شينجياڭ شابىتتاندىرۋ مەحانيزمىن ورناتىپ، دارىندى ەنگىزۋ ارناسىن كەڭەيتتى

  • كەلۋ قاينارى: ىلە گازەتى
  • 03:14:58 20/11/2019

    شينحۋا اگەنتتىگىنىڭ 11 – ايدىڭ 14 – كۇنى ۇرىمجىدەن بەرگەن حابارى.(ءتىلشى اينۇر) ٴتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، شينجياڭ بىرنەشە كۇننىڭ الدىندا ارناۋلى ساياسات شىعارىپ، تاپشى دارىندىلاردىڭ جىلدىق ەڭبەكاقى ٴتۇزىمىن اتقارۋ، نوپوسقا قوندىرۋ شارت ـ جاعدايىن جاقسارتۋ سياقتى شابىتتاندىرۋ شارالارىن اتقارۋ ارقىلى شۇعىل قاجەتتى، تاپشى تەحنيكالىق دارىندىلار مەن كاسىپتىك تەحنيكالىق قىزمەتكەرلەردى، جوعارى دەڭگەيلى دارىندىلاردى ەنگىزۋ تەبىنىن ارتتىرىپ، شينجياڭدى قاۋىرت اشۋ، قاۋىرت كوركەيتۋ قىزمەتىنە دەم بەرۋدى جوسپارلاعان.

    اۆتونوميالى رايوننىڭ ەڭ جاڭا جاريالاعان «بازاردىڭ رولىن تولىق ساۋلەلەندىرىپ، دارىندىلاردىڭ ىركىلىسسىز، ٴتارتىپتى اۋىسۋىن جەبەۋ جونىندەگى اتقارۋ پىكىرىندەگى» بەلگىلەمەلەرگە ساي، الداعى جەردە شينجياڭداعى جوعارى مەكتەپتەردىڭ، عىلمي زەرتتەۋ ورىندارىنىڭ قىزمەت ونىمدىلىگى ەڭبەكاقى دەڭگەيىن وزدەرى بەلگىلەپ،

    كاسىپتىك تىرەكتىلەر، ەرەكشە دارىندىلار، شەشۋشى، ٴتۇيىندى قىزمەت ورىندارىنا ەرەكشە ەڭبەكاقى ٴتۇزىمىن ورناتىپ، جىلدىق ەڭبەكاقى ٴتۇزىمى، كەلىسىمدى ەڭبەكاقى، نىسان ەڭبەكاقىسى سياقتى يكەمدى، الۋان ٴتۇرلى ٴبولىس ادىستەرىن اتقارۋىنا دەم بەرىلەدى جانە وعان قولداۋ كورسەتىلەدى.

    سونىمەن بىرگە، جوعارى مەكتەپتەر، عىلمي زەرتتەۋ ورىندارى سياقتى دارىندىلار شوعىرلى ٴىسورىندار دا كاسىپتىڭ دامۋى مەن دارىندىلار قوسىنى قۇرىلىسىنىڭ قاجەتىنە قاراي جوعارى، ورتا، باستاۋىش دارەجەلى كاسىپتىك - تەحنيكالىق قىزمەت ورىندارىنىڭ قۇرىلىم سالىستىرماسىن وزدەرى بەلگىلەۋىنە بولادى. «پىكىردە» تاعى مىنالار بەلگىلەندى: اۆتونوميالى رايون دارەجەلى ٴىسورىندار جوعارى دارەجەلى كاسىپتىك تەحنيكالىق اتاعى، دوكتورلىق عىلمي اتاعى، سونداي – اق ايماق، وبلىس، قالالار شۇعىل قاجەتتى، تاپشى جوعارى دارەجەلى دارىندىلاردى ەنگىزسە، قىزمەت ورنىنىڭ جالپى مولشەرى، ٴتۇر، دارەجە جانە قۇرىلىم سالىستىرماسى شەكتەمەسىنە ۇشىراماي، قۇرىلىم شتاتىنا ناقتى اتى – جونىمەن تىكەلەي ەنگىزۋ ءتۇزىمى بويىنشا باسقارىلادى.

    دارىندىلاردى باۋراۋ ٴۇشىن، شينجياڭ سىرتتان ەنگىزىلەتىن دارىندىلاردىڭ بايلانىس رەسمياتىن وتەۋ، جۇبايلارىنىڭ جۇمىستانۋى، پەرزەنتتەرىنىڭ وقۋعا ٴتۇسۋى، قوعامدىق قامسىزداندىرۋ قاتىناسىنىڭ جالعاسۋى، باسقا جەردە ەمدەلۋى جانە شارۋاشىلىق قۇرۋدى سۇيەمەلدەۋ سياقتى جاقتاردى جان ـ جاقتى قامتاماسىز ەتەدى. بۇدان سىرت، شينجياڭ جوعارى، ورتا تەحنيكۋم مەكتەپتەرىنەن وقۋ بىتىرگەن وقۋشىلار مەن ٴتۇرلى دارىندىلاردى ەنگىزۋ، شەتەلگە شىعىپ وقىپ ەلگە ورالعانداردى ناپوسقا قوندىرۋ شەكتەمەسىن جاپپاي ەركىنە قويا بەرىپ، ناپوسقا قوندىرۋ كۋالىگىن ىقشامداپ، رەسمياتتارىن وڭايلاستىرادى ٴارى تۇرعىن ۇيمەن قامتاماسىزداندىرۋ تەبىنىن ارتتىرىپ، الەۋمەتتىك مايعا بەرىلەتىن تۇرعىن ٴۇي، ءۇي مايلاۋ قوسىمشا قاراجاتىن تاراتۋ سياقتى تاسىلدەر ارقىلى دارىندىلاردى تۇرعىن ۇيمەن قامدايدى.

جاۋاپتى رەداكتور: جازيرا بولاتباي قىزى