شينجياڭ داشىمىن سۋ يگىلىگى تورابى ينجەنەرياسىنىڭ توسپاسى ءبىتتى

  • كەلۋ قاينارى: شينجياڭ گازەتى تورابى
  • 10:27:21 19/11/2019

    

    شينحۋا اگەنتتىگىنىڭ 11 - ايدىڭ 17 - كۇنى ۇرىمجىدەن بەرگەن حابارى (تىلشىلەر لي جىحاۋ، جوۋ يە). تاياۋدا مەملەكەتتىڭ 172 ءتۇرلى ەلەۋلى سۋ يگىلىگى ينجەنەرياسىنىڭ ءبىرى بولعان شينجياڭ داشىمىن سۋ يگىلىگى تورابى ينجەنەرياسىنىڭ توسپاسى ءساتتى ءبىتتى، توسپانىڭ بيىكتىگى 2304 مەترگە جەتىپ، كەلەر جىلى ۇيلەسىمدى مەزگىل تاۋىپ تيەكتى بەكىتىپ سۋ ساقتاۋ ەلەۋلى ءتۇيىن نىساناسىن ورىنداۋعا مىعىم نەگىز قالادى.

    داشىمىن سۋ يگىلىگى تورابى ينجەنەرياسى − ءىرى (2) تيپتىⅡ دارەجەلى ينجەنەريا، بايىنعولين موڭعۇل اۆتونوميالى وبلىسى چەرچەن اۋدانى شەكاراسى ىشىندەگى چەرچەن وزەنىنە ورنالاسقان، توسپانىڭ ورنى چەرچەن وزەنىنىڭ توچيريساي وزەنىمەن تۇيىلىسكەن تومەنگى اعارىنداعى 300 مەتر ارالىقتا، توسپا تاپتاۋ تاسىلىمەن ىشىنە اسفالتتى بەتون قۇيىلعان تام توسپا بولىپ، قازىر ەلىمىزدە سالىنعان ۇقساس تۇردەگى ەڭ بيىك توسپاعا جاتادى.

    ينجەنەرياعا جالپى ءبىر ميلليارد 900 ميلليون يۋان قارجى قوسىلعان، جالپى ينجەنەريا مەرزىمى 48 اي، نەگىزگى ۇستىنە الىپ سالۋشى جۇڭگو سۋ ەلەكتر قۇرىلىس توبى 15 - ينجەنەريا مەكەمەسى شەكتى سەرىكتەستىگى، نەگىزگى مىندەتى تاسقىننان ساقتانۋ، ەلەكتر شىعارۋ، قوسىمشا سۋارۋعا ىستەتۋ. توسپانىڭ ەڭ جوعارى بيىكتىگى 128.8 مەتر، توسپا توبەسىنىڭ ۇزىندىعى 205 مەتر، توسپا توبەسىنىڭ كەڭدىگى 12 مەتر، سۋ قويماسىنىڭ جالپى قويما سيىمدىلىعى 127 ميلليون تەكشەمەتر، رەتتەۋگە بولاتىن قويما سيىمدىلىعى 99 ميلليون تەكشەمەتر. سۋ قويماسىنىڭ قالىپتى سۋ ساقتاۋ دەڭگەيى 2300 مەتر، توسپا توبەسىنەن تەڭىز دەڭگەيىنە دەيىنگى ارالىعى 2304.5 مەتر، ەلەكتر ستانسياسىنىڭ اگراگاتى 60 مەگاۆات.

    داشىمىن سۋ يگىلىگى تورابى ينجەنەرياسى سالىنىپ بولعاننان كەيىن، تومەنگى اعارداعى تاسقىننان ساقتانۋ ينجەنەرياسىمەن بىرلەسىپ، چەرچەن وزەنىنىڭ تاسقىننان ساقتانۋ ولشەمىن 3 جىلدا ءبىر كەزىگۋدەن 20 جىلدا ءبىر كەزىگۋگە جوعارىلاتادى. سونىمەن بىرگە، چەرچەن اۋداندىق ەلەكتر تورابىن تازا ەنەرگيامەن قامداپ، چەرچەن اۋدانىنىڭ حالىق تۇرمىسىنا ىستەتىلەتىن ەلەكتر شارت - جاعدايىن زور مولشەردە جاقسارتادى. چەرچەن وزەنىمەن سۋارىلاتىن اۋماقتىڭ سۋارۋمەن كەپىلدىك ەتۋ مولشەرى دە قامتاماسىزداندىرىلىپ، سۋارىلاتىن اۋماقتىڭ مەزگىلدىك سۋ جەتىسپەۋ ماسەلەسىنىڭ باسەڭدەۋىنەن ءۇمىت بار.

    داشىمىن سۋ يگىلىگى تورابى ينجەنەرياسى 2016 - جىلى 5 - ايدا قۇرىلىس باستاعان. 2018 - جىلى 1 - ايدان باستاپ توسپا نەگىزگى تۇلعاسى سالىنىپ، 2020 - جىلى 10 - ايدا تيەكتى بەكىتىپ سۋ ساقتاۋ نىساناسىن جۇزەگە اسىرۋ جوسپارلانعان.

جاۋاپتى رەداكتور: گۇلدەن ماقسات قىزى