رازيلا قىستاقتاعى ەڭ قاربالاس ادامعا اينالدى

  • كەلۋ قاينارى: شينجياڭ گازەتى تورابى
  • 10:58:40 17/11/2019

    تىلشىلەرىمىز جىڭ جو، سۇي يۇنيان

    ”رازيلا، ماعان كومەكتەسىپ جىبەرشى، كەستەنى بۇلاي تولتىرعانىم دۇرىس پا؟“، ”رازيلا، كوزىم جاقسى كورمەيدى، سەن ماعان كومەكتەسىپ مىنا حۇجاتتى وقىپ بەرسەڭ قايتەدى؟“، ”رازيلا، بۇگىن ۋاقىت شىعارىپ ءبىزدى بيگە جاتتىقتىراسىڭ عوي!“ شەريا اۋدانى شەريا قالاشىعى سايوستەڭ قىستاعىندا 25 جاستاعى رازيلا ەڭ قاربالاس ادام، مەيلى قىستاق تۇرعىندار كوميتەتى ورنالاستىرعان قىزمەت بولسىن، الدە ادەبيەت - كوركەمونەر قيمىل اترەتىنىڭ جاتتىعۋى بولسىن، بارىندە رازيلا كەم بولسا بولمايدى.

    قاربالاستىق ريتىمىنەن وسى جاس بويجەتكەننىڭ كوڭىلى توق جۇرەدى. تىلشىمەن سويلەسۋ بارىسىندا رازيلا تولقي وتىرىپ، بۇل ءوزىنىڭ قالايتىن تۇرمىسى ەكەندىگىن، بۇرىنعى تۇيىق مىنەزى، كۇيگەلەكتىگى، ءوز - ءوزىن تۇمشالاپ العان تۇرمىسى كەلمەسكە كەتكەنىن ايتتى.

    ■ ىقىلاستى، اشىق - جارقىندىعىنان قاباعات قارسى الۋعا بولەندى

    قىستاق تۇرعىنى ءماتتۇرسىن ياسىن ەككەن ءبيدايىنان مول ءونىم الدى، 8 - ايدىڭ 30 - كۇنى ول قىستاق تۇرعىندار كوميتەتىنە بارىپ اۋىل شارۋاشىلىق داقىلدارى قوسىمشا قاراجاتىن الۋعا قاتىستى كەستە تولتىردى، رازيلا وسى قىزمەتكە جاۋاپتى بولاتىن. جىل باسىندا قىستاق تۇرعىندار كوميتەتىنىڭ اۋىل شارۋاشىلىعىن باسقارۋ قىزمەتىن وتكىزىپ العاننان كەيىن، رازيلا بار ىنتا - پەيىلىمەن، بار كۇش - قۋاتىمەن قىزمەت ىستەدى، قىستاق تۇرعىندارىن قانداي راسمياتپەن قامداۋ قاجەت، مازمۇندارىن قالاي تولتىرۋ كەرەك، قانداي كەستەنى پايدالانادى دەگەندەردىڭ بارلىعى ونىڭ كوكەيىندە سايراپ تۇر.

    كوپتەگەن جاس بويجەتكەندەر سياقتى، رازيلا دا ءان مەن بيگە ءجۇرىپ تۇر، سۇڭعاق دەنەلى ول ءبي بيلەگەندە تال شىبىقتاي بۇرالىپ كورىكتەنىپ كەتەدى. سونىمەن قىزمەتتەن سىرتقى ۋاقىتتا، رازيلاعا تاعى ءبىر ”جۇمىس“ تابىلدى، ول بولسا قىستاقتاعى ادەبيەت - كوركەمونەر قيمىل اترەتىندەگىلەرگە ءبي دايىنداۋ، كونسەرت قويعان كەزدە تاعى جۇرگىزۋشى بولۋ.

    ”رازيلا ءبيدى كەرەمەت بيلەيدى، تەك ول دايىنداعان ءنومىر بولسا بولعانى، بۇكىل الاڭداعىلار دۋمانعا بولەنەدى“. قىزمەتتەسى ارزۇگۇل ءومار رازيلانىڭ ولارعا ءبيدى قولما - قول ۇيرەتەتىندىگىن ايتتى. ”باستارىڭدى تىك ۇستاپ، يىقتارىڭدى بوساتىپ، الدىعا تۋرا قاراڭدار، اياقتارىڭدى بارابان ىرعاعىمەن تەڭ الىپ جۇرىڭدەر“. رازيلا ءوزى ۇلگى كورسەتىپ، قولدارىن سەرمەپ، اياق الىسىنىڭ بارىنەن وزىنە سەنىمدىلىگىن بايقاتادى.قۇلشىنا قىزمەت ىستەپ، ادامدارعا سابىرلى ىقىلاس تانىتقاندىقتان، رازيلا قىستاقتاعىلاردىڭ توتەنشە قارسى الۋىنا بولەندى. ”مەن قازىرگى قىزمەتىمدى سۇيەمىن، اۋىلداستارىما كومەكتەسۋمەن بىرگە، مەن بىلىمگە جانە دوستىق سۇيىسپەنشىلىككە يە بولدىم“. رازيلا قىستاق تۇرعىندار كوميتەتىندە قىزمەت ىستەپ، اۋىل شارۋاشىلىعىنا ساياتىن ءتيىمدى ساياساتتاردى اناعۇرلىم تۇسىنگەندىگىن ايتتى، رازيلا وسى ءتيىمدى ساياساتتاردىڭ اۋىل - قىستاقتارعا الا كەلگەن وزگەرىستەرىنە كۋا بولدى. ”جولدار جاقسىلاندى، ۇيلەر كەڭەيدى، كوپشىلىكتىڭ قالتاسى قامپيدى“، - دەيدى رازيلا.

جاۋاپتى رەداكتور: جازيرا بولاتباي قىزى