شينجياڭ تىكە ساتۋ كاسىپورىندارىنىڭ ماۋسىمدىق مالىمەت بەرۋ ءتۇزىمىن اتقاردى

  • كەلۋ قاينارى: ىلە گازەتى
  • 05:44:22 21/11/2019

 

    ءۇرىمجى كەشى گازەتىنىڭ حابارى. (ءتىلشى ۋاڭ شۋان). كەزەكتە، شينجياڭنىڭ بازار باقىلاۋ – باسقارۋ تاراۋلارى باسقا ولكەلەردەگى تىكە ساتۋ كاسىپورىندارى شينجياڭدا قۇرعان بولىمشە قۇرىلىمدارعا قاراتا ماۋسىمدىق مالىمەت بەرۋدى باسقارۋ ءتۇزىمىن اتقارعان. ءاربىر كاسىپورىن ماۋسىم سايىن بەلگىلەنگەن ۋاقىتتا كاسىپورىننىڭ قاتىستى ينفٶرماتسيالارىن مالىمدەپ تۇرۋى كەرەك.

    11 – ايدىڭ 8 – كۇنى ءتىلشىنىڭ اۆتونوميالى رايوندىق بازار باقىلاۋ – باسقارۋ مەكەمەسىنىڭ دەنساۋلىق قورعاۋ ازىق – تۇلىگى الدامكوستىگىنە جانە جالعان ۇگىتكە قاتاڭ سوققى بەرۋ جونىندەگى ماجىلىسىنەن ۇعىسۋىنشا، تىكە ساتۋ كاسىپورىندارىنىڭ ماۋسىمدىق مالىمەت بەرۋ ءتۇزىمى - ءبىر كاسىپورىنعا ءبىر ارحيۆ تۇرعىزىپ، ماۋسىم سايىن بازار باقىلاۋ - باسقارۋ تاراۋلارىنا كاسىپورىننىڭ قاتىستى ينفورماتسيالارىن مالىمدەپ تۇرۋىن، «تىكەلەي ساتۋدى باسقارۋ ەرجەسى»، «وتكەرمەلەپ ساتۋعا تيىم سالۋ ەرەجەسى»، «تىكە ساتۋ كاسىپورىندارىنىڭ قوعامدىق جاۋاپكەرلىگىن اتقارۋىنا ءجون سىلتەۋ» سياقتى قاتىستى زاڭ – ەرەجەلەردەگى بەلگىلەمەلەر بويىنشا، جولداناتىن ينفٶرماتسيا مىناداي بەس جاقتى قامتيدى: جەكە – جەكە قىزمەت وتەۋ توراپتارىنىڭ، ساتۋشىلاردىڭ، كاسىپپەن شۇعىلدانۋشىلاردىڭ احۋالى، تاربيەلەنۋ احۋالى جانە قاتىناسقان ادام سانى، زاڭعا، تارتىپكە قايشىلىق جاساۋ، شاعىم ايتۋ، اشكەرەلەۋ احۋالى، سىرتقى ۇگىت (الەۋمەتتىك يگىلىك) جاعدايى، پارتيا قۇرىلىسى قىزمەت احۋالى. بازاردى باقىلاۋ – باسقارۋ تاراۋلارىنىڭ تىكە ساتۋ كاسىپورىندارىن جان – جاقتى باقىلاۋ - باسقارۋى جۇزەگە اسىرىلادى.

    قازىر شينجياڭ بويىنشا تىكە ساتۋ كاسىپورىندارىنىڭ بولىمشە قۇرىلىمدارى 24 كە جەتىپ، ساۋدا مينيسترلىگىنە تىزىمگە الدىرىلعان تىكە ساتۋشىلاردىڭ سانى 136 بولدى.

    اۆتونوميالى رايوندىق بازاردى باقىلاۋ – باسقارۋ مەكەمەسىنىڭ مونوپوليالاۋعا جانە ءجونسىز باسەكەگە قارسى تۇرۋ باسقارماسىنىڭ (تىكە ساتۋدى ولشەمدەندىرۋ جانە جالعامالاپ ساتۋعا سوققى بەرۋ كەڭسەسى) قىزمەتكەرى چي شياۋجۇننىڭ تانىستىرۋىنشا، ماۋسىمدىق مالىمەت بەرۋ ءتۇزىمىن اتقارۋ _ كاسىپورىننىڭ ناقتى جاعدايىن، وزگەرۋ جاعدايىن جانە تاربيەلەۋ، ءماجىلىس اشۋ سياقتى جاعدايلارىن دەر كەزىندە يگەرۋ ءۇشىن بولىپ تابىلادى، باقىلاۋ – باسقارۋدى كۇشەيتۋگە قولايلى، تىكە ساتۋ كاسىپورىندارىنىڭ زاڭدى تيجارات جۇرگىزۋىنە جەتەكتەۋ بولماق. كەزەكتە اۆتونوميالى رايوندىق بازاردى باقىلاۋ - باسقارۋ مەكەمەسى ۇزاق ءونىمدى باسقارۋ مەحانيزمىن ورناتىپ، «دەنساۋلىق ساقتاۋ» بازارىن جونگە سالادى؛ ساناق تيجاراتىنداعى «دەنساۋلىق ساقتاۋ» تيجاراتىمەن شۇعىلداناتىن بازار سۋبيەكتىن ساناققا الىپ، تىكە ساتۋ كاسىپورىندارىنىڭ بولىمشە قۇرىلىمدارى مەن قىزمەت وتەۋ توراپتارىنىڭ ينفورماتسياسىن تەكسەرۋ قىزمەتى ىشكەرىلەي ورىستەتىلەدى؛ الەۋمەتتىك اۋماقپەن بىرلەسە وتىرىپ تۇتىنۋشىلارعا ۇگىت تەبىنىن كۇشەيتىپ، ازاماتتاردىڭ شىن – جالعان ونىمدەردى پارىقتاۋ، زاڭعا قايشى ارەكەتتەردى پارىقتاۋ، الدانىپ قالۋدان ساقتانۋ تانىمى مەن قابىلەتىن جوعارىلاتادى.

جاۋاپتى رەداكتور: گۇلدەن ماقسات قىزى