دانەكەر مەن فورمادا جاڭالىق اشىپ، ۇلتتار ىنتىماعىنىڭ جاڭا جىرىن جازدى

  • كەلۋ قاينارى: شينجياڭ گازەتى تورابى
  • 10:33:03 19/11/2019

  

    − نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

 

    11 - ايدىڭ 13 - كۇنى تۇستەن بۇرىن باركول قازاق اۆتونوميالى اۋدانى شىرىنزى اۋىلى داچۋانۋان قىستاعى ايىنا ءبىر رەت جۇرىلەتىن ”كورشىلەر مەرەكەسى“ قيمىلىن وتكىزدى. «تۇرمىسىمىز اناعۇرلىم كورىكتى» دەگەن جەلدىرمە ۇلتتار ىنتىماعى قيمىلىندا شىققان جاڭا ادامداردى، جاڭا ىستەردى جىرلاپ، اۋىلداستاردىڭ قارسى الۋىنا يە بولدى.

    شىرىنزى اۋىلىنا حانزۋ، قازاق، حۇيزۋ، موڭعۇل قاتارلى كوپ ۇلت بۇقاراسى قونىستانعان. 2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، بۇل اۋىل نازاردى ”1+3+3“ حالىق ءۇشىن ناقتى ءىس ىستەۋگە شوعىرلاندىرىپ، ۇلتتار ىنتىماعىندا وزات ورىن قۇرۋ قيمىلىن تىڭعىلىقتى قانات جايدىرىپ، ۇلتتار ىنتىماعىنىڭ داڭقتى داستۇرىنە مۇراگەر بولۋدى جانە ونى ساۋلەلەندىرۋدى نەگىزگى تاقىرىپتىق تاربيەنىڭ ”نەگىزگى وقىلاتىن ساباعى“ ەتىپ، ءار ايدا ءبىر رەت وتكىزىلەتىن ”كورشىلەر مەرەكەسىن“ دانەكەر ەتىپ، كورشىلەر ارا جاراسىمدىلىقتى، ۇلتتار ىنتىماعىن جەبەدى.

    ءتىلشى ءار رەتكى ”كورشىلەر مەرەكەسى“ سايىن كوپشىلىكتىڭ تۇگەلدەي قاسىنداعى ۇلتتار ىنتىماعى حيكايالارىن بولىسەتىندىگىن ۇعىستى. 49 جاستاعى موڭعۇل ازامات يىنگۋاڭ شىرىنزى اۋىلى سانشىليگۋانزى قىستاعى مالشىلىق گرۋپپاسىنىڭ باستىعى، ول ”كورشىلەر مەرەكەسى“ندە ءوزىنىڭ حانزۋ كورشىسى گو يانشيۇڭمەن بىرگە دامىپ، بىرگە بايىعان حيكاياسىن اۋىلداستارىمەن ءبولىستى.

    ”بۇرىن نەگىزىنەن مال باعىپ كۇن كورەتىنمىن، كوپ ۋاقىتتا ۇيدە بولمايتىنمىن، لاۋگو مەنىڭ كورشىم، ول مەنىڭ ەگىن شارۋالارىما ىرىقتىلىقپەن كومەكتەسەدى، ونىڭ كومەگىندە مەن الاڭسىز مال باعاتىنمىن“. يىنگۋاڭ جانارىندا جاس مونشاقتارى مولدىرەپ، ءوزى مەن گو يانشيۇڭ وتباسى اراسىنداعى اڭگىمەلەردى اسەرلەنە ايتا باستادى، ”ءبىز ەكى وتباسى تۋىس بولعانىمىزعا 20 جىل بولدى، تۋعان اعا - باۋىرلاردان دا جاقىن بولىپ كەتتىك!“

    مۇنداي حيكايالارمەن ءبولىسۋ ادامنىڭ ءوزىن دە مەيىرگە بولەپ، باسقالاردى دا اسەرلەندىرەدى. بۇگىندەرى ”كورشىلەر مەرەكەسى“ سىندى وسى تۇعىر ارقىلى شىرىنزى اۋىلىنىڭ 1032 وتباسىنداعى ءار ۇلت بۇقاراسى ءوزارا جۇپ قۇرادى، ارالاسۋ، ىشتەسۋ، توعىسۋ بارىسىندا ءار ۇلت اراسىنداعى سۇيىسپەنشىلىك بارعان سايىن تەرەڭدەدى، بارعان سايىن قويۋلادى.

جاۋاپتى رەداكتور: گۇلدەن ماقسات قىزى