توڭكەرىستىك مادەنيەت ارقىلى قاجىرلىلىقپەن كۇرەس جۇرگىزۋ رۋحىن جەتىلدىرەيىك

  • كەلۋ قاينارى: ىلە گازەتى
  • 07:36:55 21/11/2019

    باقىتتى دا تاماشا تۇرمىستىڭ قاندايى بولسا دا وڭاي -وسپاق قولعا كەلمەيدى، قاجىرلىلىقپەن كۇرەس جۇرگىزۋ رۋحىنان قول ۇزە المايدى. قازىر كەيبىرەۋلەر ءداۋىر، ورتا وزگەردى دەپ، قاجىرلىلىقپەن كۇرەس جۇرگىزدىڭ «ءداۋىرى ءوتتى» دەپ قارايدى. مۇنداي كوزقاراس قاتە ءارى زياندى. قاجىرلىلىقپەن كۇرەس جۇرگىزۋ رۋحى ۇزبەي جاڭالانىپ وتىراتىندىقتان، ماڭگى ۋاقىتى وتپەيدى، بۇل - ءبىزدىڭ جۇڭگوشا سوتسياليزم ۇلى ءىسىن ىلگەرىلەتۋىمىزدەگى رۋحاني قوزعاۋشى كۇش. ويتكەنى سىرتقى ورتادان الىپ قاراعاندا، بەيبىتشىلىك پەن دامۋ بۇگىنگى ءداۋىردىڭ نەگىزگى تاقىرىبى بولعانىمەن، ەلىمىزدىڭ رەفورما جاساۋ، دامۋ جولى داڭعىل ەمەس، قازىرگى جانە بۇدان بىلايعى ءبىر مەزگىلدەگى دامۋ قايشىلىعى مەن ماسەلەسى، ءدوپ كەلگەن سايىس پەن حاۋىپ - قاتەر بۇرىن بولىپ كورمەگەن دارەجەدە بولىپ، قاجىرلىلىقپەن كۇرەس جۇرگىزۋ رۋحىن بارىنشا ساۋلەلەندىرىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا رۋحاني قوزعاۋشى كۇش ازىرلەۋ ءتىپتى دە قاجەت بولىپ وتىر.

    جۇڭگوشا سوتسياليزم جاڭا داۋىرگە قادام تاستادى، پارتيا مۇشەلەرى، كادرلار توڭكەرىستىك مادەنيەتتىڭ باي مازمۇنى مەن وسى زامانعى قۇنىن جەتە تانىپ، قىزىل گەندى پارتيانىڭ جالپىلىق قۇرىلىسىنا ءسىڭىرۋى كەرەك. پارتيا تاريحى مەن جاڭا جۇڭگو تاريحىن ۇيرەنۋدى ماڭىزدى جول ەتىپ، پارتيامىزدىڭ حالىقتى باستاپ قاجىرلىلىقپەن كۇرەس جۇرگىزۋ سىندى كۇرەس بارىسى مەن شۇعىلالى تابىستارىن ءتۇسىنىپ، تاريحي اڭگىمەلەردەن كۇرەس جاساۋ ىزدەرىن تاۋىپ، قاجىرلىلىقپەن كۇرەس جۇرگىزۋ رۋحىن ءتۇسىنۋ كەرەك. توڭكەرىستىك مادەنيەت بايلىعىن ىشكەرىلەي اشىپ، جەرگىلىكتى توڭكەرىستىك مادەنيەت پەن وتانشىلدىق تاربيە بازاسى، توڭكەرىستىك مۇراجاي سياقتى قوعامدىق بايلىققا سۇيەنىپ، توڭكەرىستىك مادەنيەتتىڭ بەينەلەنۋ فورماسى مەن جارىققا شىعۋ دانەكەرىن جاڭالاپ، تۇزىمدەندىرۋ، ۇدايىلاندىرۋ تاربيەسىن ورىستەتىپ، قۇجات، ءان، كەسكىن، ءمۇسىن، سونداي - اق دىبىس - نۇر - ەلەكتر سياقتى وسى زامانعى تەحنيكا تاسىلدەرى ارقىلى اعا بۋىن پرولەتاريات توڭكەرىسشىلەرىنىڭ، توڭكەرىستىك قۇربانداردىڭ جانە وزات تيپتەردىڭ شۇعىلالى تاريحى مەن ەرلىك ىستەرىن بايانداپ، ولاردىڭ قاجىرلىلىقپەن كۇرەس جۇرگىزۋ، قالتقىسىز ۇلەس قوسۋ سىندى وسكەلەڭ قاسيەتى ارقىلى ادامداردى اسەرلەندىرىپ، جىگەرلەندىرىپ، توڭكەرىستىك مادەنيەت بايلىعىن رۋحاني كۇشكە اينالدىرۋ كەرەك. توڭكەرىستىك مادەنيەت ءتۇزىلىس مەحانيزمىن ورناتىپ جانە ساۋلەلەندىرىپ، پارتيا مۇشەلەرىن، كادرلاردى توڭكەرىستىك مادەنيەتتى ۇيرەنۋگە جانە وعان مۇراگەرلىك ەتۋگە شابىتتاندىرىپ، اۋەلگى ماقساتتان جازباي، ءداۋىر بورىشىن باتىلدىقپەن ارقالاپ، كۇرەس رۋحىن ماڭگى ساقتاپ، ماڭگى بوساڭسىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتۋ كەرەك.

    (مەملەكەتتىك ساياسي كەڭەستىڭ مۇشەسى، جۇڭگو قوعامدىق عىلىمدار اكادەمياسى ماركسيزمدى زەرتتەۋ ورنىنىڭ بۇرىنعى باستىعى)

جاۋاپتى رەداكتور: گۇلدەن ماقسات قىزى