توڭكەرىستىك مادەنيەت ارقىلى قاجىرلىلىقپەن كۇرەس جۇرگىزۋ رۋحىن جەتىلدىرەيىك

  • كەلۋ قاينارى: ىلە گازەتى
  • 07:36:55 21/11/2019

 

    دىڭ چۇندۇڭ

 

    شي جينپيڭ جولداس بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ساپارىندا، ءسوز جوق، جاپالى دا اۋىر مىندەت بولادى، جاپا - ماشاقات، حاۋىپ - قاتەر، ءتىپتى، اساۋ تولقىندار دا بولادى، بۇل ءبىزدىڭ قاجىرلىلىقپەن كۇرەس جۇرگىزۋ رۋحىن ساۋلەلەندىرۋىمىزدى ەرەكشە قاجەت ەتەدى. قاجىرلىلىقپەن كۇرەس جۇرگىزۋدى قاستەرلەۋ ـ جۇڭحۋا ۇلتىنىڭ تالىقپاي تالپىنۋداعى رۋحاني گەنى. جاڭا ءداۋىردىڭ ۇلى ساپارىندا توڭكەرىستىك مادەنيەتتى بارىنشا ساۋلەلەندىرىپ، ودان العان بەتىنەن قايتپايتىن، قاجىرلىلىقپەن كۇرەس جۇرگىزەتىن رۋحاني قوزعاۋشى كۇش قابىلداۋ كەلەلى دە تەرەڭ ماڭىز الادى.

    جۇڭحۋانىڭ تاڭداۋلى ءداستۇرلى مادەنيەتىندە ەڭبەكشىل دە، ەرجۇرەك بولۋ، قۇربان بەرۋ، ىنتىماقتاسۋ، تالىقپاي تالپىنۋ سياقتى ۇلتتىق رۋح قامتىلعان. جۇڭگو كوممۋنيستىك پارتياسى حالىققا باسشىلىق ەتىپ، توڭكەرىس، قۇرىلىس، رەفورما سىندى ۇلى اماليات بارىسىندا جيڭگاڭشان رۋحى، ۇزاق جورىق رۋحى، يان - ان رۋحى، شيبايپو رۋحى، «ەكى بومبى، ءبىر جاساندى سەرىك» رۋحى، قۇرىش ادام رۋحى، بەيداحۋاڭ رۋحى، لەي فىڭ رۋحى، قىزىلتۋ توعانى رۋحى، عارىشقا ادام الىپ ۇشۋ رۋحى، جەر سىلكىنىسىنە قارسى اتتانىپ، اپاتتان قۇتقارۋ رۋحى سياقتىلاردى قالىپتاستىردى. بۇل رۋح - توڭكەرىستىك مادەنيەتتىڭ وزەگى، مەملەكەتتىڭ كۇش - قۋاتى مەن قوعامدىق ورتاق تانىمدى ۇيىستىراتىن رۋحاني قوزعاۋشى كۇش، ول مىناداي ءبىر قاعيدانى ايگىلەدى: ۇلى ءىس جاپالى، ناقتى ءىس تىندىرۋدان تۋادى، باقىت قاجىرلىلىقپەن كۇرەس جاساۋدان كەلەدى.

    جيڭگاڭشاننان شيبايپوعا دەيىن جۇڭگو كوممۋنيستىك پارتياسى باسشىلىق ەتكەن جاڭا دەموكراتيالىق توڭكەرىس نەدەگەن ايبىندى، نەدەگەن جاپالى دەسەڭىزشى! «ەكى بومبى، ءبىر جاساندى سەرىك» رۋحى، قۇرىش ادام رۋحى، بەيداحۋاڭ رۋحى، لەي فىڭ رۋحى وسىنىڭ ىشىندە ايگىلەنگەن سوتسياليزم قۇرىلىسشىلارىنىڭ قاجىرلىلىقپەن كۇرەس جۇرگىزىپ، تالىقپاي تالپىناتىن وبرازى قانداي اسقاق دەسەڭىزشى! 20 - عاسىردىڭ 60 - جىلدارى لينشيان اۋدانىنىڭ 300 مىڭ حالقى توتەنشە سۋ تاپشى بولۋداي مۇشكىل جاعدايدا قالعاندا، پارتيا ۇيىمىنىڭ پارمەندى باسشىلىعىندا، قوس قولدارىنا سۇيەنىپ، قاجىرلىلىقپەن كۇرەس جۇرگىزۋ رۋحىمەن 10 جىل جاپالى شايقاس جاساپ، تايحاڭشان تاۋىنىڭ جالاما قۇزىندا جالپى ۇزىندىعى ءبىر مىڭ 500 كيلومەتر كەلەتىن «جاساندى وزەن» - قىزىلتۋ توعانىن جاساپ، كەرەمەتتى ايگىلەدى. وتكەن نەشە ون جىلدا، نەشە ۇرپاق عارىش قىزمەتكەرلەرى الدىڭعىلاردىڭ ءىزىن سوڭعىلار باسىپ، قيىندىقتاردى جەڭىپ، باتىلدىقپەن جاڭالىق جاراتىپ، قايسارلىقپەن كۇرەس جاساپ، جۇڭگونىڭ عارىش ىستەرىندەگى ءىرى ەلدىك ورنىن ايگىلەپ، ماڭگى قاجىرلىلىقپەن كۇرەس جۇرگىزەتىن رۋحاني نەگىزدى ايگىلەدى. ۇلى اماليات ۇلى رۋحتى سومدايدى، ۇلى رۋح ۇلى امالياتتى جەبەيدى. جۇڭگوشا سوتسياليزمنىڭ ۇلى امالياتى بارىسىندا ەڭسە كوتەرگەن وشپەس ەسكەرتكىش - جۇڭحۋا ۇلاندارىنىڭ قاجىرلىلىقپەن كۇرەس جۇرگىزۋ رۋحىنىڭ جەبەۋىندە ارمانعا قانات قاعۋىنىڭ، شىڭعا ەرلىكپەن شىعۋىنىڭ جاندى ەسكەرتۋى بولىپ تابىلادى.

جاۋاپتى رەداكتور: گۇلدەن ماقسات قىزى