«جۇڭگو ادەبيەتىنىڭ كوركەمدىگىن اناعۇرلىم كوپ وقىرماندارعا جەتكىزسەم دەيمىن»

  • كەلۋ قاينارى: ىلە گازەتى
  • 04:49:16 22/11/2019

    يسپانيالىق جۇڭگونى زەرتتەۋشى رەلينكو -

    جياڭ بو

    

    جۇڭحۋا كىتاپتارىنا ەرەكشە ۇلەس قوسۋ سيلىعى

    جۇڭحۋا كىتاپتارىنا ەرەكشە ۇلەس قوسۋ سيلىعى - مەملەكەتتىك اقپارات – باسپا ءسوز باس مەكەمەسى قۇرعان ۇكىمەت سيلىعى. مۇنداعى ماقسات جۇڭگونى تانىستىرۋ، جۇڭگو كىتاپتارىن اۋدارۋ جانە باسپادان شىعارۋ، جۇڭگو مەن شەتەلدىڭ مادەنيەت اۋىس – كۇيىسىن جەبەۋ جاقتارىندا ەلەۋلى ۇلەس قوسقان شەتەلدىك اۋدارماشىلاردى، جازۋشىلاردى جانە باسپاگەرلەردى ماداقتاۋ.

    2005 – جىلى بۇل سيلىق ءتۇرى قۇرىلىپ، قازىرگە دەيىن 22 ادام وسى داڭققا يە بولدى. 2011 – جىلدان باستاپ جۇڭحۋا كىتاپتارىنىڭ ەرەكشە ۇلەس سيلىعى ءبىر جىلدا ءبىر رەت بولىپ وزگەرتىلدى ءارى سيلىق العان ادامعا تۇڭعىش رەت سيلىق تاراتىلدى، سوماسى ءار ادامعا 50 مىڭ يۋان بولدى.

    2017 – جىلى 22 – تامىزدا بەيجيڭدە وتكىزىلگەن 11 – كەزەكتى جۇڭحۋا كىتاپتارىنا ەرەكشە ۇلەس قوسۋ سيلىعى جونىندەگى اقپار جاريالاۋ ماجىلىسىندە شەتەلدىك 20 اۋدارماشى، باسپاگەر جانە جازۋشى وسى كەزەكتى سيلىققا يە بولدى. مۇنىڭ ىشىندە جۇڭحۋا كىتاپتارىنىڭ ەرەكشە ۇلەس قوسۋ سيلىعىنىڭ 16 يەگەرى مەن جاس تابىسقا جەتۋ سيلىعىنىڭ 4 يەگەرى بار. مۇنىڭ ىشىندە 6 جازۋشى، 7 اۋدارماشى، 7 باسپاگەر بار. البانيا، اۆستريا، ليۆان، ۋكراينا سياقتى ءتورت ەلدىڭ ماماندارى تۇڭعىش رەت تاڭدالدى. رەلينكو مىنە وسى كەزەكتە سيلىققا يە بولعان 16 شەتەل جازۋشىسىنىڭ ءبىرى.

    

    يسپانيالىق جۇڭگونى زەرتتەۋشى اليكيا . رەلينكونىڭ ۇيىنە بارعانىمىزدا، ول ءبىزدى كۇلىمسىرەي قارسى الدى. جۇڭگو كلاسسيكالىق ادەبيەتى جونىندە ءسوز قوزعاعانىمىزدا، ول بىردەن كوسىلە جونەلدى. مۇندايدا تىڭداپ وتىرعان ءارقانداي ءبىر ادامنىڭ ونىڭ قىزعىندى بەينەسىنە ءجىپسىز بايلانارى حاق. 1976 – جىلدان باستاپ حانزۋ ءتىلىن ۇيرەنگەننەن قازىرگە دەيىن، رەلينكونىڭ حانزۋ ءتىلى مەن جۇڭگو ادەبيەتىنە دەگەن قىزعىندىلىعىنا قىرىق جىلدان اسىپتى.

    «مەن حانزۋ ءتىلىن ۇنەمى تاڭعى ساعات 3 – 4 كە دەيىن ۇيرەنسەم دە شارشاعانداي سەزىنبەيتىنمىن»

    العاش حانزۋ ءتىلىن ۇيرەنگەنىن ەسىنە العاندا، رەلينكو كۇلىپ تۇرىپ:«بۇل ءبىر كەزدەيسوق تۋىلاتىن سوزسىزدىك» دەدى. رەلينكو مەكتەپتە وقىپ جۇرگەن كەزىندە لي شياۋلۇڭنىڭ كينوسىن ەرەكشە ۇناتىپ كورەدى ەكەن. ول كەزدە جۇڭگو جۇدىرىقشىلىعى جونىندەگى كينولار يسپانيادا ەرەكشە قارسى الۋعا يە بولىپ تۇرعان – دى، ول اپەكەسى ەكەۋى لي شياۋلۇڭ كينوسىنىڭ ناعىز قىزىعۋشىلارى بولاتىن. مىنە، بۇل رەلينكونىڭ جۇڭگومەن ەڭ العاشقى تانىسۋى ەدى.

جاۋاپتى رەداكتور: جازيرا بولاتباي قىزى