ورتالىق قازىنا تىڭنان 26 ميلليون يۋان قوسىمشا قاراجات ءبولدى

  • كەلۋ قاينارى: شينجياڭ گازەتى تورابى
  • 09:38:55 21/11/2019

    

    وڭتۇستىك شينجياڭداعى 22 مىڭ اۋىل - قىستاق 2 دارەجەلى شيپاگەرى ”شالعايدان زاريادتالدى“

 

    ءتىلشىمىز چاۋ جين 11 - ايدىڭ 19 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق دەنساۋلىق ساقتاۋ - سالاماتتىق كوميتەتىنەن ۇعىسۋىنشا، اۋىل - قىستاق 2 دارەجەلى شيپاگەرلەردىڭ ەمدەۋ - دەنساۋلىق ساقتاۋ قىزمەت وتەۋ دەڭگەيىن شىن مانىندە ءوسىرۋ ءۇشىن، تاياۋدا ورتالىق قازىنا ءاربىر كەدەي اۋدانعا ءبىر ميلليون يۋان قوسىمشا قاراجات بەرۋ ولشەمى بويىنشا رايونىمىزدىڭ ەمدەۋ قىزمەت وتەۋ جانە قامتاماسىزداندىرۋ قابىلەتىن وسىرۋگە تىڭنان 26 ميلليون يۋان قوسىمشا قاراجات بەرگەن، وسى ارقىلى 2020 - جىلعا دەيىن ”3 رايون، 3 وبلىس“ اراسىنداعى رايونىمىزدىڭ 26 كەدەي اۋدانىندا (قالا) شالعايدان مەديتسينالىق ۇزدىكسىز تاربيەلەۋ ورتالىقتارىن قۇرۋعا كۇش سالادى ەكەن. ۇعىسۋعا قاراعاندا، بۇل نىسان اۋىل - قالاشىق شيپاحانالارىنداعى 13 مىڭ 571 ەمدەۋ قىزمەتكەرىنە، 8550 قىستاق شيپاگەرىنە يگىلىك جەتكىزەدى ەكەن.

    اۋىل - قىستاق 2 دارەجەلى شيپاگەرلەرى − ەمدەۋ - دەنساۋلىق ساقتاۋ قىزمەت وتەۋ قوسىنىنىڭ ءتۇپ تاعانى، اۋىل - قىستاق تۇرعىندارىنىڭ سالاماتتىعىن قامتاماسىز ەتۋدىڭ نەگىزگى كۇشى. اۆتونوميالى رايوندىق دەنساۋلىق ساقتاۋ - سالاماتتىق كوميتەتى عىلىم - وقۋ - اعارتۋ باسقارماسىنىڭ باستىعى شۇي پەيلان بىلاي دەپ تانىستىردى: مەملەكەت ”3 رايون، 3 وبلىس“ وڭىرلەرىندە جول - قاتىناستىڭ قولايسىزدىعى، نەگىزگى ساتى ەمدەۋ قىزمەتكەرلەرىنىڭ سىرتقا شىعىپ ۇيرەنۋدە قىزمەت پەن ۇيرەنۋ قايشىلىعىنىڭ كورنەكتى بولۋى سياقتى ماسەلەلەرگە مەڭزەس، ”ينتەرنەت + شالعايدان مەديتسينالىق ۇزدىكسىز تاربيەلەۋ“ ءتاسىلىن تولىق ساۋلەلەندىرىپ، ”3 رايون، 3 وبلىس“تاعى كەدەي اۋدانداردا اۋدان دارەجەلى جالپىلىق ەمدەۋ قۇرىلىمىن قۇرۋدى باستاماشى، اۋىل - قالاشىق شيپاحانالارىن تىرەك، قىستاق شيپاحانالارىن نەگىز ەتكەن اۋدان، اۋىل - قىستاق ءۇش دارەجەلى شالعايدان مەديتسينالىق ۇزدىكسىز تاربيەلەۋ - باۋلۋ تورىن قۇرىپ، اۋىل - قىستاق ەكى دارەجەلى ەمدەۋ قىزمەتكەرلەرىنە ءتۇيىندى تۇردە باعىتتاي ۇزدىكسىز مەديتسينالىق تاربيەلەۋ - باۋلۋ قىزمەتىن ورىستەتتى.

    ”بۇرىن اۋىل - قىستاق ەكى دارەجەلى شيپاگەرلەردى باۋلۋدا شوعىرلى جيناپ بەتپە - بەت وقىتۋ ءتاسىلى قولدانىلاتىن، ۋاقىت شەكتى ءارى باعىتتامالىلىعى تومەن بولاتىن“. شۇي پەيلان بىلاي دەپ تانىستىردى: نىسان سالىنعان سوڭ، تاربيەلەۋ - باۋلۋدى تور كوزدەندىرىپ باسقارۋ جۇزەگە اسىرىلادى، باۋلۋ ءتاسىلى دە اناعۇرلىم يكەمدى بولادى، اۋدان دارەجەلى ۇزدىكسىز مەديتسينالىق تاربيەلەۋ ورتالىقتارىنىڭ ساتىلى شوعىرلى باۋلۋدى ۇيىمداستىرۋىنا بولادى، اۋىل، قىستاق ەكى دارەجەلى شيپاگەرلەر دە قول تەلەفون سياقتى جىلجىمالى كليەنتتەر ارقىلى كەز كەلگەن جەردە تاربيەنى قابىلداپ، كەز كەلگەن ۋاقىتتا ءوز قاجەتىنە ۇيلەسەتىن مەديتسينالىق بىلىمدەردى يگەرە الادى.

جاۋاپتى رەداكتور: گۇلدەن ماقسات قىزى