جەمسارى اۋدانى جەمسارى قالاشىعى: ”پارتيا قۇرىلىسى +“ الەۋمەتتىك اۋماقتىڭ قىزمەت وتەۋ دەڭگەيىن وسىرۋگە جەتەكشىلىك ەتتى

  • كەلۋ قاينارى: شينجياڭ گازەتى تورابى
  • 09:00:59 18/11/2019

  

    ءتىلشىمىز لياڭ ليحۋا، ەرىكتى ءتىلشى ءحاسىلات 11 - ايدىڭ 16 - كۇنى جەمسارىدان حابارلايدى. جولدارى تازا دا رەتتى، سىرتقى داۋلدارى جاڭادان اقتالعان، تۇرعىندار شاعىن اۋماعى جىم - جىرت، جانعا جايلى. 11 - ايدىڭ 3 - كۇنى تۇستەن بۇرىن، جەمسارى اۋدانى جەمسارى قالاشىعىنىڭ ۋيحۋشياڭ الەۋمەتتىك اۋماعىنا بارعانىمىزدا، مەملەكەت قىزمەتكەرلەرىنە ارنالىپ سالىنعان 2 - مەرزىمدىك تۇرعىندار شاعىن اۋماعىنىڭ شىت جاڭا بەينەسى كوزىمىزگە وتتاي باسىلدى.

    ”ءبىر ايدىڭ الدىندا بۇل ارانىڭ لاس، بىلىققان، ناشار ەكەندىگىن ويلاپ كورمەگەن بولارسىز. جەمسارى قالاشىق پارتكومى’پارتيا قۇرىلىسى+‘ الەۋمەتتىك اۋماقتى جونگە سالۋ ۇلگىسىن جولعا قويعاننان بەرى، تۇرعىندار شاعىن اۋماعى شىت جاڭا بەينەگە ەندى“. بۇل تۇرعىن دۇڭ يۇيچيننىڭ تۇرعىندار شاعىن اۋماعىنىڭ وزگەرىسىنەن سەزگەنى ەدى.

    مەملەكەت قىزمەتكەرلەرىنە ارنالىپ سالىنعان 2 - مەرزىمدىك تۇرعىندار شاعىن اۋماعى 2012 - جىلى سالىنىپ بىتكەننەن بەرى، قوجالىق سەرىكتەستىكتىڭ باسقارۋى، قىزمەت وتەۋى تياناقتانباعاندىعى سەبەپتى، تۇرعىندار شاعىن اۋماعىنىڭ ورتا تازالىعى ايتارلىقتاي بولمادى، كوگال اۋىر دارەجەدە ءبۇلىندى، جەكە اۆتوكولىكتەر بەتالدى توقتاتىلىپ، تۇرعىندار قاباعات نارازىلىق ءبىلدىردى.

    ”قوجالىق باسقارۋ جونىنەن قىزمەت وتەۋدىڭ تياناقتانباعاندىعى سەبەپتى، تۇرعىندار قوجالىق اقى تاپسىرۋدى قالامادى، قوجالىق اقىنى جيا الماعان قوجالىق سەرىكتەستىگى قىزمەت وتەۋ ساپاسىن جوعارىلاتۋدى تىپتەن قالامادى، سونىمەن ءتيىمسىز اينالىس قالىپتاستى“، - دەدى ۋيحۋشياڭ الەۋمەتتىك اۋماعى پارتيا باس ياچەيكاسىنىڭ شۋجيى جاڭ فىڭليڭ.

    ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن وراي ەتىپ، بيىل 9 - ايدان بەرى جەمسارى قالاشىق پارتكومى نازاردى بۇقارانىڭ كوڭىلى تولماعان ىستەرگە شوعىرلاندىرىپ، ”جەمسارى قالاشىق پارتكومى + الەۋمەتتىك اۋماق پارتيا باس ياچەيكاسى + تور كوزدەندىرىلگەن پارتيا ياچەيكاسى + ءۇي يەلەرى القاسى“ 4 دارەجەلى باسقارىلاتىن ”پارتيا قۇرىلىسى+“ الەۋمەتتىك اۋماقتى جونگە سالۋ ۇلگىسىن ورناتتى. سونىمەن بىرگە، بىرىككەن ءماجىلىس، سايكەستىرۋ - كەڭەسۋ القاسى، قىزىل كەڭەس زالى كەڭەسى، جۇمىس باسىندا بىرلەسىپ جۇمىس ءبىتىرۋ جانە كەلەلى ىستەردى اقىلداسۋ سياقتى تۇزىمدەردى ورناتىپ، ”ءار كۇنگى ىستەردى ايتۋ“، ”كۇندىك باعالاۋ“، ”اپتالىق كەزەكتى ءماجىلىس“، ”جۇمىس باسىندا جۇمىس ءبىتىرۋ“ سياقتى تاسىلدەر ارقىلى قوجالىق باسقارۋعا ساياتىن ءتۇرلى ناقتى ماسەلەلەردى دەر كەزىندە بايلانىس جاساپ، سايكەستىرىپ، ءبىر جاقتى ەتتى.

    مەملەكەت قىزمەتكەرلەرىنە ارنالىپ سالىنعان 2 - مەرزىمدىك تۇرعىندار شاعىن اۋماعىنداعى جياحى قوجالىق قىزمەت وتەۋ شەكتى سەرىكتەستىگى ”پارتيا قۇرىلىسى +“ الەۋمەتتىك اۋماقتى جونگە سالۋ ۇلگىسىن بەلسەنە توعىستىرىپ، تۇرعىندار شاعىن اۋماعىنىڭ بۇرىننان قالعان ماسەلەلەرىن سالالاۋ، جونگە سالۋ جوباسىن بەلگىلەۋ ارقىلى تۇرعىندار شاعىن اۋماعىنىڭ ورتا تازالىعىن جونگە سالىپ، جولدى قايتادان اسفالتتاندىرىپ، جەكەلەر الباتى سالىپ العان قۇرىلىستاردى شاعىپ، تۇرعىندار شاعىن اۋماعىنىڭ قورشاعان ورتاسىن ايتارلىقتاي جاقسارتتى.

جاۋاپتى رەداكتور: گۇلدەن ماقسات قىزى