«جۇڭگو ادەبيەتىنىڭ كوركەمدىگىن اناعۇرلىم كوپ وقىرماندارعا جەتكىزسەم دەيمىن»

  • كەلۋ قاينارى: ىلە گازەتى
  • 04:49:16 22/11/2019

    «حانزۋ ءتىلى مەن جۇڭگو ادەبيەتى - ومىرىمدەگى تاماشا تارتۋ، مەنىڭ قىزمەتىم، كوپتەگەن دوستارىم، باقىتىم ءبارى – ءبارى دە حانزۋ ءتىلى مەن جۇڭگودان كەلگەن»

    «ادەبيەت ورنەكتەرى»، «باتىس بولمە ەستەلىگى»، «مۋدان سامالدىعى» سياقتى جۇڭگونىڭ كوپتەگەن كلاسسيكالىق ايگىلى شىعارمالارىن رەلينكو الدىڭعى عاسىردىڭ 90 جىلدارىنان باستاپ، يسپان تىلىنە اۋدارىپ تانىستىرۋدى قولعا الادى.

    «ادەبيەت ورنەكتەرى» - رەلينكونىڭ تۇڭعىش اۋدارعان شىعارماسى. بەيجيڭدەگى وقۋىن تامامداعان سوڭ، رەلينكو يسپانياعا قايتىپ بارىپ دوكتورلىق وقۋعا تۇسەدى، ول ديسسەرتاتسيا جازۋ بارىسىندا «ادەبيەت ورنەكتەرىن» وقيدى. مۇنى العاش اۋدارعاندا تەك ديسەرتاتسيانىڭ قاجەتى ءۇشىن اۋدارادى دا كىتاپ ەتىپ شىعارۋدى ويلاستىرمايدى. الايدا اۋدارما نۇسقاسى جاريالانعاننان كەيىن، وقىرماندار مەن وقىمىستىلاردان تۇسكەن قىزۋ اڭىس وعان كۇشتى سەنىم بەرىپ، جۇڭگونىڭ كلاسسيك ادەبي شىعارمالارىن اۋدارۋعا دەگەن سەنىمى دە بەكەمدەلە تۇسەدى.

    «ول كەزدە جۇڭگو ادەبيەتىن تۇسىنەتىندەر ساۋساقپەن سانارلىق ەدى، جۇڭگو ادەبيەتىن وقۋدىڭ جولى دا تىم شەكتى بولاتىن. كىتاپ بازارىنداعى اۋدارىلعان جۇڭگونىڭ ادەبي شىعارمالارى اعىلشىن نەمەسە فرانسۋز تىلىنەن اۋدارىلىپ الىناتىن، سول كەزدە يسپانياداعى كوپتەگەن باسپاحانالار وسىلاي ىستەيتىن – دى. دەگەنمەن، بۇلاي ىستەگەندە اۋدارما بارىسىندا كوپتەگەن نازىك بۋىندار مەن شىعارمانىڭ اۋەلگى مايەگى جەتكىزىلمەي جاتاتىن، بۇل مەنى قاتتى قينايتىن». رەلينكو بىلاي دەدى: «جۇڭگونىڭ كلاسسيك ادەبي شىعارمالارى وسىنشالىق كوركەم ەكەن، وزىمدەگىنىڭ بارلىعىن سارقا وتىرىپ جۇڭگونىڭ اناعۇرلىم كوپتەگەن ادەبي شىعارمالارىن اۋدارۋ ارقىلى جۇڭگو ادەبيەتىنىڭ كوركەمدىگىن ءتىپتى دە كوپتەگەن وقىرماندارعا جەتكىزسەم دەيمىن».

    رەلينكو: اۋدارمانىڭ دالدىگىنە كەپىلدىك ەتۋ ءۇشىن ءاربىر شىعارمانى اۋدارۋ بارىسىندا كوپتەگەن ماتەريالدار مەن قۇجاتتاردى كورىپ شىعۋىم، مۇندا الدىمەن شىعارمانىڭ داۋىرلىك ارتقى كورىنىسىن، تىلدىك ستيلى مەن سول كەزدەگى حالىق تۇرمىسىن ءتۇسىنۋىم قاجەت بولدى. وسىلايشا ارىپتەر، سويلەمدەر بويىنشا قايتالاي سالىستىرىپ مۇقيات ىستەدىم – دەيدى.

    رەلينكو: اۋدارما بارىسى بەينە شىڭعا شىققانمەن ۇقساس، شىڭعا شىعۋ توتەنشە ماشاحاتتى دا ازاپتى بارىس، الايدا سول شىڭنىڭ ۇشار باسىنا شىققانىڭدا زور باقىتقا جەتكەندەي جانە شىنايى قاناعاتتانعانداي بولاسىڭ، – دەيدى.

    2017 – جىلى يسپان تىلىندەگىلەردىڭ جۇڭگو ادەبيەتىن زەرتتەۋ جانە جۇڭگو – يسپان مادەنيەتى اۋىس – كۇيىسىن ىلگەرىلەتۋگە قوسقان بەلسەندى ۇلەسى ءۇشىن رەلينكو 11 - كەزەكتى جۇڭحۋا كىتاپتارىنا ەرەكشە ۇلەس قوسۋشى سيلىعىنا يە بولادى. ول:«حانزۋ ءتىلى مەن جۇڭگو ادەبيەتى – ءومىرىمنىڭ ساۋعاسى، مەنىڭ قىزمەتىمنىڭ، كوپتەگەن دوستارىمنىڭ، بارلىق باقىتىمنىڭ قاينارى جۇڭگو ادەبيەتى مەن جۇڭگودا جاتىر. ال بۇگىنگى كۇنى مەن شۇعىلدانعان، قىزىققان ىستەرىم ءۇشىن القاۋعا يە بولىپ وتىرمىن، بۇعان العىستان باسقا ايتارىم جوق» دەيدى.

جاۋاپتى رەداكتور: جازيرا بولاتباي قىزى