قىستاقتا تۇراتىن قىزمەت اترەتى اراسان قىستاعى تۇرعىندارىنىڭ كىرىسىن ارتتىرۋىنا كومەكتەستى

  • كەلۋ قاينارى: ىلە گازەتى
  • 04:27:16 29/11/2019

    «كۋرس ارقىلى كيىم ـ كەشەك تىگۋ تەحنيكاسىن يگەردىم. قاراپايىم وتباسى ايەلىنەن كاسىپورىن جۇمىسشىسىنا اينالدىم، جازدا حالىقتىق قونالقى اشامىن، قىستا زاۆودتا جۇمىس ىستەيمىن، 4 ماۋسىمدا دا كىرىس كىرگىزىپ، تۇرمىسىمىز كۇننەن – كۇنگە جاقسارا تۇسەتىن بولدى» دەدى قىستاق تۇرعىنى سىمانگۇل ياسىنبەك قىزى. بۇل ونىڭ ەمتيحاننان ٴساتتى ٴوتىپ، سەرىكتىكپەن ەڭبەك توقتامىن جاساسۋمەن بىرگە، سول كۇنگى ماڭدايشالىق اشۋ سالتىندا جۇمىسشىلار ۋاكىلى رەتىندە ءسوز كەزەگىندە رياسىز كوڭىلمەن ايتقان لەبىزى ەدى.

    اراسان قىستاعى ىلە اڭعارىنىڭ شىعىسىنا ورنالاسقان، ىلە اڭعارىنداعى «ەڭ سوڭعى ٴبىر كيلومەتر» دەپ اتالعان، مال شارۋاشىلىعى مەن ساياحات كاسىبىن جەتەكشى كاسىپ ەتكەن شەكارا، شالعاي تاۋلى رايون. وبلىستىق پارتكوم ۇيىمداستىرۋ ٴبولىمىنىڭ «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت اترەتى وسى قىستاققا كەلگەننەن بەرى شارۋالاردىڭ كىرىسىن ارتتىرىپ، اۋقاتتانۋىن حالىق تۇرمىسى ماسەلەسىن شەشۋدىڭ ماڭىزدى مىندەتى رەتىندە مىقتى يگەردى.

    قىزمەت اترەتى مەن قىستاق «ەكى كوميتەتى» بىرگە قۇلشىنىپ، ىلە كۇنمو كيىم ـ كەشەك شەكتى سەرىكتىگىمەن كوپ رەت اقىلداسىپ، كەڭەس وتكىزىپ، مانەرلەۋ جابدىقتارىن ەنگىزىپ، ەگىنشى ـ مالشىلاردى زاۆودقا بارىپ ۇيرەنۋگە ۇيىمداستىردى، 45 كۇندىك تاربيەلەۋ ناتيجەسىندە تولىمدى بولعان 30 شارۋا سەرىكتىكپەن ەڭبەك توقتامىنا قول قويىستى.

    سەرىكتىكتىڭ باس ديرەكتورى باۋ شياۋيىڭ بىلاي دەدى: «سەرىكتىگىمىز تولىق سوماعا سيلىق اقشا ۇستەۋ ەڭبەكاقى ٴتۇزىمىن قولدانادى، سەرىكتىگىمىز 2000 – جىلى قۇرىلعان، باستى ونىمدەرىمىزدەن: ۇلتتىق كيىم – كەشەك، كاسىپتىك ۇلگىدەگى كيىم - كەشەك سياقتى 4 ۇلكەن جەلىلەس 60 نەشە ءتۇرلى كيىم بار، ‹باس شتاپ + ورتا -شاعىن زاۆود› تيجارات ۇلگىسىن قولدانامىز، اراسان قىستاعىندا 3 - كيىم ـ كەشەك ٴوندىرۋ، مانەرلەۋ بولىمشە زاۆودىن قۇردىق». «شارۋالاردى ٴبىر ماۋسىمداعى كىرىستەن ٴتورت ماۋسىمداعى كىرىسكە قول جەتكىزۋىنە مۇمكىندىك جاراتۋ قىزمەت اترەتى باستان ـ اياق ويلاستىرىپ كەلگەن ماسەلە ەدى. بولىمشە زاۆودتىڭ قۇرىلۋى قىستاق تۇرعىندارىنىڭ سول جەردىڭ وزىندە، جاقىن ماڭدا كاسىپتەنۋىن جۇزەگە اسىرۋمەن بىرگە، شارۋالاردىڭ كىرىسىن ارتتىرۋ ارناسىن ٴونىمدى كەڭەيتتى» دەدى قىزمەت اترەتىنىڭ ورىنباسار باستىعى چىن حۋ.

    ارتقى تىرەك ورىننىڭ بار كۇشپەن قولداۋىندا اراسان قىستاعى ىلگەرىندى ـ كەيىندى ىلە كۇنمو كيىم ـ كەشەك شەكتى سەرىكتىگىن جانە شينجياڭ لانپاي كيىم ـ كەشەك سەرىكتىگىن ەنگىزىپ، كيىم ـ كەشەك ٴوندىرۋ - مانەرلەۋ زاۆودىن جانە كەستەشىلىك كووپەراتيۆىن قۇردى، 1 ـ، 2 ـ، 3 ـ كاسىپتەردى توعىسپالى دامىتىپ، 100 دەن استام اۋىل ـ قىستاق ايەلدەرىن جاقىن ماڭدا ورنىقتى كاسىپتەندىرىپ، كىرىستەرىن ارتتىرۋعا جەبەدى.

 

جاۋاپتى رەداكتور: گۇلدەن ماقسات قىزى