بۇكىل قوعامنىڭ زاڭمەن جونگە سالۋ تانىمىن ۇزدىكسىز كۇشەيتەيىك

  • كەلۋ قاينارى: ىلە گازەتى
  • 07:35:36 21/11/2019

زاڭمەن جونگە سالۋ تانىمى جاعىندا، جالپى حالىقتىق زاڭدى جالپىلاستىرۋ مەن جالپى حالىقتىڭ زاڭعا بويسۇنۋىن مەملەكەتتى زاڭمەن جونگە سالۋدىڭ نەگىزدىك قىزمەتى ەتۋگە تاباندى بولىپ، سوتسياليستىك زاڭمەن جونگە سالۋ مادەنيەت قۇرىلىسىنا اناعۇرلىم ءمان بەرىپ، نەگىزگى زاڭ مەن زاڭدار بارىنەن جوعارى تۇراتىن، زاڭ الدىندا بارلىق ادامنىڭ تەرەزەسى تەڭ بولاتىن زاڭمەن جونگە سالۋ تانىمىن ورناتۋدى باسا دارىپتەپ، جالپى حالىقتىق زاڭدى جالپىلاستىرۋ ۇگىتىن كۇشەيتىپ، زاڭدى جالپىلاستىرۋ جاۋاپكەرلىك ءتۇزىمىن تياناقتاندىرىپ، تۇتاس قوعامدا زاڭمەن جونگە سالۋدىڭ تاماشا ورتاسىن قالىپتاستىرۋدى ءونىمدى ىلگەرىلەتۋ كەرەك.

    زاڭمەن باسقارۋ تانىمىنىڭ كۇشتى - السىزدىگى يدەيالىق كوزقاراستا عانا ەمەس، قايشىلىقتى شەشۋ مەن داۋ - شاردى شەشۋ ءىس جۇزىندىك ارەكەتىندە ءتىپتى دە بەينەلەنەدى. ۇزاق جىلدىق زاڭمەن جونگە سالۋ قۇرىلىسى بارىسىندا، ءبىز زاڭ الدىندا بارلىق ادامنىڭ تەرەزەسى تەڭ بولۋعا تاباندى بولىپ، قوعامنىڭ ادىلدىگى مەن ادىلەتتىلىگىن زاڭمەن جونگە سالۋدى قامتاماسىز ەتۋ ءتۇزىمىن ۇزدىكسىز كەمەلدەندىرىپ، تۇتاس قوعامدا ءىستى زاڭ بويىنشا ىستەۋ، ىسكە جولىققاندا زاڭدى ىزدەۋ، ماسەلەنى زاڭ بويىنشا شەشۋ، قايشىلىقتاردا زاڭعا سۇيەنۋ سىندى ارەكەت داعدىسىن قالىپتاستىرۋدى ىلگەرىلەتتىك. بۇگىنگى تاڭدا، زاڭمەن باسقارۋ وي جەلىسى، زاڭمەن باسقارۋ ءتاسىلى ارقىلى ماسەلەگە مامىلە جاساپ، قايشىلىقتى شەشىپ، ماسەلە قايشىلىعىن زاڭ جۇلگەسىندە ءبىر جاقتى ەتۋ بارعان سايىن كوپ ادامنىڭ سانالى ارەكەتىنە اينالدى. زاڭمەن باسقارۋ تانىمى بىرتىندەپ ادامداردىڭ وي - ساناسىندا تەرەڭ تامىر تارتىپ، توقتام داۋ - شارى، تۇتىنۋ الدامكوستىگى سياقتى ماسەلەلەرگە جولىققاندا، زاڭ قارۋىن الىپ، ءوزىنىڭ زاڭدى ۇقىق - مۇددەسىن قورعاۋ كوپ ساندى ادامداردىڭ تالعامى مەن ادەتىنە اينالدى.

    زاڭنىڭ بەدەلى حالىقتىڭ شىنايى قولداۋى مەن شىنايى سەنىمىنەن كەلەدى. جۇڭگوشا سوتسياليستىك زاڭمەن باسقارۋ جۇيەسى كۇن سايىن كەمەلدەنىپ، زاڭمەن باسقارۋعا قۇرمەت ەتۋ جانە ونى قورعاۋ مەن حالىقتىڭ ءتول مۇددەسىنە كەپىلدىك ەتۋ اناعۇرلىم بىرلىككە كەلىپ، زاڭعا بويسۇنىپ، زاڭدى قورعاۋ بىرتىندەپ تۇتاس قوعامنىڭ ورتاق تالپىنىسىنا اينالدى. الايدا زاڭعا بويسۇنىپ، زاڭدى قورعايتىن زاڭمەن جونگە سالۋ سەنىمىن بەكەمدەۋ، استە ،ءبىر جولدا - اق ورىندالاتىن ءىس ەمەس، تاعى دا ۇزدىكسىز تاربيەلەۋ جانە جەتىلدىرۋ قاجەت ەكەنىن دە كورە ءبىلۋىمىز كەرەك. ءبىز جالپى حالىقتىڭ زاڭعا ورتاق بويسۇناتىن، زاڭدى قورعايتىن تاماشا جاعدايىن ونان ارى بەكەمدەپ جانە دامىتىپ، زاڭمەن جونگە سالۋ قۋاتىن كۇشەيتىپ، جالپى حالىقتىڭ سوتسياليستىك زاڭمەن جونگە سالۋدىڭ ادال قۇرمەتتەۋشىسى، سانالى بويسۇنۋشىسى، باتىل قورعاۋشىسى بولۋىنا مۇمكىندىك جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەرىك نەگىز قالاۋىمىز كەرەك.

    ( جۇڭگو حالىق ۋنيۆەرسيتەتى زاڭ ينستيتۋتىنىڭ پروفەسسورى، جۇڭگو زاڭ عىلىمى زاڭ شىعارۋ عىلىمىن زەرتتەۋ قوعامىنىڭ ۇنەمىلىك ىستەرگە جاۋاپتى ورىنباسار باستىعى)

جاۋاپتى رەداكتور: گۇلدەن ماقسات قىزى