شينجياڭنان 100گە جۋىق ەرەكشە اۋىل شارۋاشىلىق ونىمدەرى اۋىل شارۋاشىلىق ونىمدەرى ساۋدا جارمەنكەسىنە قاتىناستىرىلدى

  • كەلۋ قاينارى: شينجياڭ گازەتى تورابى
  • 10:55:30 17/11/2019

    ءتىلشىمىز ليۋ ي 11 - ايدىڭ 15 - كۇنى نانچاڭنان حابارلايدى. 11 - ايدىڭ 15 - كۇنى 17 - كەزەكتى جۇڭگو حالىقارالىق اۋىل شارۋاشىلىق ونىمدەرى ساۋدا جارمەنكەسى جياڭشيدىڭ نانچاڭىندا اشىلدى، رايونىمىزدان 52 كاسىپورىن 100گە جۋىق ەرەكشە اۋىل شارۋاشىلىق ونىمدەرىن الىپ ساۋدا جارمەنكەسىنە قاتىناستى.

    وسى كەزەكتى اۋىل شارۋاشىلىق ونىمدەرى ساۋدا جارمەنكەسى ”70 جىلدىق مەرەي تويعا ماداق، اۋىل شارۋاشىلىعى ايگىلى ماركاسىن كۇشەيتۋ، اۋىل - قىستاقتاردىڭ كوركەيۋىنە دەم بەرۋ“ نەگىزگى تاقىرىبىندا جاڭا جۇڭگو قۇرىلعان 70 جىلدان بەرى ەلىمىزدىڭ اۋىل شارۋاشىلىعىن، اۋىل - قىستاقتى دامىتۋدا قول جەتكىزگەن شۇعىلالى تابىستارىن جان - جاقتى ايگىلەدى.

    شينجياڭ كورمە ۇيىرمەسى جالپىلىق تابىس كورمە رايونى، قونىستانۋ ورتاسى كورمە رايونى، جاعراپيالىق بەلگى ونىمدەرى كورمە رايونى، اۋىل شارۋاشىلىق تىڭ يگەرۋ كورمە رايونى سياقتى 6 ارناۋلى كورمە رايونىنا قاتىناسىپ، شينجياڭنىڭ ساپالى، ەرەكشە ءبىرسىپىرا اۋىل شارۋاشىلىق ونىمدەرىن ۇگىتتەۋدەن سىرت، سوڭعى جىلداردان بەرى اۋىل - قىستاقتى گۇلدەندىرۋ ستراتەگياسىنىڭ اتقارىلۋىن جەبەۋ، اۋىل شارۋاشىلىق ونىمدىلىگىن، شارۋالار كىرىسىن ارتتىرۋدى جۇزەگە اسىرۋ بارىسىندا قول جەتكىزگەن تابىستارىن ءتۇيىندى تۇردە كورسەتىپ، تۇتاس رايونىمىزدىڭ اۋىل شارۋاشىلىعىنىڭ، اۋىل - قىستاقتارىنىڭ دامۋ جاڭا بەينەسىن ايگىلەدى.

    كورمە اشىلعان كۇنى جالپىلىق تابىس كورمە رايونىندا شينجياڭ كورمە ۇيىرمەسى شينجياڭنىڭ ماقتا كاسىبى سالاسىنىڭ شاعىننان كولەمدەنۋگە، السىزدەن نىعايۋعا قاراي ويىسقان تاريحي وزگەرىستەرى تۇسىرىلگەن سۋرەتتەردى قويدى. جاعراپيالىق بەلگى ونىمدەرى كورمە رايونىندا، كورمەگە قاتىناسقان ساۋداگەرلەر شينجياڭنىڭ شىلان، بال سياقتى ەرەكشە اۋىل شارۋاشىلىق ونىمدەرىنەن اۋىز تيە ءجۇرىپ، شينجياڭنىڭ اۋىل شارۋاشىلىق ونىمدەرىنىڭ ءدامدى، ساپالى ەكەندىگىن القادى. تانىستىرۋعا قاراعاندا، وسى جولى شينجياڭ كورمە ۇيىرمەسى جاعراپيالىق كورمە ونىمدەرى رايونىنا 30 نەشە ءتۇرلى ەرەكشە اۋىل شارۋاشىلىق ونىمدەرىن قويىپ تانىستىرعان، بۇل ونىمدەر تۇگەلدەي زالالسىز، جاسىل، ورگانيكالى، سونداي - اق جاعراپيالىق بەلگىسى ىسپاتتالعان ”3 ءونىم، ءبىر بەلگىسى“ بار ونىمدەر، شينجياڭنىڭ ەرەكشە اۋىل شارۋاشىلىق ونىمدەرىنىڭ ساپاسىنا ۋاكىلدىك ەتەتىن ناعىز ساپالى ونىمدەر. قۇتىبي اسىل تۇقىمدى سيىر فەرماسى، اقسۋ حۇڭچيپو ەگىس الاڭى سياقتى مەملەكەت مەنشىگىندەگى 6 ەگىن، مال شارۋاشىلىق الاڭى الا كەلگەن ايران، بيڭتاڭشين الما سياقتى ەرەكشە اۋىل شارۋاشىلىق ونىمدەرى اۋىل شارۋاشىلىق تىڭ يگەرۋ كورمە رايونىندا تانىستىرىلىپ، مەملەكەت مەنشىگىندەگى ەگىن، مال شارۋاشىلىق الاڭدارىنىڭ رەفورمادان كەيىنگى شىت جاڭا بەينەسى ايگىلەنگەن.

    ۇعىسۋعا قاراعاندا، كورمە كەزىندە جۇڭگو اۋىل شارۋاشىلىق ايگىلى ماركا قۇرىلىسى جوعارى جىكتەگىلەر تالقى مىنبەرى، مەملەكەتتىك اۋىل شارۋاشىلىق ايگىلى ماركاسىن ارناۋلى تانىستىرۋ جينالىسى سياقتى ارناۋلى قيمىلدار وتكىزىلىپ، پيامان انارى، شەريا شىلانى سياقتى شينجياڭنىڭ ەرەكشە اۋىل شارۋاشىلىق ونىمدەرى ارناۋلى تانىستىرىلادى ەكەن.

جاۋاپتى رەداكتور: جازيرا بولاتباي قىزى