم ايتۋ جاعدايىنان قاراعاندا، 10 - ايدىڭ 10 - كۇنى جىلۋمەن قامداعاننان بەرى، شاعىم ايتۋ مولشەرى بىلتىرعى سايكەس مەزگىلدەگىدەن %15 تومەندەگەن.

    ”نەشە كۇننىڭ الدىندا ءبىزدىڭ ءۇيدىڭ پارى ىسىماي قالدى، تەلەفون سوعىپ كوپ وتپەي - اق جىلۋمەن قامداۋ كاسىپورنى ادام جىبەرىپ تەكسەرىپ - جوندەدى، جارتى ساعاتقا جەتپەي ءۇيىمىز جىلىپ شىعا كەلدى“، - دەدى 11 - ايدىڭ 11 - كۇنى ءۇرىمجى قالاسى سايباق رايونى چاڭجياڭ جولى اۋماعى جيڭىر جولى الەۋمەتتىك اۋماعىنىڭ تۇرعىنى لي نيڭ.

    نەگىزگى تاقىرىپتىق تاربيە بارىسىندا، ءۇرىمجى جىلۋ كۇشى (توبى) شەكتى سەرىكتەستىگى جۇرت تىلەگىن تىڭداپ، ناقتى جاعدايدى ۇعىسىپ، يگى ءادىس - امالداردى قولدانىپ، قيىن ماسەلەلەردى شەشتى. جىلۋمەن قامداۋ مەزگىلىنىڭ الدىندا، بۇل سەرىكتەستىك جىلۋمەن قامداۋعا قاتىستى تۇيتكىلدى، قيىن، قىزۋ ءتۇيىندى ماسەلەلەرگە قاتىستى ءبىر تۇتاس جۇيەلى جاۋاپ ولشەمىن بەلگىلەپ، قاراجات جيناۋشى قىزمەتكەرلەرگە، جوندەۋ جۇمىسشىلارىنا، قىزمەت وتەۋشى قىزمەتكەرلەرگە كۋرس اشىپ، حالىققا قولايلى حابارلاسۋ كارتچكاسىن تاراتىپ، قىزمەت وتەۋ تەلەفونىنان 8ىن اشىپ، بۇقارانىڭ تالابىنا بەلسەندى، ىرىقتى جاۋاپ قايتارىپ، ۇيلەسىمدى شەشتى.

جاۋاپتى رەداكتور: جازيرا بولاتباي قىزى